ମୋଦି ସରକାରକୁ ପୁରିଲା ୭ ବର୍ଷ, ବିଜେପି ପାଳିଲା ସେବା ଦିବସ

ଭୁବନେଶ୍ୱର: ବିଜେପି ପାଳିଲା ସେବା ଦିବସ । କେନ୍ଦ୍ରରେ ବିଜେପି ସରକାରର ସପ୍ତମ ବର୍ଷ ପୂର୍ତ୍ତି ଅବସରରେ ରାଜ୍ୟ ବିଜେପି ପକ୍ଷରୁ ସେବା ଦିବସ ପାଳନ କରାଯାଇଛି । ସାରା ଦେଶରେ ବିଜେପି କର୍ମୀମାନେ ସେବା ଦିବସ ପାଳନ କରିଛନ୍ତି । ଏହି ଅବସରରେ ବିଭିନ୍ନ ଲୋକଙ୍କୁ ବିଜେପି କର୍ମୀମାନେ ମାସ୍କ ବଣ୍ଟନ କରିଥିଲେ ।

ବିଜେପି ସାଂସଦ ଅପରାଜିତା ଷଡ଼ଙ୍ଗୀ ଏବଂ ବିଜେପି ରାଜ୍ୟ ସଭାପତି ସମୀର ମହାନ୍ତି ଭୁବନେଶ୍ୱରର ବିଭିନ୍ନ ଅଂଚଳରେ ବୁଲି ଲୋକଙ୍କୁ ମାସ୍କ ବଣ୍ଟନ କରିଥିବା ଦେଖାଯାଇଛି । ଏହି ଅବସରରେ ସବକା ସାଥ୍ ସବକା ବିକାଶରେ ବିଜେପି ବିଶ୍ୱାସ କରେ ବୋଲି କହିଛନ୍ତି ବିଜେପି ରାଜ୍ୟ ସଭାପତି ସମୀର ମହାନ୍ତି । ଓଡିଶାକୁ ବିଭିନ୍ନ ବିପର୍ଯ୍ୟୟ ସମୟରେ ସହାୟତାର ହାତ ବଢ଼ାଇ ନିଜ ନୀତିକୁ ପ୍ରମାଣିତ କରିଛନ୍ତି ମୋଦି ସରକାର ।

ସେହିପରି ଏକ କାର୍ଯ୍ୟକ୍ରମରେ ଯୋଗଦେଇ ସାଂସଦ ଅପରାଜିତା ଷଡ଼ଙ୍ଗୀ କହିଛନ୍ତି, ଆଜିର ଦିନ ଶୁଭ ଦିନ । ମୋଦି ସରକାର ସବୁବେଳେ ଲୋକଙ୍କ ଉନ୍ନତିକୁ ପ୍ରାଥମିକତା ଦେଇଛନ୍ତି । ପ୍ରଧାନମନ୍ତ୍ରୀ ମୋଦିଙ୍କ ସମସ୍ତ ନୀତିକୁ ଦଳର ନେତା ଓ କର୍ମକର୍ତ୍ତାମାନେ ଗୁରୁତ୍ୱ ଦେବାକୁ ଆହ୍ୱାନ ଦେଇଛନ୍ତି ଅପରାଜିତା ।

You might also like