ଭୁବନେଶ୍ୱର: ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ବିବୃତି ମୁତାବକ ରାଜ୍ୟରେ ଏବେ ଭୋଟ ଗଣନା ଆଗେଇ ଚାଲିଥିବା ବେଳେ ବିଜେପି ୨୨ଟି ଓ ବିଜେଡି ୮୮ ସିଟ୍ରେ ଆଗୁଆ ରହିଛି। ସେହିପରି କଂଗ୍ରେସ ୨ଟି ବିଧାନସଭା ସିଟ୍ରେ ଆଗୁଆ ରହିଥିବା ଜଣାପଡିଛି। ସମସ୍ତ ୧୪୬ ବିଧାନସଭା ନିର୍ବାଚନ ମଣ୍ଡଳିରେ ଭୋଟ ଗଣତି ଚାଲିଛି। କଂଗ୍ରେସର ସ୍ଥିତି ଭଲ ନ ଥିଲେ ମଧ୍ୟ ୨ଟି ସ୍ଥାନରେ କଂଗ୍ରେସ ପ୍ରାର୍ଥୀ ଆଗୁଆ ରହିଥିବା ଖବର ମିଳିଛି। କଂଗ୍ରେସ ଦଳରୁ ଜଟଣୀ ବିଧାୟକ ପ୍ରାର୍ଥୀ ସୁରେଶ ରାଉତରାୟ ଓ ଚିତ୍ରକୋଣ୍ଡା ପ୍ରାର୍ଥୀ ଲକ୍ଷ୍ମିପ୍ରୀୟା ନାୟକ ଭୋଟ୍ ଗଣନାରେ ଆଗୁଆ ଅଛନ୍ତି।