ସିବିଆଇ-ପୁଲିସ୍‌ ଏକା ସାଙ୍ଗରେ ହୋଇଗଲେ ଚୁପ୍‌: କେନ୍ଦ୍ର-ରାଜ୍ୟ ସଲାସୁତରା ନା ଆଉ କିଛି ?

ଭୁବନେଶ୍ୱର: ଗତକିଛି ଦିନ ତଳେ ବିଜେଡି ବିଧାୟକ ଅତନୁ ସବ୍ୟସାଚୀ ନାୟକ ଓ ଅରୁଣ ସାହୁଙ୍କ ଆଡ଼କୁ ବଢୁଥିବା ସିବିଆଇର ପାଦରେ ସତେ ଯେମିତି କିଏ ବ୍ରେକ୍ ଲଗାଇ ଦେଇଛି। ଏମିତି ଲାଗୁଛଇ ପୁଣି ଶିଥିଳ ପଡ଼ି ଯାଇଛି ସିବିଆଇର ଚିଟ୍‌ଫଣ୍ଡ ତଦନ୍ତ। ସେହିପରି ବିଜେପି ନେତା ଗୋଲକ ମହାପାତ୍ର ଓ ଭୃଗୁ ବକ୍ସିପାତ୍ରଙ୍କ ଆଡ଼କୁ ବଢୁଥିବା ପୁଲିସ ମଧ୍ୟ ଚୁପ୍‌ ହୋଇଯାଇଛି। ଯାହାକୁ ନେଇ କଳ୍ପନାଜଳ୍ପନା ଲାଗି ରହିଛି।

ଫେବୃଆରୀ ୭ ଓ ୯ ତାରିଖରେ ବିଜେପି ନେତା ଗୋଲକ ମହାପାତ୍ର ଓ ଭୃଗୁ ବକ୍ସିପାତ୍ର ଛତ୍ରପୁର ପୁଲିସ ପାଖରେ ହାଜର ହେବା କଥା। ହେଲେ ଦେହ ଖରାପ ଦର୍ଶାଇ ମାସେ ସମୟ ନେଲେ ଓ ଆଗୁଆ ଜାମିନ ପାଇଁ ହାଇକୋର୍ଟ ଯିବା ପରେ ପୁଲିସ ପୂରା ଚୁପ ରହିଛି। ଏହାକୁ କେନ୍ଦ୍ର କରି ସୃଷ୍ଟି ହୋଇଥିବା ରାଜନୈତିକ ହଟଚମଟ ଏବେ ପୁଣି ଥଣ୍ଡା ପଡ଼ିଯାଇଛି।

ଏଠି ପ୍ରଶ୍ନ ଉଠୁଛି, ସିବିଆଇ ଓ ପୁଲିସ ଏକା ସମୟରେ ସକ୍ରିୟ ହେବା ଓ ପୁଣି ଶିଥିଳ ହେବା ପଛର କାରଣ କଣ? ଏଥିପାଇଁ ଆଇନ୍‌ଗତ ପ୍ରକ୍ରିୟା ଦାୟୀ ନା ରାଜନୈତିକ ସଲାସୁତରା?

କଂଗ୍ରେସ ଅଭିଯୋଗ କରିଛି ବିଜେପି- ବିଜେଡି ଭିତରେ ଥିବା ସଲାସୁତରାର ଏ ହେଉଛି ଫଳ। ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନ୍‌ଗୋ କହିଛନ୍ତି, “ନବୀନ ପଟ୍ଟନାୟକ ଓ ପାଣ୍ଡିଆନ୍‌ଙ୍କ ଘରେ କାମ କରୁଥିବା ସରୋଜ ସାହୁଙ୍କ ବିରୋଧରେ ସିବିଆଇ କଣ କାର୍ଯ୍ୟାନୁଷ୍ଠାନ ଗ୍ରହଣ କରିଛି ? ସିବିଆଇ ପଞ୍ଝାରୁ ରକ୍ଷା ପାଇବା ପାଇଁ ଏମାନେ ତାଙ୍କ ସହିତ ସଲାସୁତୁରା କରୁଛନ୍ତି।”

କଂଗ୍ରେସର ଏଭଳି ଅଭିଯୋଗକୁ ଖଣ୍ଡନ କରିଛନ୍ତି ଉଭୟ ବିଜେଡି ଓ ବିଜେପି। ବିଜେଡି କହିଛି, ସିବିଆଇ କାହିଁକି ଚୁପ୍‌ ବସିଛି ବୋଲି ବିଜେପି ଜବାବ ରଖୁ। ବିଜେପି ସରୋଜ ସାହୁ କଥା ଉଠାଇ ବିଜେଡିକୁ ଟାର୍ଗେଟ କରିଥିବା ବେଳେ ସିବିଆଇ ସହ ଦଳର କିଛି ସଂପର୍କ ନାହିଁ ବୋଲି କହିଛି।

ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି, “ସିବିଆଇ ତତ୍ପର ହେଉଛି ଓ ପରେ ଶୋଇ ପଡ଼ୁଛି। ଏନେଇ ଆମେ ବାରମ୍ୱାର ପ୍ରଶ୍ନ କରୁଛୁ। ଏହାର ଉତ୍ତର ବିଜେପି ଦେଉ। ସିବିଆଇକୁ କିଏ ହାତ ବାରିସି କରିଛି ଓ ରାଜନୈତିକ ଉଦ୍ଦେଶ୍ୟରେ ବ୍ୟବହାର କରୁଛି, ତାହା ଜଳଜଳ ହୋଇ ଦିଶୁଛି।”

ବିଜେପି ରାଜ୍ୟ ଉପସଭାପତି ସମୀର ମହାନ୍ତି କହିଛନ୍ତି, “ସିବିଆଇ ସହିତ ଆମର କିଛି ସମ୍ପର୍କ ନାହିଁ। ମୁଖ୍ୟମନ୍ତ୍ରୀ ଘରେ ଥିବା ସରୋଜ ସାହୁଙ୍କୁ ସିବିଆଇ ଜେରା କରିସାରିଛି। ସେଥିପାଇଁ ଆମେ ବାରମ୍ୱାର ପଚାରୁଛୁ, ସରୋଜ ସାହୁ କିଏ? ତାଙ୍କୁ କାହିଁକି ଜେରା କରାଯାଇଛି।”

ସୁପ୍ରମିକୋର୍ଟଙ୍କ ନିର୍ଦ୍ଦେଶରେ ୪ ବର୍ଷରୁ ଅଧିକ ସମୟ ଧରି ସିବିଆଇ ରାଜ୍ୟର ଚିଟ୍‌ଫଣ୍ଡ୍‌ ଦର୍ନୀତିର ତଦନ୍ତ କରୁଛି। ହେଲେ ଦୁଇ ଦଳର ରାଜନୈତିକ ଲଢ଼େଇ ଭିତରେ ତଦନ୍ତକାରୀ ସଂସ୍ଥା ମୋହରା ସାଜୁଥିବା ନେଇ ଅଭିଯୋଗ ହେଉଥିବା ବେଳେ ଜମାକାରୀଙ୍କ ଭାଗ୍ୟ କିନ୍ତୁ ଅନିଶ୍ଚିତତା ଭିତରକୁ ଠେଲି ହୋଇଯାଇଛି।

ଆହୁରି ପଢ଼ନ୍ତୁ

ଉପକୂଳ ଓଡ଼ିଶାରେ ବନ୍ୟା ବିପଦ

ପଶ୍ଚିମ ଓଡ଼ିଶାରେ ଧର୍ମେନ୍ଦ୍ର ପ୍ରଧାନଙ୍କ ବନ୍ୟା କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ

ଅଡୁଆରେ ସୁନ୍ଦରଗଡ଼ ଏସ୍‌ପି ; ମାଡ଼ ମାରି ମହିଳାଙ୍କ ଗର୍ଭନଷ୍ଟ କରିଥିବା ଅଭିଯୋଗରେ ମାମଲା ରୁଜୁ

ନିଃସନ୍ତାନ ଥିବାରୁ ଏମିତି ନିଷ୍ପତ୍ତି ନେଲେ କି ପ୍ରଫେସର ଓ ତାଙ୍କ ପତ୍ନୀ ?

ଆଇଆଇସି ଓ ତହସିଲଦାରଙ୍କୁ ଏସ୍‌ଟିଏଫ୍‌ର ଘନଘନ ଜେରା

ଶ୍ରୀମନ୍ଦିର ସୁରକ୍ଷା ନେଇ କ୍ୟାବିନେଟ୍ ନିଷ୍ପତ୍ତି ପରେ ବଢୁଛି ଅସନ୍ତୋଷ

SCB ଆସିବେ ଜଗା କାଳିଆ

ଚୌଦ୍ୱାରର ବିଭିନ୍ନ ସ୍ଥାନରେ ଇମ୍ଫାର ଜନକଲ୍ୟାଣ କାର୍ଯ୍ୟକ୍ରମ

କିଓସ୍କ ବ୍ୟାଙ୍କ ଠକେଇ ମାମଲାରେ କେନ୍ଦ୍ର ପରିଚାଳକ ଗିରଫ

ଆଇଏଏସ ଅଦଳବଦଳ: ଗଗନ ଧଳ ବନ ଉନ୍ନୟନ ନିଗମ ଅଧ୍ୟକ୍ଷ, ସଞ୍ଜିବ ଚୋପ୍ରା ଗୃହ ସଚିବ

ବିନା ବର୍ଷାରେ ବନ୍ୟା; ଘରେ ପାଣି ବାହାରେ ବି ପାଣି

ଥାନାକୁ ଗଲା ଫିଲ୍ମ ‘ମିଷ୍ଟର କହ୍ନେୟା’ ପୋଷ୍ଟର ବିବାଦ

You might also like