ଦୁର୍ଦ୍ଦିନରେ ବିଜୁ ବାବୁଙ୍କ ଘନିଷ୍ଠ ସହଯୋଗୀ ; ଔଷଧ କିଣିବାକୁ ପାଖରେ ଅର୍ଥ ନାହିଁ

କେନ୍ଦୁଝର (ପ୍ରଣୟ ପାଣି): ସହରାଇ ଓରାମ୍‌ । ଆଜି ଯେମିତି ଏ ନାଁ ଅଜଣାଅଶୁଣା। ଦିନେ ବିଜୁବାବୁଙ୍କ ଘନିଷ୍ଠ ସହଯୋଗୀ ଭାବେ ରାଜ୍ୟ ଶାସନରେ ତାଙ୍କର ଥିଲା ଅଖଣ୍ଡ ପତିଆରା। ତିନି ତିନି ଥରର କ୍ୟାବିନେଟ୍ ମନ୍ତ୍ରୀ, ୫ ଥରର ବିଧାୟକ ଥିଲେ । ହେଲେ ଆଜି ସେ ନିଃସ୍ୱ।

୧୦ ବର୍ଷ ଧରି ଶଯ୍ୟାଶାୟୀ। ସ୍ଥିତି ଏମିତି ଯେ ଔଷଧ କିଣିବାକୁ ବି ସାମର୍ଥ୍ୟ ନାହିଁ। ଏକଦା କେନ୍ଦୁଝରରେ ଜନତା ଦଳର ମୂଳଦୁଆ ପକାଇଥିଲେ ଏବଂ ପରେ ବିଜେଡି ଗଠନରେ ପ୍ରମୁଖ ଭୂମିକା ନେଇଥିଲେ। ସହରାଇ ଓରାମ୍‌ଙ୍କ ସ୍ୱାସ୍ଥ୍ୟାବସ୍ଥା ଏମିତି ଯେ, ସେ ଆଉ କଥା କହି ପାରୁ ନାହାନ୍ତି , ଖୁଆଇ ଦେଲେ ଖାଉଛନ୍ତି। ଶୁଆଇ ଦେଲେ ଶୋଉଛନ୍ତି। ହ୍ୱିଲ ଚେୟାରରେ ବସେଇଦେଲେ ବସୁଛନ୍ତି।

 ବାର୍ଦ୍ଧକ୍ୟ ସମୟରେ ଏ ସ୍ଥିତି ଦେଇ ହୁଏତ ଅନେକ ଯିବେ ? ହେଲେ ୟାଙ୍କ ପାଇଁ ଏ ବର୍ଣ୍ଣନା କାହିଁକି? ଏଇଥିପାଇଁ ଯେ ଆଜି ନୁହେଁ ପାଖାପାଖି ଦଶ ବର୍ଷ ହେବ ସେ ଏଇ ସ୍ଥିତିରେ। ସହରାଇ ଓରାମ ଚମ୍ପୁଆର ପୂର୍ବତନ ବିଧାୟକ। ତିନି ତିନି ଥରର ମନ୍ତ୍ରୀ। ଏକଦା ବିଜୁ ବାବୁଙ୍କ ଡାହାଣ ହାତ ଥିଲେ, ହେଲେ ଏତେବଡ଼ ପ୍ରତିପତ୍ତିଶାଳୀ ବ୍ୟକ୍ତିଙ୍କ ପରିବାର ପାଖରେ ଆଜି ତାଙ୍କ ଉପଯୁକ୍ତ ଚିକିତ୍ସା ପାଇଁ ଅର୍ଥନାହିଁ।  ୧୦ ବର୍ଷ ତଳେ ପକ୍ଷାଘାତରେ ପୀଡ଼ିତ ହେବା ପରଠୁ ଗୋଟିକ ପରେ ଗୋଟିଏ ରୋଗରେ ପଡ଼ି ସହରାଇ ବାବୁ ଏମିତି ଘାଣ୍ଟି ହେଉଥିଲେ ବି ଚିକିତ୍ସା ପାଇଁ କେହି ଯେମିତି ଆଡ଼ ଆଖିରେ ଚାହୁଁନାହାନ୍ତି।

