ଘରେ ପତ୍ନୀ ଓ ପିଲା, ଗଛ ତଳେ ଜୀବନ ବିତାଉଛନ୍ତି କରୋନା ଯୋଦ୍ଧା

ରେଢ଼ାଖୋଲ: କରୋନା କାଳରେ ସାମ୍ନାକୁ ଆସିଲା ଆଉ ଏକ କରୁଣା କହାଣୀ। ରେଢ଼ାଖୋଲ ମେଡିକାଲରେ ଡ୍ରେସର ଭାବେ କାମ କରୁଥିବା ୪୦ ବର୍ଷୀୟ ଅକୃର ସେଠୀଙ୍କୁ ଏବେ ଗଛ ତଳେ ଜୀବନ ବିତାଇବାକୁ ପଡ଼ୁଛି।  କାହିଁକିନା ଗାଁ ଭିତରକୁ ପ୍ରବେଶ ଉପରେ କଟକଣା ଲାଗିଛି। ଘରେ ସ୍ତ୍ରୀ, ପିଲାମାନେ ବାପାଙ୍କୁ ଦେଖିଥିଲେ ମଧ୍ୟ ପାଖକୁ ଆସିପାରୁନାହାନ୍ତି।

ଗତ ୫ ଦିନ ହେବ ଏମିତି ଭାବେ ଜୀବନ ବିତାଉଛନ୍ତି ଡବାହାଲ ପଚାଂୟତ ଟାଲ ଗାଁର ଅକୃର ସେଠୀ। ରେଢାଖୋଲ ମେଡିକାଲରେ ୩ଜଣ ରୋଗୀ ଏବଂ ୨ଜଣ ଡାକ୍ତର କର୍ମଚାରୀ କରୋନା ପଜିଟିଭ୍ ଚିହ୍ନଟ ହେବା ପରେ ଏମିତି ଭାବେ ଗଛ ମୂଳେ ରହି ଆସୁଛନ୍ତି ସେ। ଦୂରରୁ ହିଁ ପରିବାର ଲୋକ ଖାଇବା ଦେଇ ଯାଆନ୍ତି। କଷ୍ଚ ହେଉଥିଲେ ବି କରୋନା ବିପତ୍ତି ବେଳେ ରୋଗୀ ସେବାକୁ ପ୍ରାଥମିକତା ଦେଇ ମେଡିକାଲରେ ନିଜ ସେବା ଜାରି ରଖିଥିବା କୋହଭରା କଣ୍ଠରେ କୁହନ୍ତି ଅକୃର।

You might also like