ବଦଳିଗଲା ଚିତ୍ର: ସେଦିନ କ୍ୱାରେଣ୍ଟିନ୍ ସେଣ୍ଟର୍‌ରେ ଟିକ୍‌ଟକ୍‌ କରୁଥିଲେ, ହେଲେ ଆଜି…

ଭଦ୍ରକ: କିଛି ଦିନ ତଳେ ଭଦ୍ରକ ଜିଲ୍ଲା ତିହିଡ଼ି ବ୍ଲକ୍ ଅନ୍ତର୍ଗତ‌ ଭାଟପଡ଼ା ପଞ୍ଚାୟତରେ ଥିବା ଏକ କ୍ୱାରେଣ୍ଟିନ୍‌ ସେଣ୍ଟରରେ ରହୁଥିବା କିଛି ଲୋକ ଟିକ୍‌ଟକ୍‌ ଭିଡିଓ କରିଥିଲେ। ଭିଡିଓଟି ସୋସିଆଲ୍‌ ମିଡିଆରେ ଭାଇରାଲ ହେବାସହ ଏହାକୁ ଜୋରଦାର ସମାଲୋଚନ କରାଯାଇଥିଲା। ତେବେ ସେହି କ୍ୱାରେଣ୍ଟିନ୍‌ ସେଣ୍ଟରରେ ଏବେ ଦେଖିବାକୁ ମିଳିଛି ଭିନ୍ନ ଚିତ୍ର।

ଏବେ ଆଉ ଟିକ୍‌ଟକ୍‌ ନୁହେଁ ବରଂ ଏହି କ୍ୱାରେଣ୍ଟିନ୍ ସେଣ୍ଟରରେ ରହୁଥିବା ଲୋକେ ଯୋଗ, ପ୍ରାଣାୟାମ ଓ ବ୍ୟାୟାମ କରୁଛନ୍ତି। ସବୁଦିନେ ସକାଳେ ଉଠି ଯୋଗ କରିବା ସହ ପ୍ରାଣାୟମ ଓ ବ୍ୟାୟାମ ଆଦି କରୁଛନ୍ତି ଏହି କ୍ୱାରେଣ୍ଟିନ୍‌ ସେଣ୍ଟରରେ ରହୁଥିବା ଲୋକେ। ସେହିପରି ସନ୍ଧ୍ୟାରେ ଏଠାରେ ପ୍ରବଚନ କାର୍ଯ୍ୟକ୍ରମ ମଧ୍ୟ ଆୟୋଜିତ ହେଉଛି। ମନକୁ ଶାନ୍ତ ରଖିବା ସହ ସମୟ ଅତିବାହିତ କରିବାକୁ ଏଠାରେ ରହୁଥିବେ ଲୋକେ ଏଭଳି କରୁଛନ୍ତି। ଏସବୁ କାର୍ଯ୍ୟକ୍ରମ ବେଳେ ସେମାନେ ନିୟମ ଅନୁଯାୟୀ ସାମାଜିକ ଦୂରତା ରକ୍ଷା କରୁଛନ୍ତି।

ସୂଚନାଯୋଗ୍ୟ, ଭାଟପଡ଼ା ପଞ୍ଚାୟତର ଏହି କ୍ୱାରେଣ୍ଟିନ୍ ସେଣ୍ଟରରେ ରହୁଥିବା କିଛି ଲୋକେ ନିୟମ ନ  ଟିକ୍‌ଟକ୍‌ କରୁଥିବା ଘଟଣା କିଛିଦିନ ତଳେ ସାମ୍ନାକୁ ଆସିଥିଲା। ଏମାନେ ସମସ୍ତେ କୋଲକାତାରୁ ଫେରିଥିବାରୁ ଏମାନଙ୍କୁ କ୍ୱାରେଣ୍ଟିନ୍ ସେଣ୍ଟରରେ ରଖାଯାଇଥିଲା। ସେମାନଙ୍କର ଏଭଳି ଆଚରଣକୁ ନେଇ ତ୍ରୀବ ପ୍ରତିକ୍ରିୟା ପ୍ରକାଶ ପାଇବା ସହ ୭ ଜଣଙ୍କ ନାଁରେ ଥାନାରେ ଏତଲା ବି ଦିଆଯାଇଥିଲା।

You might also like