ବଦଳିଲେ ଶ୍ରୀମନ୍ଦିର ନୀତି ପ୍ରଶାସକ

ପୁରୀ : ବଦଳିଲେ ଶ୍ରୀମନ୍ଦିର ନୀତି ପ୍ରଶାସକ। ନୂଅା ନୀତି ପ୍ରଶାସକ ଭାବେ ଦାୟିତ୍ୱ ଗ୍ରହଣ କରିଛନ୍ତି ବିଶ୍ୱଜିତ୍ ବିଶ୍ୱାଳ। ସେବାୟତଙ୍କ ସହ ସମନ୍ୱୟ ରକ୍ଷା କରି କିଭଳି ବିଭିନ୍ନ ସମସ୍ୟାର ସମାଧାନ କରାଯାଇପାରିବ, ତା ଉପରେ ଗୁରୁତ୍ୱ ଦିଅାଯିବ ବୋଲି ସେ ଦାୟିତ୍ୱ ଗ୍ରହଣ ପରେ କହିଛନ୍ତି।

ତେବେ ଶ୍ରୀମନ୍ଦିର ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ ମୁହଁ ଖୋଲିଛନ୍ତି ବିଦାୟୀ ନୀତି ପ୍ରଶାସକ ପ୍ରଦୀପ ଦାଶ। କହିଛନ୍ତି, ଚାବି ହଜିବା ପ୍ରସଙ୍ଗରେ କିଛି ରହସ୍ୟ ନାହିଁ ଶ୍ରୀମନ୍ଦିର ଦାୟିତ୍ୱ ହସ୍ତାନ୍ତର ପରେ ଚାବି କାଠି ମିଳିନଥିଲା, ସେତେବେଳେ ଜିଲ୍ଲାପାଳ ଦାୟିତ୍ୱରେ ଥିଲେ ।

ଶ୍ରୀମନ୍ଦିର ଅାଇନ୍ ଅନୁସାରେ, ଚାବି କାଠି ଟ୍ରେଜେରୀରେ ରହିବା କଥା, କିନ୍ତୁ ଟ୍ରେଜେରୀରେ ନଥିଲା। ସେହିପରି ନବକଳେବର ବ୍ରହ୍ମ ବିଭ୍ରାଟ ପ୍ରସଙ୍ଗରେ ବିଦାୟୀ ନୀତି ପ୍ରଶାସକ କହିଛନ୍ତି, ବିଭ୍ରାଟ ନୁହେଁ, ଦଇତାପତିଙ୍କ ମଧ୍ୟରେ ମତଭେଦ ଯୋଗୁଁ ନୀତିରେ ବିଳମ୍ବ ହୋଇଥିଲା। ଏହି ଅବସରରେ ସେବାୟତ ମାନଙ୍କୁ କ୍ଲିନ୍ ଚିଟ୍ ଦେଇଛନ୍ତି ବିଦାୟୀ ନୀତି ପ୍ରଶାସକ।

You might also like