ବଗଲା ଧର୍ମଶାଳା ଜମି ବିକ୍ରି ଘଟଣାରେ ପ୍ରଶ୍ନ ଉଠାଇଲେ ସମ୍ବିତ ପାତ୍ର

ପୁରୀ: ବଗଲା ଧର୍ମଶାଳା ଜମି ବିକ୍ରି ଘଟଣାରେ ରାଜ୍ୟ ସରକାରଙ୍କ ଭୂମିକାକୁ ନେଇ ପ୍ରଶ୍ନ ଉଠାଇଲେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର। କେନ୍ଦ୍ର ପର୍ଯ୍ୟଟନ ବିକାଶ ନିଗମ ଧର୍ମଶାଳାର ଉନ୍ନତିକରଣ କାମରେ ବିଳମ୍ବ କରିଥିବା ଅଭିଯୋଗ ମିଥ୍ୟା। ସୌନ୍ଦର୍ଯ୍ୟକରଣ କାମ ଚାଲିଥିଲା, ଏହାକୁ ଅଧାରୁ ବନ୍ଦ କରିବା ପାଇଁ ଚିଠି ଲେଖିଥିଲେ ରାଜ୍ୟ ପର୍ଯ୍ୟଟନ ସଚିବ ବିଶାଲ ଦେବ। ଜୁଲାଇ ୧ ତାରିଖରେ ବିଶାଳ ଦେବ ITDCକୁ ଚିଠି ଲେଖି ପ୍ରକଳ୍ପ ବନ୍ଦ କରିବାକୁ କହିଥିଲେ।

ଯାହାର ଜବାବ ତୁରନ୍ତ ୯ ଜୁଲାଇରେ ଦେଇଥିଲେ ITDC ଚେୟାରମ୍ୟାନ୍। ୩ କୋଟି ୨୬ ଲକ୍ଷ ଟଙ୍କା ବ୍ୟୟରେ ପ୍ରକଳ୍ପ ଚାଲିଛି, ଯଦି ଏହାକୁ ବନ୍ଦ କରାଯାଏ ତେବେ ଏନେଇ କ୍ଷତିପୂରଣ ଆଦାୟ ହେବ ବୋଲି କୁହାଯାଇଥିଲା। ତଥାପି କାହିଁକି ବଗଲା ପ୍ରକଳ୍ପକୁ ବନ୍ଦ କରିବାକୁ ରାଜ୍ୟ ସରକାର ଏତେ ତତ୍ପର ହୋଇଥିଲେ ବୋଲି ପ୍ରଶ୍ନ କରିଛନ୍ତି ସମ୍ବିତ।

ରାଜ୍ୟ ସରକାର ବଗଲା ବଦଳରେ ଅନ୍ୟତ୍ର ପ୍ରକଳ୍ପ କରିବା ପାଇଁ ଆଇଟିଡିସିକୁ ଅବଗତ କରାଇଥିଲେ।ହେଲେ ସଂପୃକ୍ତ ଜମିରେ କୌଣସି ଆନୁସଙ୍ଗିକ ବ୍ୟବସ୍ଥା ନଥିବା କହିଛନ୍ତି ସମ୍ବିତ ପାତ୍ର। ଖାଲି ଏତିକି ନୁହେଁ, ପ୍ରକଳ୍ପ କାମ ବିଳମ୍ବ ହୋଇଥିବା କଥା ସମ୍ପୂର୍ଣ୍ଣ ମିଛ। କାରଣ କାମ ଆଗେଇବା ପାଇଁ ୨୦୧୯, ନଭେମ୍ବର ୫, ନଭେମ୍ବର ୨୦, ଡିସେମ୍ବର ୭ ଏବଂ ଚଳିତ ବର୍ଷ ଫେବ୍ରୁଆରୀ ୪ ତାରିଖରେ ଆଇଟିଡିସି ରାଜ୍ୟ ସରକାରଙ୍କୁ ଚିଠି ଲେଖିଥିଲେ ବୋଲି ସମ୍ବିତ କହିଛନ୍ତି।

ସେପଟେ ସମ୍ବିତ ପାତ୍ରଙ୍କ ଅଭିଯୋଗ ନେଇ ପ୍ରତିକ୍ରିୟା ରଖିଛନ୍ତି ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ। ପୁରୀର ଉନ୍ନତି ପାଇଁ ରାଜ୍ୟ ସରକାର ସବୁବେଳେ ଚେଷ୍ଟା କରିଛନ୍ତି। ଏଥିରେ କୌଣସି ଷଡ଼ଯନ୍ତ୍ର ହୋଇନଥିବା ସେ କହିଛନ୍ତି।

ଆହୁରି ପଢ଼ନ୍ତୁ

ବିଜେଡିରେ କେଁ: ଇସ୍ତଫା ଦେଉ ଦେଉ ଦଳରୁ ବିଦା ହେଲେ ଯୁବ ନେତା

Odisha Plus 3 Admissions: ପ୍ରକାଶ ପାଇଲା ପ୍ରଥମ କଟ୍ ଅଫ୍ ମାର୍କ

ଦିନକରେ ୧୬ କରୋନା ରୋଗୀଙ୍କ ମୃତ୍ୟୁ, ଓଡ଼ିଶାରେ ୮୦୦ ଟପିଲା ମୃତ୍ୟୁ ସଂଖ୍ୟା

ଦିନକରେ ଓଡ଼ିଶାରେ ୩,୨୩୫ କରୋନା ଆକ୍ରାନ୍ତ‌ ଚିହ୍ନଟ

ପ୍ରତି ୧୫ ଦିନରେ କୋଭିଡ୍ ହସ୍ପିଟାଲ୍‌ରେ ହେବ ଫାୟାର ସେଫ୍ଟି ଅଡିଟ୍

ଆଗ ଭୁଲ୍ କଲା,‌ ପରେ କ୍ଷମା ମାଗିଲା: ସମ୍ବଲପୁରୀ ଶାଢୀ ପଶ୍ଚିମବଙ୍ଗର ବୋଲି କହିଲା Amazon

Plus III Admission: ଆଜି ପ୍ରକାଶ ପାଇବ ପ୍ରଥମ ମେରିଟ୍ ଲିଷ୍ଟ

ତାପଙ୍ଗର ହାତିଆ ମୁଣ୍ଡିଆ ନିଷିଦ୍ଧାଞ୍ଚଳ ଘୋଷିତ

କରୋନା ନେଇଗଲା କୋଭିଡ୍ ଯୋଦ୍ଧାଙ୍କ ଜୀବନ

ଓଡ଼ିଆ ବୈଜ୍ଞାନିକ ଜ୍ୟୋତିର୍ମୟୀ ଦାଶଙ୍କୁ ଭାରତର ସର୍ବୋଚ୍ଚ ବିଜ୍ଞାନ ପୁରସ୍କାର

ଗାଈଗୋରୁଙ୍କ ଜୀବନ ରକ୍ଷା ପାଇଁ ଅଭିନବ ପ୍ରୟାସ

ବିଧାନସଭା ଅଧିବେଶନ ପୂର୍ବରୁ ଆସିଲା କରୋନା ଟେଷ୍ଟ ରିପୋର୍ଟ, ୧୩୬ ଜଣଙ୍କ ରିପୋର୍ଟ ପଜିଟିଭ୍

You might also like