‘ଗାଁକୁ ଯାଅ, ସିଧାସଳଖ ଲୋକଙ୍କ ଫିଡ୍‌ବ୍ୟାକ୍ ନିଅ’

ପଞ୍ଚମ ପାଳିରେ ମନ୍ତ୍ରୀଙ୍କୁ ନବୀନଙ୍କ ନୂଆ ମନ୍ତ୍ର

ଭୁବନେଶ୍ୱର :  ରାଜଧାନୀ ଛାଡ଼, ଗାଁକୁ ଯାଅ। ଲୋକଙ୍କ ସୁବିଧା ଅସୁବିଧା ବୁଝ, ସେମାନଙ୍କ ସମସ୍ୟା ସଂପର୍କରେ ଅବଗତ ହୁଅ। ତୃଣମୂଳ ସ୍ତରକୁ ଯାଇ ବିଭିନ୍ନ ଯୋଜନା ସଂପର୍କରେ ଫିଡ୍‌ବ୍ୟାକ୍‌ ନିଅ ନୂଆ ମନ୍ତ୍ରିମଣ୍ଡଳ ଗଠନର ଦେଢ଼ମାସ ପରେ ଆଜି ଏଭଳି ପାଠ ପଢାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ପ୍ରଥମେ ନବୀନ ନିବାସରେ ନୂଆ ଓ ପୁରୁଣା ବିଧାୟକଙ୍କୁ ସରଳତା ଓ ବିନମ୍ରତାର ପାଠ ପଢାଇଥିବା ନବୀନ ଆଜି ମନ୍ତ୍ରୀମାନଙ୍କୁ ଦେଇଛନ୍ତି ଟାସ୍କ। ନବୀନ କହିଛନ୍ତି, ମନ୍ତ୍ରୀମାନେ ବ୍ୟାପକ ଭାବେ ଟୁର୍ କରନ୍ତୁ, ଯଦ୍ୱାରା ନିଜ ବିଭାଗର କାମ ସଂପର୍କରେ ତୃଣମୂଳ ସ୍ତରରୁ ଜାଣିପାରିବେ ଅଫିସ୍ ଓ ଅନୁଷ୍ଠାନଗୁଡ଼ିକ ଅଚାନକ ପରିଦର୍ଶନ କରନ୍ତୁ, ଫଳରେ ସରକାରୀ ସେବା ତ୍ୱରାନ୍ୱିତ ହୋଇପାରିବ।

ସେହିପରି ଫାଇଭ୍ ଟି- ଟ୍ରାନ୍ସପାରେନ୍ସି, ଟେକ୍ନୋଲୋଜି, ଟିମ୍ ଓ୍ୱର୍କ, ଟ୍ରାନ୍ସଫର୍ମେସନ ଓ ଟାଇମ୍ ଉପରେ ପୁଣିଥରେ ଗୁରୁତ୍ୱ ଦେଇଛନ୍ତି ନବୀନ। ସେହିପରି ବିଭାଗର କାମ ଅନଲାଇନ୍ ବ୍ୟବସ୍ଥା OSWASରେ ଫାଇଲ୍ କରିବାକୁ ନିର୍ଦ୍ଦେଶ ଦେଇଛନ୍ତି।

ପ୍ରଥମେ ବିଧାୟକଙ୍କୁ ବିନମ୍ରତା ଆଚରଣ, ମାସିକିଆ ରିପୋର୍ଟ ମାଗିବା ଆଉ ଏବେ ମନ୍ତ୍ରୀଙ୍କୁ ଲୋକଙ୍କ ପାଖକୁ ଯିବା ପାଇଁ ନିର୍ଦ୍ଦେଶ ଦେବା ପଛରେ କାରଣ କଣ ? ପଞ୍ଚମ ଇନିଂସ୍‌ରେ କାହିଁକି ବଦଳୁଛି ଆଭିମୁଖ୍ୟ ? ରାଜ୍ୟରେ ଶାସନ କଳ ଏକପ୍ରକାର ସ୍ଥାଣୁ ପାଲଟି ଯାଇଛି, ବ୍ୟୁରୋକ୍ରାଟମାନେ ହିଁ ଶାସନ ଚଳାଉଛନ୍ତି ବୋଲି ଯେଉଁ ଅଭିଯୋଗ ହେଉଛି ତାକୁ ପୁଣି କ୍ରିୟାଶୀଳ କରିବାକୁ ନବୀନଙ୍କ ଏହି ଫଣ୍ଡା ବୋଲି କୁହାଯାଉଛି। ତାଛଡ଼ା ଆଗକୁ ମନ୍ତ୍ରିମଣ୍ଡଳ ସଂପ୍ରସାରଣ ବେଳେ ମନ୍ତ୍ରୀଙ୍କ ଦକ୍ଷତା ମାପିବା ଲାଗି ଏହା ଏକ ମାପଦଣ୍ଡ ହୋଇପାରେ।