ବୟସ ଖସିବା ପରଠୁ ସେ ସମସ୍ତଙ୍କ ପାଇଁ ଅଲୋଡ଼ା ହୋଇଯାଇଛନ୍ତି ଯେମିତି। ଏବେ ସମ୍ବଳ କହିଲେ ପୂର୍ବତନ ବିଧାୟକ ଭାବେ ପାଉଥିବା ପେନ୍‌ସନ୍ ଓ ପୁଅର ସ୍ୱଳ୍ପ ରୋଜଗାର। ତେଣୁ ଏଭଳି ସ୍ଥିତିରେ ଦଳ ଏବଂ ସରକାର ସହରାଇଙ୍କ ଚିକିତ୍ସା ବ୍ୟବସ୍ଥା କରିବାକୁ ଦାବି କରିଛନ୍ତି ସ୍ଥାନୀୟ ବାସିନ୍ଦା।

ଯୋଡ଼ା ବ୍ଲକ୍ ଅନ୍ତର୍ଗତ ଭଦ୍ରାସାହି ଗାଁରେ ଥିବା ନିଜ ଘରେ ଏବେ ଏମିତି ଦୁର୍ଦ୍ଦିନରେ  ଜୀବନ ସହ ଜୁଝୁଛନ୍ତି ସହରାଇ। ଦିନେ ଲୋକଙ୍କ ସମସ୍ୟାର ସମାଧାନ ପାଇଁ ଡେଇଁ ପଡୁଥିବା ସହରାଇଙ୍କ ଉପରେ କେବେ ସରକାରଙ୍କ ନଜର ପଡୁଛି ତାକୁ ଅପେକ୍ଷା।

ଆହୁରି ପଢ଼ନ୍ତୁ

ରାଜଧାନୀରେ ଦିନକରେ ୩୪୨ କରୋନା ପଜିଟିଭ୍ ଚିହ୍ନଟ

IT ଛାତ୍ର ତିଆରି କଲେ ଦେଶୀ ଭେଣ୍ଟିଲେଟର

ପୁଣି ନିର୍ମାଣ ହେବ ପାଥରପୁରୀ ହଷ୍ଟେଲ ପାଚେରୀ

ପ୍ରବଳ ବର୍ଷିବ, ୭ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ

ଆସିପାରିଲାନି ଆମ୍ବୁଲାନ୍ସ, ଅଧା ବାଟରେ ପ୍ରସବ କଲେ ମହିଳା

ବରମୁଣ୍ଡା ବସ୍ ଷ୍ଟାଣ୍ଡ ହେବ ISBT

ଅଧ୍ୟାପକ ସ୍ୱାମୀଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଲେ ମହିଳା IIC

ମହଙ୍ଗା ପଡ଼ିଲା କ୍ଷମତାର ଅପବ୍ୟବହାର: ଆଦିବାସୀଙ୍କ ଘର ଭାଙ୍ଗିଥିବା ମହିଳା ସରପଞ୍ଚ ନିଲମ୍ବିତ

ହୋଟେଲରେ ଚାଲିଥିଲା ସେକ୍ସ ରାକେଟ୍, ୨ ମହିଳାଙ୍କ ସମେତ ଗ୍ରାହକ ଓ ହୋଟେଲ ମ୍ୟାନେଜର ଅଟକ

ସୁପ୍ରିମକୋର୍ଟ ଗଲେ ବର୍ଷା

ଓଡ଼ିଶାରେ କରୋନା ସ୍ଥିତି: ଦିନକରେ ୯ କରୋନା ଆକ୍ରାନ୍ତଙ୍କ ମୃତ୍ୟୁ

Corona Update In Odisha: ୨୪ ଘଣ୍ଟାରେ ୪,୨୦୯ ପଜିଟିଭ୍‌ ଚିହ୍ନଟ

You might also like