ଭୁବନେଶ୍ୱର: କଂଗ୍ରେସରେ ଛିଣ୍ଡୁନି ଟିକେଟ ଅଙ୍କ। ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ବାକି ଥିବା ୩ ଲୋକସଭା ଓ ୨୭ ବିଧାନସଭା ଆସନରେ କାହାକୁ ଟିକେଟ ମିଳିବ, ତାକୁ ନେଇ ଦଳ ଅଡୁଆରେ ରହିଛି।
କିଛି ପ୍ରାର୍ଥୀଙ୍କୁ ଭିତିରିଆ ଭାବରେ ନାମାଙ୍କନ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଥିବା ସୂଚନା ମିଳୁଛି। ଏପରିକି ପ୍ରଥମ ଦଫା ପ୍ରାର୍ଥୀ ତାଲିକାରେ ମହିଳାଙ୍କ ସଂଖ୍ୟା କମ୍ ଥିବାରୁ, ମହିଳା ପ୍ରାର୍ଥୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଏହି ସମସ୍ୟାର କିଭଳି ସମାଧାନ କରାଯିବ, ତାକୁ ନେଇ ସ୍କ୍ରିନିଂ କମିଟିରେ ଆଲୋଚନା ହୋଇଥିବା ସୂଚନା ମିଳିଛି।