ଏଥିସହିତ ଗତ ନିର୍ବାଚନରେ ବିପୁଳ ବିଜୟ ପରେ ଆରମ୍ଭରୁ ଯେପରି ସରକାର ବିରୋଧୀ ହାଓ୍ୱା ନବହୁ ସେଥିପାଇଁ ଏଭଳି ଟିପ୍ସ ଦେଉଥିବା କୁହାଯାଉଛି। ସେପଟେ ବିରୋଧୀ କଂଗ୍ରେସ ଓ ବିଜେପି ଏହାକୁ ସମାଲୋଚନା କରିଛନ୍ତି।

ଏବେ ଦେଖିବାର କଥା ମନ୍ତ୍ରୀମାନେ ନବୀନଙ୍କ କଥା ମାନି କେତେଦୂର ଲୋକଙ୍କ ପାଖରେ ପହଞ୍ଚୁଛନ୍ତି ଓ ସେମାନଙ୍କ ସମସ୍ୟା ସମାଧାନ କରିବାରେ ସକ୍ରିୟ ହେଉଛନ୍ତି।

ଆହୁରି ପଢ଼ନ୍ତୁ

ପୁଅ ସହିଦ ହେବାର ୨୦ ବର୍ଷ ପରେ ବି ଶୁଖିନି ମା’ ଆଖିର ଲୁହ

ଆଶ୍ରୟ ଗୃହରେ ନାବାଳିକାଙ୍କୁ ଯୌନ ନିର୍ଯାତନା ଘଟଣା ; ଗିରଫ ହେଲେ ସଂସ୍ଥାର ନିର୍ଦ୍ଦେଶକ

ପାର୍କର ଭ୍ରମ ସୃଷ୍ଟି କରୁଛି ବିଦ୍ୟାଳୟ ପରିସର ; ପରିବେଶ ସୁରକ୍ଷା ପ୍ରତି ଏକ ନିଆରା ଉଦାହରଣ

‘ସୁପର-୩୦’ର ଜଣେ ଛାତ୍ରଙ୍କ କାହାଣୀ: ଦୋକାନରେ କାମ କରୁଥିଲେ, ଏବେ ମାସିକ ରୋଜଗାର ଲକ୍ଷାଧିକ ଟଙ୍କା

ଯେଉଁ ଫଟୋ ଦେଇଥିଲା ସଫଳତା, ସେଇ ଫଟୋ ନେଲା ଜୀବନ

କୁନି ଝିଅଙ୍କ ଇଜ୍ଜତ ଲୁଟିଲେ ଆଶ୍ରୟଦାତା !

ସୋଶାଲ୍‌ ମିଡିଆରେ ନାଗ ସହ ଷ୍ଟଣ୍ଟ ଘଟଣାରେ ଫିଟୁଛି ଗୁମର

ଦେଶର ପ୍ରଥମ ଏଡ୍‌ସ ରୋଗୀ, ଯାହାଙ୍କ ପାଇଁ ବଦଳି ଯାଇଥିଲା ଆଇନ୍‌

ବାପାଙ୍କ ଶବକୁ କାନ୍ଧ ଦେଇ ମଶାଣି ନେଲେ ତିନି ଝିଅ , ଦେଲେ ମୁଖାଗ୍ନି

ସରକାରଙ୍କ ଠିକାଦାର ପ୍ରୀତିର ଗୁମର ଖୋଲିଲେ ଏଜି ; କାମ ନକରି ବି ମାଲେମାଲ୍ ଠିକାଦାର

ସାହାରା ଇଣ୍ଡିଆ କମ୍ପାନୀର ବ୍ରହ୍ମପୁର ଅଫିସରେ ତାଲା

ଖୋଲିବ ଛୋଟାର କଳା ସାମ୍ରାଜ୍ୟର ଗୁମର

You might also like