ସରିଲା ରଥଯାତ୍ରା: ଶ୍ରେୟ ନେବାକୁ ରାଜନୈତିକ ଦଳଙ୍କ ମଧ୍ୟରେ ପ୍ରତିଯୋଗିତା

ଭୁବନେଶ୍ୱର: ସୁପ୍ରିମ୍‌କୋର୍ଟଙ୍କ କଟକଣା ମାନି ସଫଳ ଭକ୍ତଶୂନ୍ୟ ରଥଯାତ୍ରା ପରେ ଏବେ ଶ୍ରେୟ ନେବାକୁ ପ୍ରତିଯୋଗିତା ଲାଗିଛି। ବିଜେପି ପରୋକ୍ଷରେ ରାଜ୍ୟ ସରକାରଙ୍କୁ ଷଡ଼ଯନ୍ତ୍ରକାରୀ କହି ପ୍ରଧାନମନ୍ତ୍ରୀ ଓ କେନ୍ଦ୍ର ଗୃହମନ୍ତ୍ରୀଙ୍କ ହସ୍ତକ୍ଷେପ ଯୋଗୁ ରଥ ଗଡ଼ିଲା ବୋଲି କହିଛି। ବିଜେଡି କିନ୍ତୁ ଏ ନେଇ ଚୁପଥିବା ବେଳେ କଂଗ୍ରେସ କହିଛି ଉଭୟ ରାଜ୍ୟ ଓ କେନ୍ଦ୍ର ସରକାର କେହି ରଥଯାତ୍ରା ଚାହୁଁନଥିଲେ। କାଳିଆ ଯୋଗୁ ହିଁ ରଥଯାତ୍ରା ସୁରୁଖୁରରେ ହେଲା

ବିନା ଭକ୍ତରେ ରଥ ଗଡ଼ିବା ବଡ଼ଦାଣ୍ଡରେ ନୂଆ ଇତିହାସ ସୃଷ୍ଟି କରିଛି। କରୋନାର ଆତଙ୍କ ଭିତରେ ବି ସମ୍ଭବ ହୋଇଛି। ସୁପ୍ରିମକୋର୍ଟଙ୍କ ୧୧ ସର୍ତ୍ତ ମାନି ସୁରୁଖୁରରେ ସମ୍ପାଦିତ ହେଲା ଏ ବର୍ଷର ଘୋଷଯାତ୍ରା। ତେବେ ଏ ସଫଳତାର ଶ୍ରେୟ ନେବାକୁ ଏବେ ଆରମ୍ଭ ହୋଇଛି ରାଜନୈତିକ ପ୍ରତିଯୋଗିତା।

ରାଜ୍ୟ ସରକାର ଚାହୁଁନଥିବା ସତ୍ତ୍ୱେ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ଯୋଗୁ ବଡ଼ଦାଣ୍ଡରେ ରଥ ଗଡ଼ିଲା ବୋଲି ବିଜେପି କହିଛି। କେବଳ ଏତିକି ନୁହେଁ ରଥଯାତ୍ରା ନ କରିବାକୁ ଆବେଦନକାରୀଙ୍କ ସହ ମିଶି ପରୋକ୍ଷରେ ରାଜ୍ୟ ସରକାର ହିଁ ଷଡ଼ଯନ୍ତ୍ର କରିଥିଲେ ବୋଲି ଦଳ ଅଭିଯୋଗ ବି ଆଣିଛି। ବିଜେଡି କିନ୍ତୁ ଏ ଅଭିଯୋଗ ଉପରେ ପୂରା ଚୁପ୍। ତେବେ କଂଗ୍ରେସ କହିଛି ଉଭୟ ରାଜ୍ୟ କିମ୍ବା କେନ୍ଦ୍ର ସରକାର କେହି ଚାହିଁନଥିଲେ ରଥଯାତ୍ରା ହେଉ।

ରଥ ନିର୍ମାଣ ପର୍ବଠାରୁ ଆରମ୍ଭ କରି ରଥ ଗଡ଼ିବା ଯାଏଁ ଯଦିଓ ରାଜ୍ୟ ସରକାର ପ୍ରସ୍ତୁତି କରିଥିଲେ, ତେବେ ସରକାରଙ୍କ ଆଭିମୁଖ୍ୟକୁ ନେଇ ଅନେକ ପ୍ରଶ୍ନ ଉଠିଥିଲା। ପ୍ରଥମରୁ ୧୨ ଦିନ ବିଳମ୍ବରେ ମେ ୭ ତାରିଖରେ କେନ୍ଦ୍ରର ଅନୁମତି ପରେ ରଥକାମ ଆରମ୍ଭ ହେଲା। ପରେ ରଥଯାତ୍ରା ନ କରିବାକୁ ହାଇକୋର୍ଟରେ ମାମଲା ହେଲା। ତେବେ କୋର୍ଟ ରାଜ୍ୟ ସରକାରଙ୍କ ଉପରେ ନିଷ୍ପତ୍ତି ଛାଡ଼ିଲେ। ମାମଲା ସୁପ୍ରିମକୋର୍ଟ ଗଲା ଆଉ ରାଜ୍ୟ ସରକାର ଚୁପ୍ ବସି ରହିଲେ।

