ରାସ୍ତା ଉଦ୍‌ଘାଟନକୁ ନେଇ ବିଜେପି ଓ ବିଜେଡି ମୁହାଁମୁହିଁ

ବାଲେଶ୍ୱର: ରାସ୍ତା ଉଦ୍‌ଘାଟନକୁ ନେଇ ମୁହାଁମୁହିଁ ହୋଇଛନ୍ତି ବିଜେପି ଏବଂ ବିଜେଡି କର୍ମୀ। ଜଳେଶ୍ୱର ଓଟି ରୋଡ୍‌ଠାରୁ ଚାପଲା ପର୍ଯ୍ୟନ୍ତ ନିର୍ମାଣାଧିନ ରାସ୍ତାର ବାରମ୍ବାର ଉଦ୍‌ଘାଟନକୁ ନେଇ ଉଭୟ ଦଳ ମୁହାଁମୁହିଁ ହୋଇଛନ୍ତି।

ଗତ ୧୩ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ନିର୍ମାଣାଧିନ ରାସ୍ତାକୁ ବାଲେଶ୍ୱରରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଉଦ୍‌ଘାଟନ କରିଥିଲେ। କିନ୍ତୁ ବର୍ତ୍ତମାନ ଯାଏ ନିର୍ମାଣ କାମ ସମ୍ପୂର୍ଣ୍ଣ ହୋଇନଥିବାବେଳେ ଆଜି ପୁଣି ବାଲେଶ୍ୱର ସାଂସଦ ରବୀନ୍ଦ୍ର ଜେନା ଏବଂ ସ୍ଥାନୀୟ ବିଧାୟକ ଅଶ୍ୱିନୀ କୁମାର ପାତ୍ର ଏହାକୁ ଉଦ୍‌ଘାଟନ କରିବାକୁ ଯାଇଥିଲେ। ତେବେ ଏହି ସମୟରେ ବିଜେପି କର୍ମୀ ପହଞ୍ଚି ସେମାନଙ୍କୁ ବିରୋଧ କରିବା ସହ ଗୋବର ପାଣି ସିଞ୍ଚିନ କରି ବିକ୍ଷୋଭ ପ୍ରଦର୍ଶନ କରିଥିଲେ। ଫଳରେ ସାଂସଦ ରବୀନ୍ଦ୍ର ଜେନା ଓ ବିଧାୟକ ଅଶ୍ୱିନୀ ପାତ୍ରଙ୍କୁ ହଟହଟା ହେବାକୁ ପଡ଼ିଥିଲା।

You might also like