ବ୍ରହ୍ମପୁର MKCGରୁ ଚୋରି ଶିଶୁ କନ୍ୟା ଉଦ୍ଧାର

ବ୍ରହ୍ମପୁର  : ବ୍ରହ୍ମପୁର MKCGରୁ ଚୋରି ହୋଇଥିବା ନବଜାତ ଶିଶୁ କନ୍ୟାକୁ ଉଦ୍ଧାର କରାଯାଇଛି । ଗତକାଲି ରାତିରେ ଗୋଳନ୍ଥରା ଥାନା କନିସି ଗାଁରୁ ଉଦ୍ଧାର କରି ପରିବାର ଲୋକଙ୍କୁ ଜିମା ଦେଇଛି ପୁଲିସ।  ଶିଶୁ କନ୍ୟା ଚୋରି ଅଭିଯୋଗରେ ଜଣେ ମହିଳାଙ୍କୁ ଅଟକ ରଖି ପୁଲିସ ପଚରାଉଚରା କରୁଛି ।

ଗତକାଲି ପ୍ରସବ ପରେ ୱାର୍ଡ ଭିତରୁ ନବଜାତ ଚୋରି ହୋଇଥିବା ଅଭିଯୋଗ ହୋଇଥିଲା । ଟୀକା ଦେବାକୁ କହି ନବଜାତକକୁ ନେଇ ଜଣେ ମହିଳା ଚମ୍ପଟ୍ ମାରିଥିଲେ । ଏନେଇ ପରିବାର ପକ୍ଷରୁ ବିଏନପୁର ଥାନାରେ ଅଭିଯୋଗ ପରେ ପୁଲିସ ଛାନଭିନ୍‌ କରି ଶିଶୁ କନ୍ୟାଙ୍କୁ ଉଦ୍ଧାର କରିଛି ।

ଶୁକ୍ରବାର କବିସୂର୍ଯ୍ୟନଗର ବ୍ଲକ ରାମସା ନାରାୟଣପୁର ଗାଁର ଭିକାରୀ ନାହାକଙ୍କ ସ୍ତ୍ରୀ ଜ୍ୟୋତି ମେଡ଼ିକାଲରେ ଏକ ଶିଶୁ କନ୍ୟା ଜନ୍ମ ଦେଇଥିଲେ । ହେଲେ ଗତକାଲି ଅପରାହ୍ମରେ ଟୀକା ଦେବାକୁ କହି ନବଜାତକୁ ଧରି ଜଣେ ମହିଳା ଚମ୍ପଟ୍ ମାରିଥିଲେ।

You might also like