ରଥଯାତ୍ରା ବନ୍ଦ ପାଇଁ ରାୟ ଆସିଲା। ୧୮ ତାରିଖରେ ତେବେ ସୁପ୍ରିମକୋର୍ଟରେ ସରକାରଙ୍କ ଆଭିମୁଖ୍ୟକୁ ନେଇ ପ୍ରଶ୍ନ ଠିଆ ହେଲା। ରଥଯାତ୍ରାରେ ୧୦ ରୁ ୧୨ ଲକ୍ଷ ଲୋକ ହେବେ ବୋଲି ସରକାର କହିବା ପରେ ସୁପ୍ରିମକୋର୍ଟ ରଥଯାତ୍ରା ଉପରେ କଟକଣା ଲଗାଇଥିଲେ।

ସବୁ ରାଜନୈତିକ ଦଳ ବି କୋର୍ଟଙ୍କ ନିର୍ଦ୍ଦେଶକୁ ସ୍ୱାଗତ କଲେ। ତେବେ ଭକ୍ତଙ୍କ ଅସନ୍ତୋଷ, ମୁଖ୍ୟମନ୍ତ୍ରୀଙ୍କୁ ଗଜପତିଙ୍କ ଅନୁରୋଧ ଓ ଶଙ୍କରାଚାର୍ଯ୍ୟଙ୍କ କ୍ଷୋଭ ପରେ ବଦଳିଥିଲା ମୋଡ। ସେବାୟତ କହିଛନ୍ତି, ଏଥର ବଡ଼ଦାଣ୍ଡରେ ରଥଗଡ଼ିବାର  ଶ୍ରେୟ କେବଳ କାଳିଆ ଠାକୁରଙ୍କର।

କୋଭିଡ୍ ନିୟମ ମାନି ରଥଯାତ୍ରା କରିବାକୁ ୨୨ ତାରିଖରେ ସୁପ୍ରିମକୋର୍ଟ କହିବା ପରେ କେନ୍ଦ୍ର ସରକାରଙ୍କ ସକାରାତ୍ମକ ଆଭିମୁଖ୍ୟକୁ ନେଇ ଟୁଇଟ୍ କିରଥିଲେ କେନ୍ଦ୍ର ଗୃହମନ୍ତ୍ରୀଙ୍କ ଠାରୁ ଆରମ୍ଭ କରି ଅନେକ କେନ୍ଦ୍ରମନ୍ତ୍ରୀ।  ମୁଖ୍ୟମନ୍ତ୍ରୀ ବି କେନ୍ଦ୍ରର ସହଯୋଗ ପାଇଁ ଧନ୍ୟବାଦ ଦେଇଥିଲେ। ଆଉ ଏବେ ବିଜେପି ଏବେ ଏ ସଫଳତାକୁ ନେଇ ସୋସିଆଲ୍ ମିଡିଆରେ କ୍ୟାମ୍ପେନ୍ ଆରମ୍ଭ କରିଦେଇଛି।

ଆହୁରି ପଢ଼ନ୍ତୁ

କଟକରୁ ୩୮ କରୋନା ଆକ୍ରାନ୍ତ ଚିହ୍ନଟ; ଆଚାର୍ଯ୍ୟ ହରିହର କ୍ୟାନସର ହସ୍ପିଟାଲ ଲିଙ୍କ୍

ବିଏମ୍‌ସି ଅଞ୍ଚଳରେ ସମାବେଶ ଉପରେ କଟକଣା

ସମ୍ପନ୍ନ ହେଲା ନୀଳାଦ୍ରି ବିଜେ: ନୀଳକନ୍ଦରକୁ ବାହୁଡ଼ିଗଲେ ଚତୁର୍ଦ୍ଧାମୂରତି

ବାହାଘରରେ କରୋନା କଟକଣା ଉଲ୍ଲଙ୍ଘନ: ହୋଟେଲ୍ ସିଲ୍‌, ୫ ଗିରଫ

କିଡନୀ ରୋଗ ବୃଦ୍ଧିକୁ ନେଇ ଅନୁଗୋଳ ଜିଲ୍ଲାରେ ଆତଙ୍କ

ପଜିଟିଭ୍‌ରେ ରେକର୍ଡ ଭାଙ୍ଗୁଛି ଗଞ୍ଜାମ, ମୃତ୍ୟୁରେ ବି ନମ୍ବର ଓ୍ୱାନ୍

ଖଣ୍ଡଗିରି, ଉଦୟଗିରି ଓ ଧଉଳି ସହିତ ୬ରେ ଖୋଲିବ ଓଡ଼ିଶାର କିଛି ଦର୍ଶନୀୟ ସ୍ଥାନ

ଆଜି ୨୨୯ କରୋନା ଆକ୍ରାନ୍ତ ସୁସ୍ଥ; ଗଂଜାମରୁ ସର୍ବାଧିକ

କେନ୍ ଭିତରେ ମୁଣ୍ଡ ଫସି ଛଟପଟ ହେଉଥିଲା ନାଗ; ଟିଣକୁ କାଟିବା ପରେ…

ବାହାଘର ଖୁସିରେ ଭୁଲିଗଲେ ନିୟମ; ଫାଇନ୍‌ ସହ ଥାନାରେ ମାମଲା

୧୪ ଜିଲ୍ଲାବାସୀଙ୍କ ପାଇଁ କଟକଣା, ରାଉରକେଲା ଆସିଲେ ଆଗେ କ୍ୱାରେଣ୍ଟିନ ଯିବ

କରୋନାର କରାଳ ରୂପ: ୪ ଦିନରେ ୯ ମୃତ, ୧୫୩୬ ଆକ୍ରାନ୍ତ

You might also like