ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ରଙ୍କୁ ଘେରିଲା ବିଜେପି

ଧାନ ବିକ୍ରି ପ୍ରସଙ୍ଗରେ ଯୋଗାଣ ମନ୍ତ୍ରୀଙ୍କ ଚାଲେଞ୍ଜ ପ୍ରସଙ୍ଗ

ଭୁବନେଶ୍ୱର : ଏମ୍ଏସ୍‌ପି ଠାରୁ କମ୍ ଦରରେ ଧାନ ବିକ୍ରି ହେଉଥିବା ଅଭିଯୋଗକୁ ଚାଲେଞ୍ଜ କରିଥିବା ସମବାୟ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ରଙ୍କୁ ଘେରିଛି ବିଜେପି। କୁଇଣ୍ଟାଲ ପିଛା ୧୭୫୦ଟଙ୍କାରୁ କମ୍ ଦରରେ ମଣ୍ଡିରେ ଚାଷୀ ଧାନ ବିକୁଥିଲେ ସେ ମନ୍ତ୍ରୀ ପଦରୁ ଇସ୍ତଫା ଦେଇଦେବେ ବୋଲି ଗତକାଲି କହିଥିଲେ ସୂର୍ଯ୍ୟ ପାତ୍ର।

ତେବେ ମନ୍ତ୍ରୀ ଦିନରେ ଲଣ୍ଠନ ଦେଖାଉଛନ୍ତି ବୋଲି କହି ବିଜେପି ତାଙ୍କ ଇସ୍ତଫା ଦାବି କରିଛି। ସେହିପରି ରାଜ୍ୟର ବିଭିନ୍ନ ମଣ୍ଡିରେ ଅବ୍ୟବସ୍ଥା ଏବଂ ଚାଷୀଙ୍କ ହୀନସ୍ତା ସମ୍ପର୍କିତ ପ୍ରକାଶିତ ଖବରକୁ ଦେଖାଇବା ସହ ନକଲି ଚାଷୀଙ୍କ ଆକାଉଣ୍ଟକୁ ଟଙ୍କା ଯାଉଛି ବୋଲି ବିଜେପି ଉପସଭାପତି ସମୀର ମହାନ୍ତି ଅଭିଯୋଗ କରିଥିଲେ।

ଏନେଇ ସୂର୍ଯ୍ୟ ପାତ୍ରଙ୍କ ପ୍ରତିକ୍ରିୟା ମିଳି ନଥିବାବେଳେ ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି ବିଜେପି ଚାଷୀଙ୍କୁ ଯେଉଁ ପ୍ରତିଶ୍ରୁତି ଦେଇଥିଲା ତାହା ପାଳନ କରିନି।

You might also like