ସୁରତରୁ ଆସିଥାନ୍ତା ୩ଟି ଟ୍ରେନ୍, ବାତିଲ୍ କଲେ ସରକାର

ସୁରତ: ସୁରତରୁ ଏବେ ଆସିବନି ଟ୍ରେନ୍। ସୁରତରୁ ଆସନ୍ତାକାଲି ଆସିବାକୁ ଥିବା ୩ଟି ଟ୍ରେନ୍‌କୁ ବାତିଲ କରାଯାଇଛି। ସୁରତରୁ ଆସନ୍ତାକାଲି ବାହାରିବାକୁ ଥିବା ୩ଟି ଯାକ ଟ୍ରେନ୍‌କୁ ବାତିଲ କରିଛନ୍ତି ଓଡ଼ିଶା ସରକାର।

ଆଜି ଏନେଇ ସୂଚନା ଦେଇଛନ୍ତି ସୁରତ ଜିଲ୍ଲାପାଳ ଧବଳ କୁମାର ପଟେଲ। ଟ୍ରେନ୍‌ର ଆସିବାକୁ ଥିବା ଯାତ୍ରୀଙ୍କୁ ଏନେଇ ଅବଗତ କରାଯାଇଛି ବୋଲି ସେ କହିଛନ୍ତି। ଆଜି ହାଇକୋର୍ଟଙ୍କ ନିର୍ଦ୍ଦେଶ ପରେ ରାଜ୍ୟ ସରକାର ଟ୍ରେନ୍ ବାତିଲ କରିଛନ୍ତି।

ତେବେ ପ୍ରବାସ ଫେରନ୍ତାଙ୍କ ପରେ ରାଜ୍ୟରେ ହୁ ହୁ ହୋଇ କରୋନା ବଢିଚାଲିଛି। ପୂର୍ବରୁ କୋଲକାତା ଫେରନ୍ତା ଚିନ୍ତା ବଢ଼ାଇଥିଲେ। ଆଉ ଏବେ ମୁଣ୍ଡ ବ୍ୟଥାର କାରଣ ପାଲଟିଛନ୍ତି ସୁରତ୍ ଫେରନ୍ତା।

ଆଜି ଦିନକରେ ୨୪ ନୂଆ ଆକ୍ରାନ୍ତଙ୍କ ସହ ରାଜ୍ୟରେ ୨୦୯କୁ ବଢିଛି କୋଭିଡ୍ ପଜିଟିଭ୍ ସଂଖ୍ୟା। ଗତକାଲି ଜଗତସିଂହପୁର ପରେ ଆଜି ମୟୂରଭଞ୍ଜ ଜିଲ୍ଲାକୁ ଛୁଇଁଛି କରୋନା।

You might also like