ବାହା ହେବା ପାଇଁ ଜିଦି ଧରିବାରୁ ନଦୀକୁ ଠେଲିଦେଲା ପ୍ରେମିକ

ଧର୍ମଗଡ଼: ବିବାହର ପ୍ରତିଶ୍ରୁତି ଦେଇ ଜଣେ ଆଦିବାସୀ ଯୁବତୀଙ୍କ ପ୍ରତାରଣା। ପ୍ରେମିକା ବିବାହ ପାଇଁ ଜିଦ୍ କରିବାରୁ ପୋଲ ତଳକୁ ଠେଲିଦେଲା ପ୍ରେମିକ। ସୌଭାଗ୍ୟ କ୍ରମେ ପ୍ରେମିକା ବଞ୍ଚିଯାଇଛି ସତ ହେଲେ ଘଟଣାର ୧୦ ଦିନ ପରେ ବି ଅଭିଯୁକ୍ତର ଟେର ପାଉନି ପୋଲିସ। ଏପଟେ ନ୍ୟାୟ ପାଇଁ ଅପେକ୍ଷାରେ ରହିଛନ୍ତି ପ୍ରତାରିତ ଯୁବତୀ। ଘଟଣା ଟି ଯେତିକି ହୃହୟସ୍ପର୍ଶୀ ସେତିକି ସମ୍ବେଦନଶୀଳ। ଏଭଳି ଘଟଣା ଘଟିଛି କଳାହାଣ୍ଡି ଜିଲ୍ଲା ଅନ୍ତର୍ଗତ କେ. ଗାଁ ଅଞ୍ଚଳରେ।

ଖଲିଆପାଲି ଗାଁର ଦୋଲାମଣି ଚଲାନ୍ ନାମକ ଜଣେ ବିବାହିତ ଯୁବକ ଦୀର୍ଘ ୭ ମାସ ଧରି ଜଣେ ଆଦିବାସୀ ଯୁବତୀଙ୍କୁ ଭଲପାଉଥିଲେ। ବିବାହର ପ୍ରତଶ୍ରୁତି ଦେଇ ଟିଟଲାଗଡ ଖଜୁରିପଡାରେ ଥିବା ଏକ ଭଡା ଘରେ ରହୁଥିଲେ। ତେବେ ପ୍ରେମିକ ଜଣକ ଆଗରୁ ବିବାହିତ ଥିବାରୁ ଏଥିରୁ ବର୍ତ୍ତିବା ପାଇଁ ପ୍ରେମିକା ରଚିଥିଲା ଏକ ଯୋଜନା।

ପ୍ରେମିକାକୁ ରାସ୍ତାରେ ହଟେଇବା ପାଇଁ ଜୁଲାଇ ୧୪ ତାରିଖରେ ନିଜର ଘର କଥା କହି କେ. ଗାଁ ଥାନା ଉଦନ୍ତି ନଦୀ ପାଖକୁ ନେଇଆସିଥିଲା। ରାତି ପାଖାପାଖି୧୨ଟା ସମୟରେ ସିନାପାଲି ବ୍ରୀଜରୁ ପ୍ରେମିକାକୁ ତଳକୁ ଠେଲିଦେଇ ଚମ୍ପଟ ମାରିଥିଲା ପ୍ରେମିକ।

ତେବେ ଯୁବତୀ ଜଣକ ପହଁରା ଜାଣିଥିବାରୁ ସୋଭାଗ୍ୟବଶତଃ ବଞ୍ଚିଯାଇଥିଲେ। ଯୁବତୀ ଜଣକ ନିକଟ ଗାଁକୁ ଯାଇ ସବୁ ବିଷୟରେ ଜଣାଇଥିଲେ। ଏନେଇ ଗାଁ ଲୋକ ଯୁବତୀଙ୍କ ପରିବାର ଲୋକଙ୍କୁ ଜଣାଇଥିଲେ। ପରେ ଯୁବତୀଙ୍କ ଏତଲା ଆଧାରରେ ମାମଲା ରୁଜୁ କରିଛି କେ ଗାଁ ପୁଲିସ୍। ଯୁବତୀର ପୁଲିସ ଓ ମାଜିଷ୍ଟ୍ରେଟଙ୍କ ସମ୍ମୁଖରେ ବୟାନ ରେକର୍ଡ କରାଯାଇଛି ।

ଅପରପଟେ ଆଦିବାସୀ ଯୁବତୀଙ୍କୁ ଜଣେ ବିବାହିତ ଯୁବକର ପ୍ରେମ ଓ ପ୍ରତାରଣାକୁ ନେଇ ପ୍ରତିକ୍ରିୟାଶୀଳ ହୋଇଛି କଳାହାଣ୍ଡି ଜିଲ୍ଲା ଆଦିବାସୀ କଲ୍ୟାଣ ସଂଘ। ତେବେ ଘଟଣାର ୧୦ ଦିନ ପରେବି ପୋଲିସ ହାତ ଖାଲିଥିବାରୁ ଅଭିଯୁକ୍ତଙ୍କୁ ତୁରନ୍ତ ଗିରଫ ପାଇଁ ଦାବି ହୋଇଛି। ।

ଆହୁରି ପଢ଼ନ୍ତୁ

ଭୁବନେଶ୍ୱରରୁ ୩୪୨ କରୋନା ଆକ୍ରାନ୍ତ ଚିହ୍ନଟ

ମନ୍ଦିର ଖୋଲିବାକୁ ମଙ୍ଗିଲେନି ସରକାର

ଜେପି ନଡ୍ଡାଙ୍କୁ ଭେଟିଲେ ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା

ରାଜ୍ୟର ୧୪ ଜଣ ମନ୍ତ୍ରୀ, ବିଧାୟକ କରୋନା ପଜିଟିଭ ଚିହ୍ନଟ

ବିଜେଡିରେ କେଁ: ଇସ୍ତଫା ଦେଉ ଦେଉ ଦଳରୁ ବିଦା ହେଲେ ଯୁବ ନେତା

Odisha Plus 3 Admissions: ପ୍ରକାଶ ପାଇଲା ପ୍ରଥମ କଟ୍ ଅଫ୍ ମାର୍କ

ଦିନକରେ ୧୬ କରୋନା ରୋଗୀଙ୍କ ମୃତ୍ୟୁ, ଓଡ଼ିଶାରେ ୮୦୦ ଟପିଲା ମୃତ୍ୟୁ ସଂଖ୍ୟା

ଦିନକରେ ଓଡ଼ିଶାରେ ୩,୨୩୫ କରୋନା ଆକ୍ରାନ୍ତ‌ ଚିହ୍ନଟ

ପ୍ରତି ୧୫ ଦିନରେ କୋଭିଡ୍ ହସ୍ପିଟାଲ୍‌ରେ ହେବ ଫାୟାର ସେଫ୍ଟି ଅଡିଟ୍

ଆଗ ଭୁଲ୍ କଲା,‌ ପରେ କ୍ଷମା ମାଗିଲା: ସମ୍ବଲପୁରୀ ଶାଢୀ ପଶ୍ଚିମବଙ୍ଗର ବୋଲି କହିଲା Amazon

Plus III Admission: ଆଜି ପ୍ରକାଶ ପାଇବ ପ୍ରଥମ ମେରିଟ୍ ଲିଷ୍ଟ

ତାପଙ୍ଗର ହାତିଆ ମୁଣ୍ଡିଆ ନିଷିଦ୍ଧାଞ୍ଚଳ ଘୋଷିତ

You might also like