କେନ୍ଦ୍ରାପଡା: କେନ୍ଦ୍ରାପଡ଼ା ଗସ୍ତ କରି ପ୍ରଭୁ ଶ୍ରୀବଳଦେବ ଜିଉଙ୍କ ଦର୍ଶନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଆଜି ଅପରାହ୍ଣରେ ମାଉସୀମା ମନ୍ଦିର ନିକଟ ହେଲିପ୍ୟାଡେର ଓହ୍ଲାଇ ନବୀନ ବଳଦେବ ଜିଉ ମନ୍ଦିରରେ ପହଞ୍ଚିଥିଲେ ଓ ପରେ ସ୍ନାନ ମଣ୍ଡପକୁ ଯାଇ ମହାପ୍ରଭୁଙ୍କୁ ଦର୍ଶନ କରି ଆଶୀର୍ବାଦ ନେଇଥିଲେ । ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିଲା। ମୁଖ୍ୟମନ୍ତ୍ରୀଙ୍କ ସହ ବହୁ ବିଜେଡି ବିଧାୟକ ଓ ବରିଷ୍ଠ ନେତା ମନ୍ଦିରରେ ଦର୍ଶନ କରିଥିଲେ। ବାହାରେ ବହୁ ଦଳୀୟ କର୍ମୀଙ୍କ ଭିଡ଼ ଜମିଥିଲା । ଏହି ଅବସରରେ ଶ୍ରୀବଳଦେବ ଜୀଉ ମନ୍ଦିର ଓ ପାରିପାର୍ଶ୍ୱିକ ଉନ୍ନତି ପାଇଁ ମୁଖ୍ୟମନ୍ତ୍ରୀ ୨ କୋଟି ଟଙ୍କାର ପ୍ରକଳ୍ପ ଘୋଷଣା କରିଥିବା ତାଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି। ସେଥିରେ ଝୁଲଣ ମଣ୍ଡପ ପୁନରୁଦ୍ଧାର, ଉତ୍ତର ପାର୍ଶ୍ୱ ପାଚେରୀ, କଲ୍ୟାଣ ମଣ୍ଡପ ଓ ତା ନିକଟରେ ଶୌଚାଳୟ ଆଦି ନିର୍ମାଣ କରାଯିବ।