ସହିଦ ଯବାନଙ୍କ ପରିବାରକୁ ୨୫ ଲକ୍ଷର ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର:ଜାମ୍ମୁ ଓ କାଶ୍ମୀରର ପୁଲଓ୍ୱାମାରେ ଆଇଇଡି ବ୍ଲାଷ୍ଟରେ ସହିଦ ଓଡ଼ିଆ ଯବାନ ଅଜିତ ସାହୁଙ୍କ ପରିବାର ପାଇଁ ୨୫ ଲକ୍ଷ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହି ଘଟଣାରେ ମୁଖ୍ୟମନ୍ତ୍ରୀ ଗଭୀର ଶୋକବ୍ୟକ୍ତ କରିବା ସହ ଆତଙ୍କବାଦ କାର୍ଯ୍ୟକଳାପକୁ ଦୃଢ ନିନ୍ଦା କରିଛନ୍ତି। ସେପଟେ ଆଜି ଓଡ଼ିଶା ଆସୁଛି ସହିଦ ଯବାନ ଅଜିତ ସାହୁଙ୍କ ମରଶରୀର।

ସୋମବାର ଜାମ୍ମୁ ଓ କାଶ୍ମୀର ପୁଲୱାମା ଅରିହଲ୍ ଅଞ୍ଚଳରେ ଯବାନଙ୍କ ଗାଡ଼ି ଉପରକୁ ଆକ୍ରମଣ ହୋଇଥିଲା । ଯବାନଙ୍କ ଗାଡ଼ି ଯିବା ବେଳେ ଆଇଡି ବିସ୍ଫୋରଣ ହୋଇଥିଲା। ଯେଉଁଥିରେ ହାବିଲଦାର ଅମରଜିତ କୁମାର ଏବଂ ନାଏକ ଅଜିତ ସାହୁ ସହିଦ୍ ହୋଇଥିଲେ। ଏହି  ଘଟଣା ପରେ  ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ବଡ଼ସୁଆଁଳ ଗାଁରେ ଶୋକାକୁଳ ପରିବେଶ ଛାଇ ଯାଇଛି । ଭାଙ୍ଗି ପଡିଛନ୍ତି ସହିଦ୍ ଅଜିତ ସାହୁଙ୍କ ପରିବାର। ୨୦୧୫ରେ ସେନାରେ ସାମିଲ ହୋଇଥିଲେ ଅଜିତ୍। କିଛି ଦିନ ତଳେ ତାଙ୍କର ଜାମ୍ମୁ ଓ କାଶ୍ମୀରକୁ ବଦଳି ହୋଇଥିଲା।

You might also like