ପୋଲ ତଳକୁ ଖସିପଡ଼ିଲା କାର; ଶିଶୁ କନ୍ୟା ମୃତ ଓ ୫ ଆହତ

ବାଲେଶ୍ୱର: ଖନ୍ତାପଡ଼ା ନିକଟ ଜାତୀୟ ରାଜପଥ ଉପରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ଏକ କାର୍‌ ଭାରସାମ୍ୟ ହରାଇ ପୋଲ ତଳକୁ ଖସିପଡ଼ିବାରୁ ଜଣେ ୩ ବର୍ଷୀୟ ଶିଶୁ କନ୍ୟାର ମୃତ୍ୟୁ ହୋଇଛି। ଏହି ଦୁର୍ଘଟଣାରେ ଆଉ ଜଣେ ଶିଶୁ ସହିତ ୫ ଜଣ ଗୁରୁତର ଆହତ  ହୋଇଛନ୍ତି। ଆହତଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।

ଖବର ଅନୁସାରେ, ସୋର ପଣପଣା ଗାଁର ପ୍ରଫୁଲ୍ଲ ଦଳେଇ ଏବଂ ତାଙ୍କ ସାଙ୍ଗ ରତ୍ନାକର ପ୍ରଧାନ ନିଜର ପରିବାର ଲୋକଙ୍କୁ ଧରି ବାଲେଶ୍ୱର ଅଭିମୁଖେ ଯାଉଥିଲେ। ଏହି ସମୟରେ ଓଳିଆ ପାଟଣା ଛକ ନିକଟରେ ଗାଡ଼ିଟି ଭାରସାମ୍ୟ ହରାଇ ପ୍ରଥମେ ଡିଭାଇଡରକୁ ପିଟିବା ପରେ ପୋଲ ତଳକୁ ଖସି ପଡ଼ିଥିଲା।

ଘଟଣାସ୍ଥଳରେ କାରରେ ଥିବା ଜଣେ ଶିଶୁ କନ୍ୟାର ମୃତ୍ୟୁ ହୋଇଯାଇଥିଲା।  କାରଟି ପାଣିରେ ପଡ଼ିଯାଇଥିବା ବେଳେ ସେମାନଙ୍କୁ ଉଦ୍ଧାର ପାଇଁ ସ୍ଥାନୀୟ ଲୋକେ ଅଣ୍ଟା ଭିଡିଥିଲେ। କିଛି ଲୋକେ ପାଣି ଭିତରେ ପଶିଥିବା ବେଳେ ଆଉ କିଛି ପୋଲ ଉପରେ ରହି ଏକ ରଶି ସାହାଯ୍ୟରେ ଉଦ୍ଧାର କରିଥିଲେ।

You might also like