ଚିକିତ୍ସା ଅବହେଳାରେ ଶିଶୁ ମୃତ୍ୟୁ ଘଟଣା: ଡାକ୍ତର ଦେଲେ ଏମିତି ସଫେଇ

ରେଢ଼ାଖୋଲ: ରେଢ଼ାଖୋଲ ଡାକ୍ତରଖାନାରେ ଗତ ୧୧ ଜୁଲାଇ ୨୦୨୦ ରେ ୩ଦିନର ଶିଶୁପୁତ୍ରର ଚିକିତ୍ସା ଅବହେଳା କାରଣରୁ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା। ଏହି ଅଭିଯୋଗ ଉପଖଣ୍ଡ ଚିକିତ୍ସାଳୟ ଅଧିକାରୀଙ୍କ ପାଖରେ ଆଣିଥିଲେ ଶିଶୁର ବାପା-ମା’।

ବାପା-ମା’ ଅଭିଯୋଗ ଆଣିଥିଲେ ଯେ,  ରେଢ଼ାଖୋଲ ମେଡିକାଲର ଶିଶୁ ରୋଗ ବିଶେଷଜ୍ଞ ଶିଶୁଟିର ଚିକିତ୍ସା କରିନଥିଲେ । ଯେତେ ଗୁହାରି କରିଥିଲେ ବି ସେ ଶୁଣିନଥିଲେ ବୋଲି ଅଭିଯୋଗ କରିଛନ୍ତି ମୃତ ଶିଶୁର ବାପା ରସାନନ୍ଦ ପ୍ରଧାନ।

ତେବେ ଶିଶୁର ଚିକିତ୍ସା ଦାୟିତ୍ୱରେ ଥିବା ଡାକ୍ତର ରାମକୃଷ୍ଣ ପତି ଆଜି  ଲିଖିତ ଭାବରେ ଗଣମାଧ୍ୟମକୁ ଜଣାଇଛନ୍ତି ଯେ, ଶିଶୁର ମୃତ୍ୟୁ ଚିକିତ୍ସା ଅବହେଳାରୁ ହୋଇନାହିଁ। ମେଡିକାଲରେ ପହଞ୍ଚିବା ବେଳକୁ ଶିଶୁର ଅବସ୍ଥା ଗୁରୁତର ଥିଲା।  ନିର୍ଦ୍ଧାରିତ ସମୟ ପୂର୍ବରୁ ଶିଶୁଟି ଜନ୍ମ ହୋଇଥିବାରୁ  ଓଜନ ଖୁବ କମ ଥିଲା। ଶିଶୁଟର ଅବସ୍ଥା ମଧ୍ୟ ଅତି ଗୁରୁତର ଥିଲା।

ମେଡିକାଲ ପକ୍ଷରୁ ସମସ୍ତ ପ୍ରକାର ଚିକିତ୍ସା କରାଯାଉଛି। କିନ୍ତୁ ଶେଷରେ ଶିଶୁର ମୃତ୍ୟୁ ହୋଇଛି। ତେବେ କିଛି ମନ୍ଦ ଉଦ୍ଦେଶ୍ୟ ରଖି ତାଙ୍କ ବିରୋଧରେ ଏପରି ଅଭିଯୋଗ ଆସିଥିବା ସେ କହିଛନ୍ତି।  ଶିଶୁର ବାପାକୁ କିଛି ଲୋକ ଶିଖାଇ ଏଭଳି ଅଭିଯୋଗ ଆଣୁଛନ୍ତି ଵୋଲି ଡ଼ ରାମକୃଷ୍ଣ ପତି ଲିଖିତ ଭାବରେ ଜଣାଇଛନ୍ତି। 

ତେବେ ଅଭିଯୋଗକୁ ନେଇ ବିଭାଗୀୟ ତଦନ୍ତ କରାଯିବ ବୋଲି ରେଢ଼ାଖୋଲ ଏସଡିଏମଓ ଡାକ୍ତ ବିପିନ ବିହାରୀ ସାହୁ କହିଛନ୍ତି।

ଆହୁରି ପଢ଼ନ୍ତୁ

ବନ୍ଦ ହୋଇଯିବ କି ରାଜଧାନୀର ଦୋକାନ?

ଦିନକରେ ରେକର୍ଡ ସଂଖ୍ୟକ କରୋନା ଆକ୍ରାନ୍ତ ସୁସ୍ଥ

ଭୁବନେଶ୍ୱରରୁ ୩୨୬ କରୋନା ପଜିଟିଭ ଚିହ୍ନଟ, ୨୫୬ ଲୋକାଲ କଣ୍ଟାକ୍ଟ

ଆମ୍ବୁଲାନ୍ସ ଧକ୍କାରେ ଚାଲିଗଲା ୩ ଜୀବନ

ଓଡ଼ିଶାର ଏଇ ପ୍ରମୁଖ ସହର ୨ ଦିନ ସଟଡାଉନ୍

ଦୈନିକ ସାଢେ ୪ ଘଣ୍ଟା ହେବ ଗୃହ କାର୍ଯ୍ୟ

‘ବିଜ୍ଞପ୍ତି ପ୍ରକାଶ ପାଇବା ପୂର୍ବରୁ ମୁଖ୍ୟମନ୍ତ୍ରୀଙ୍କ ମନେପଡ଼େ ନିର୍ବାଚନ ମଣ୍ଡଳୀ କଥା’

ଉପନିର୍ବାଚନ ତାରିଖ ଘୋଷଣା ପୂର୍ବରୁ ତିର୍ତ୍ତୋଲବାସୀଙ୍କୁ ସରକାରଙ୍କ ଭେଟି

ଭୁବନେଶ୍ୱରରେ ଚୋରା ବନ୍ଧୁକ ଡିଲ୍‌ର ପର୍ଦ୍ଦାଫାସ

ଦିନକରେ ଓଡ଼ିଶାରେ ଆଖି ବୁଜିଲେ ୧୫ କରୋନା ଆକ୍ରାନ୍ତ

୨୪ ଘଣ୍ଟାରେ ୪,୨୦୮ ପଜିଟିଭ୍‌ ଚିହ୍ନଟ, ଓଡ଼ିଶାରେ ୨ ଲକ୍ଷ ଟପିଲା କରୋନା ଆକ୍ରାନ୍ତଙ୍କ ସଂଖ୍ୟା

୧,୭୦୯ ଜଣ ପୋଲିସ୍ କର୍ମଚାରୀଙ୍କୁ ଦିଆଯିବ ‘ଆନ୍ତରିକ ସୁରକ୍ଷା ସେବା ପଦକ’

You might also like