ମୂଲ୍ୟାୟନ ତ୍ରୁଟିକୁ ନେଇ CBSEର ଜିରୋ ଟଲରାନ୍ସ ପଲିସି 

ଭୁବନେଶ୍ୱର: ପରୀକ୍ଷାକୁ ତ୍ରୁଟି ଶୂନ୍ୟ କରିବା ଲାଗି ବ୍ଲୁପ୍ରିଣ୍ଟ ତିଆରି କରିଛି ସିବିଏସ୍ଇ। ଏନେଇ ସ୍କୁଲ୍ ଅଧ୍ୟକ୍ଷମାନଙ୍କୁ ତାଗିଦ୍ କରିଛନ୍ତି ସିବିଏସ୍ଇ କର୍ତ୍ତୃପକ୍ଷ।

ଏଥିପାଇଁ ଆଜି ଭୁବନେଶ୍ୱର ରିଜିଅନ୍ ସିବିଏସ୍ଇ ସ୍କୁଲ୍ ଅଧ୍ୟକ୍ଷ ବୈଠକରେ, ଆସନ୍ତା ବୋର୍ଡ ପରୀକ୍ଷାର ଶୃଙ୍ଖଳିତ ପରିଚାଳନା ଓ ମୂଲ୍ୟାୟନ ନେଇ ପ୍ରଶିକ୍ଷଣ ଦିଆଯାଇଛି। ଏଥିରେ ତ୍ରି ସ୍ତରୀୟ ମୂଲ୍ୟାୟନ ଲାଗି ଅଧ୍ୟକ୍ଷମାନଙ୍କୁ କୁହାଯାଇଛି।

କେବଳ ଦକ୍ଷ ଶିକ୍ଷକମାନଙ୍କୁ ମୂଲ୍ୟାୟନରେ ନିୟୋଜିତ କରାଯିବ। କେଉଁମାନେ ମୂଲ୍ୟାୟନ କରିବେ ତାର ତାଲିକା ପ୍ରସ୍ତୁତ ଲାଗି ଆଞ୍ଚଳିକ ଅଧିକାରୀଙ୍କୁ ଦାୟିତ୍ୱ ଦିଆଯାଇଛି। ଆଉ ମୂଲ୍ୟାୟନରେ ତ୍ରୁଟି ପରିଲକ୍ଷିତ ହେଲେ ସମ୍ପୃକ୍ତ ଶିକ୍ଷକଙ୍କୁ ନିଲମ୍ବନ ଓ ଆବଶ୍ୟକ ସ୍ଥଳେ ବହିଷ୍କାର କରାଯିବ।

ଏହାସହ ଆସନ୍ତା ବର୍ଷରୁ ସିବିଏସ୍ଇ ଦଶମରେ ଗଣିତର ଦୁଇଟି ପ୍ରଶ୍ନପତ୍ର କରିବାକୁ ଯୋଜନା ରହିଛି। ଦୁର୍ବଳ ପିଲାଙ୍କ ଲାଗି ସହଜ ପ୍ରଶ୍ନପତ୍ର ପ୍ରସ୍ତୁତ କରାଯିବ। ଏହି ପରୀକ୍ଷଣ ସଫଳ ହେଲେ ଅନ୍ୟ ବିଷୟ ଲାଗି ମଧ୍ୟ ଦୁଇଟି  ପ୍ରଶ୍ନପତ୍ର କରିବାକୁ ସିବିଏସଇ ବିଚାର କରୁଛି। ଅପରପକ୍ଷେ ରାଜ୍ୟରେ ଜାଲ୍ ସିବିଏସ୍ଇ ସ୍କୁଲ୍‌ଗୁଡ଼ିକ ଉପରେ କାର୍ଯ୍ୟାନୁଷ୍ଠାନ କରାଯିବ ବୋଲି ସିବିଏସ୍ଇ ନିର୍ଦ୍ଦେଶକ ଚେତାବନୀ ଦେଇଛନ୍ତି।

