ଭୁବନେଶ୍ୱର: ୧୭ ବର୍ଷୀୟ କଲେଜ ଛାତ୍ରଙ୍କ କମାଲ। ଦିଆସିଲି କାଠିରେ ତିଆରି କଲେ ‘ବର୍ଡର ଗାଭାସ୍କର ଟ୍ରଫି’। ସେ ହେଲେ ଯୁକ୍ତତିନିରେ ପଢୁଥିବା ପୁରୀ କୁମ୍ଭାରପଡ଼ାର ଶାଶ୍ୱତ ରଂଜନ। ସଂପୂର୍ଣ୍ଣ ଦିଆସିଲି କାଠିରେ ତିଆରି ଏହି ଟ୍ରଫିର ଉଚ୍ଚତା ୨୩ ଇଞ୍ଚ୍ ଓ ଗୋଲେଇ ୯ ଇଞ୍ଚ୍। ସୂଚନାଯୋଗ୍ୟ ଯେ ବର୍ଡର ଗାଭାସ୍କର ଟ୍ରଫି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥାଏ। କିମ୍ବଦନ୍ତୀ କ୍ରିକେଟର ଆଲାନ୍ ବର୍ଡର ଓ ସୁନୀଲ ଗାଭାସ୍କରଙ୍କ ନାମରେ ଏହା ନାମିତ।
ଚଳିତ ବର୍ଷ ଏହା ଆଜିଠାରୁ ଆରମ୍ଭ ହେଉଛି। ଶାଶ୍ୱତଙ୍କର ଏହି ଅନନ୍ୟ କଳାକୌଶଳ ପାଇଁ ତାଙ୍କୁ ଆସନ୍ତୁ ଉତ୍ସାହିତ କରିବା ଓ ତାଙ୍କ ଫଟୋ ଓ ଭିଡିଓକୁ ଅଧିକରୁ ଅଧିକ ଲାଇକ୍ ଓ ସେୟାର କରିବା। ଯେମିତି ଓଡ଼ିଆ ପୁଅଙ୍କ ଏ କଳାକୌଶଳ ବିଶ୍ୱର ସବୁ କ୍ରିକେଟ୍ ପ୍ରେମୀଙ୍କ ପାଖରେ ପହଞ୍ଚିଯିବ।