ପାକିସ୍ତାନରେ ପହଞ୍ଚିଲା ବିଜେଡି ବିଧାୟକଙ୍କ ଭାଇରାଲ୍‌ ଭିଡିଓ

ଭୁବନେଶ୍ୱର: ପାକିସ୍ତାନରେ ପହଞ୍ଚିଲା ପୁଲଓ୍ୱାମା ଆକ୍ରମଣରେ ସହିଦ ଯବାନଙ୍କ ସମ୍ପର୍କୀୟଙ୍କୁ କଟକ ବାରବାଟୀ ବିଧାୟକ ଦେବାଶିଷ ସାମନ୍ତରାୟଙ୍କ ଅଶାଳୀନ ବ୍ୟବହାରର ଭାଇରାଲ ଭିଡିଓ। ପାକିସ୍ତାନୀ ଟିଭି ଚ୍ୟାନେଲ୍‌ ଆଜାଦ୍ ନ୍ୟୁଜ୍‌ରେ ଏହି ଖବରକୁ ପ୍ରସାରଣ କରାଯାଇଛି।

ଗତ ୧୬ ତାରିଖରେ ସହିଦ ମନୋଜ ବେହେରାଙ୍କ ଶେଷକୃତ୍ୟ ବେଳେ ସହିଦଙ୍କ ଦାଦାଙ୍କୁ ବିଧାୟକ ଦେବାଶିଷ ସାମନ୍ତରାୟ ଧକ୍କା ମାରୁଥିବାର ଦୃଶ୍ୟ ଦେଖିବାକୁ ମିଳିଥିଲା। ଏ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବା ପରେ ବିଭିନ୍ନ ଗଣମାଧ୍ୟମରେ ମଧ୍ୟ ଏହାକୁ ନେଇ ଚର୍ଚ୍ଚା ହୋଇଥିଲା। ପରେ ବିଧାୟକ ଦେବାଶିଷ ସାମନ୍ତରାୟ ଏ ଘଟଣା ପାଇଁ କ୍ଷମା ମାଗିବା ସହ ଏହାକୁ ନେଇ ରାଜନୀତି ନକରିବାକୁ ନିବେଦନ କରିଥିଲେ।

 

You might also like