ଦୁଇ ବର୍ଷର ପରୀକ୍ଷାରେ ପ୍ରଶ୍ନପତ୍ର ଲିକ୍ ସାଙ୍ଗକୁ ତ୍ରୁଟିପୂର୍ଣ୍ଣ ମୂଲ୍ୟାୟନ ଅଭିଯୋଗ ଆସିଥିଲା। ସିବିଏସ୍ଇର ପରୀକ୍ଷା ପରିଚାଳନା ଉପରେ ଏହା ପ୍ରଶ୍ନବାଚୀ ଲଗାଇଥିଲା। ତେଣୁ ଏଥର ଆଗୁଆ ସତର୍କ ହୋଇଛି ସିବିଏସଇ। ବୋର୍ଡର ଏହି ପଦକ୍ଷେପକୁ ଛାତ୍ରଛାତ୍ରୀ ଓ ସ୍କୁଲ୍‌ ଅଧ୍ୟକ୍ଷମାନେ ସ୍ୱାଗତ କରିଛନ୍ତି।

ଗତବର୍ଷ କର୍ତ୍ତବ୍ୟରେ ଅବହେଳା ପାଇଁ ୧୩୦ ମୂଲ୍ୟାୟନକାରୀଙ୍କୁ ନିଲମ୍ବନ କରାଯାଇଥିଲା। ତେବେ ଛାତ୍ରଛାତ୍ରୀଙ୍କ ସ୍ୱାର୍ଥ ଦୃଷ୍ଟିରୁ ବୋର୍ଡ ଏଥର ଜିରୋ ଟଲରାନ୍ସ ନୀତି ଗ୍ରହଣ କରିବାକୁ ସ୍ଥିର କରିଛି।

ଆହୁରି ପଢ଼ନ୍ତୁ

ବିଜୁ ଯୁବ ବାହିନୀ ସଦସ୍ୟ ସାମ୍ବାଦିକାଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ

ଭାଙ୍ଗିଲା ରକ୍ଷଣଶୀଳତାର ମଜବୁତ୍ ବାଡ଼; ଝିଅ କାନ୍ଧରେ ମଶାଣି ଗଲେ ବାପା

ପାଟକୁରା ବିଜେପି ପ୍ରାର୍ଥୀ ବିଜୟ ମହାପାତ୍ରଙ୍କ ବିରୋଧରେ ନକଲି ଭିଡିଓ ଭାଇରାଲ୍

କ୍ରୀଡ଼ାର ପ୍ରାଣ କେନ୍ଦ୍ର କୁହାଯାଉଥିବା ଓଡ଼ିଶାରେ ନାହିଁ କ୍ରୀଡ଼ା ନୀତି

ପ୍ରଶାନ୍ତଙ୍କ ଦୃଢ଼ ଇଛାଶକ୍ତି ଆଗରେ ହାର ମାନିଛି ଶାରିରୀକ ଅକ୍ଷମତା

ଧୋକା ଦେଲା ମୌସୁମୀ: ଶ୍ରାବଣ ମାସରେ ବିଲ ଫାଟି ଆଁ

ସାପ ସହ ଷ୍ଟଣ୍ଟ କରିବା ମହଙ୍ଗା ପଡ଼ିଲା

ବିଜେପି ସଦସ୍ୟତା ଅଭିଯାନ: ୧୦ ଲକ୍ଷ ଯୁବକଙ୍କୁ ଦଳରେ ସାମିଲ୍‌ କରିବାକୁ ଲକ୍ଷ୍ୟ

ପାଣି ପାଇଁ ତାତିଲେ ଲୋକେ

ପାଟକୁରା ନିର୍ବାଚନ: ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା ଦାବି କଲା ବିଜେଡି

ଦୁର୍ବୃତ୍ତ ଝାମ୍ପିନେଲେ ସାଢ଼େ ୬ ଲକ୍ଷ ଟଙ୍କା

ରାଜ୍ୟଗୋଷ୍ଠୀ ଟେବୁଲ ଟେନିସ୍ ଚାମ୍ପିୟନସିପ୍ ; ଫାଇନାଲରେ ଭାରତୀୟ ପୁରୁଷ ଓ ମହିଳା ଟିମ୍

You might also like