ଅଡିଓ ଭାଇରାଲ ପ୍ରସଙ୍ଗ: ଗିରଫ ଲକ୍ଷ୍ମୀକାନ୍ତଙ୍କୁ ଭେଟିଲା କଂଗ୍ରେସ

ଭୁବନେଶ୍ୱର: ଅଡିଓ ଭାଇରାଲ ନେଇ ଭୁବନେଶ୍ୱରରେ ୨ ଜଣଙ୍କୁ ଗିରଫ ପ୍ରସଙ୍ଗରେ ଗିରଫ ଲକ୍ଷ୍ମୀକାନ୍ତ ବେହେରାଙ୍କ ପରିବାରକୁ ଭେଟିଲେ କଂଗ୍ରେସ ନେତା। ସୁଦର୍ଶନ ଦାସଙ୍କ ନେତୃତ୍ୱରେ କଂଗ୍ରେସର ୪ ଜଣିଆ ଟିମ୍ ପରିବାରବର୍ଗଙ୍କୁ ଭେଟିବା ସହ ଗିରଫଦାରୀକୁ ନିନ୍ଦା କରିଛନ୍ତି ସୁଦର୍ଶନ ଦାସ।

ଲକ୍ଷ୍ମୀକାନ୍ତଙ୍କ ପରିବାର ଲୋକେ ଆତଙ୍କିତ ଓ ମ୍ରିୟମାଣ ଅବସ୍ଥାରେ ଅଛନ୍ତି। ଲକ୍ଷ୍ମୀକାନ୍ତଙ୍କୁ ଆଇନ ସହାୟତା ଯୋଗାଇଦେବାର ସୂଚନା ଦେଲେ ସୁଦର୍ଶନ। ଆଇନ ସହାୟତା ଲାଗି ପିସିସି ସଭାପତିଙ୍କ ସହ ଆଲୋଚନା କରାଯିବ ବୋଲି ସେ ସୂଚନା ଦେଇଛନ୍ତି।

ସେପଟେ ଭାଇରାଲ ଅଡିଓ ମାମଲାରେ ଲକ୍ଷ୍ମୀକାନ୍ତ ବେହେରା ଓ ବିଶ୍ୱଜିତ ମହାନ୍ତିଙ୍କୁ ଆଜିଠାରୁ ୩ ଦିନିଆ ରିମାଣ୍ଡରେ ନେଇଛି କ୍ୟାପିଟାଲ ଥାନା ପୋଲିସ। ଝାରପଡ଼ା ଜେଲ୍‌ରୁ ୨ ଜଣଙ୍କୁ ରିମାଣ୍ଡରେ ନେଇଛି ପୋଲିସ। କାଲି ଉଭୟଙ୍କୁ ୩ ଦିନିଆ ରିମାଣ୍ଡ ପାଇଁ ଏସ୍‌ଡିଜେଏମ୍ କୋର୍ଟ ଅନୁମତି ଦେଇଥିଲେ। କରୋନା ଚିକିତ୍ସାରେ ଅବ୍ୟବସ୍ଥା ନେଇ ସୋସିଆଲ୍ ମିଡିଆର ଭାଇରାଲ୍ ହୋଇଥିବା ଅଡିଓ ମାମଲାରେ ଏହି ଦୁଇ ଜଣଙ୍କୁ ପୋଲିସ ଗତକାଲି ଗିରଫ କରିଥିଲା।

You might also like