‘ଓଡ଼ିଶାରେ ଭୋଟ୍ ଗଣତି ପାଇଁ ଅଧିକ ସମୟ ଲାଗିପାରେ’

ଭୁବନେଶ୍ୱର: ଆସନ୍ତା ୨୩ରେ ସାଧାରଣ ନିର୍ବାଚନ ଫଳାଫଳ ଘୋଷଣା ବେଳେ ଓଡ଼ିଶାରେ ଅଧିକ ସମୟ ଲାଗିପାରେ ଭୋଟ୍ ଗଣତି। ଆଜି ଭୁବନେଶ୍ୱରେରେ ରିଟର୍ଣ୍ଣିଂ ଅଧିକାରୀଙ୍କୁ ତାଲିମ୍ ପ୍ରଦାନ ଅବସରରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଏହି ସୂଚନା ଦେଇଛନ୍ତି।

ସେ କହିଛନ୍ତି, ଓଡ଼ିଶାରେ ଏକ ସମୟରେ ଲୋକସଭା, ବିଧାନସଭା ଭୋଟ୍ ଲାଗି ଗଣତି ହେବାକୁ ଥିବାରୁ ଏଥିପାଇଁ ଦୀର୍ଘ ସମୟ ଲାଗିବ। ୭ଟି ଟେବୁଲ୍‌ରେ ବିଧାନସଭା, ୭ଟି ଟେବୁଲ୍‌ରେ ଲୋକସଭା ଭୋଟ୍‌ ଗଣତି ହେବ। ପ୍ରତି ନିର୍ବାଚନ ମଣ୍ଡଳୀର ୫ଟି ବୁଥ୍‌ରେ VVPAT ଗଣତି ହେବ। VVPAT ଗଣତି ପାଇଁ ଲଟେରୀ କରିବାକୁ ୪୫ ମିନିଟରୁ ୧ ଘଣ୍ଟା ଲାଗିବ। VVPAT ଗଣତି ସମାନ୍ତରାଳ ଭାବେ କରା ନଯାଇ ଗୋଟିଏ ବୁଥ୍‌ ପରେ ଆଉ ଗୋଟିଏ ବୁଥ୍‌ର କରାଯିବ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି।

ଅନ୍ୟପକ୍ଷେ, ଖରା ଓ ଗରମକୁ ଦୃଷ୍ଟିରେ ରଖି ସବୁ ଭୋଟ୍‌ ଗଣତି କେନ୍ଦ୍ରରେ ଶୀତତାପ ନିୟନ୍ତ୍ରିତ ବ୍ୟବସ୍ଥା କରାଯିବ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି। ଭୁବନେଶ୍ୱରେ ଆଜି ୧୪ଟି ଜିଲ୍ଲାର ରିଟର୍ଣ୍ଣିଂ ଅଫିସରଙ୍କୁ ଭୋଟ୍ ଗଣତି ପ୍ରକ୍ରିୟା ସମ୍ପର୍କରେ ପ୍ରଶିକ୍ଷଣ ପ୍ରଦାନ କରାଯାଉଛି।

ଭୋଟ୍ ଗଣତିକୁ କିଭଳି ନିର୍ଭୁଲ୍‌ ଓ ତ୍ରୁଟିଶୂନ୍ୟ କରାଯିବ ଏବଂ ଉପୁଜିବାକୁ ଥିବା ସମସ୍ୟାର ସମାଧାନ କରାଯିବ ସେ ନେଇ ପ୍ରଶିକ୍ଷଣ ଦିଆଯାଉଛି। ବାକି ଜିଲ୍ଲାର ରିଟର୍ଣ୍ଣିଂ ଅଫିସରଙ୍କୁ ଆସନ୍ତାକାଲି ଟ୍ରେନିଂ ଦିଆଯିବ।

You might also like