ବିଜୁଳି ବ୍ୟବସ୍ଥାକୁ ସଜାଡ଼ିବାକୁ ଦେବଦୂତ ସାଜିଛନ୍ତି କୁଶଳୀ ଶ୍ରମିକ

ଭୁବନେଶ୍ୱର  : ଫୋନିର ପ୍ରଳୟରେ ଦୋହଲି ଯାଇଥିବା ବିଜୁଳି ବ୍ୟବସ୍ଥାକୁ ସଜାଡ଼ିବାକୁ ଦେବଦୂତ ଭଳି ରାତି ଦିନ କାମରେ ଲାଗିଛନ୍ତି ବାହାର ରାଜ୍ୟର କୁଶଳୀ ଶ୍ରମିକ। ରାଜଧାନୀ ଭୁବନେଶ୍ୱର ଓ ସହର ଉପକଣ୍ଠରେ ନଷ୍ଟ ହୋଇଥିବା ବିଦ୍ୟୁତ ଖୁଣ୍ଟ ଏବଂ ଟାଓ୍ୱାରକୁ ସଳଖିବା ପାଇଁ କାମ କରୁଛନ୍ତି ପ୍ରାୟ ଏକ ହଜାରରୁ ଅଧିକ କର୍ମଚାରୀ। ତଥାପି କ୍ଷୟକ୍ଷତିର ପରିମାଣ ଏତେ ଅଧିକ ହୋଇଛି ଯେ ଭୁବନେଶ୍ୱରର ସବୁ ଉପଭୋକ୍ତାଙ୍କୁ କେବେ ବିଜୁଳି ମିଳିବ ତାର ସଠିକ୍ ଉତ୍ତର କାହିରି ପାଖରେ ନାହିଁ।

ଭୁବନେଶ୍ୱର ଉପକଣ୍ଠ ଚନ୍ଦକାରେ ରହିଥିଲା ୪୦୦ କେଭିର ବିରାଟ ଟାଓ୍ୱାର। ଘଣ୍ଟାକୁ ୨୫୦ କିଲୋମିଟର ପବନକୁ ସମ୍ଭାଳିବା ପାଇଁ କ୍ଷମତା ରଖିଥିବା ଏହି ଟାଓ୍ୱାର ଭୁଷୁଡି ପଡିଛି। ତେଣୁ ଅସ୍ଥାୟୀ ଭାବେ ନୂଆ ଟାଓ୍ୱାର ଛିଡା କରିବା ପାଇଁ ଲାଗି ପଡିଛନ୍ତି ଶହ ଶହ ଶ୍ରମିକ। ଦେବଦୁତ୍ତ ପରି ବିପତ୍ତି ସମୟରେ ଧୁଧୁ ଖରାରେ ତାରରେ ଝୁଲି ମରାମତି କାମ କରୁଛନ୍ତି ରାଜ୍ୟ ବାହାରୁ ଆସିଥିବା ଶ୍ରମିକ।

ପାଓ୍ୱାର ଗ୍ରୀଡ କର୍ପୋରେସନ ଅଫ୍‌ ଇଣ୍ଡିଆ ଲିମିଟେଡ୍‌ (ପିଜିସିଆଇଏଲ)ର ଏହି ଟାଓ୍ୱାର ଦେଇ ବିଜୁଳି ଖୋର୍ଦ୍ଧାରୁ ପୁରୀକୁ ଯାଉଥିଲା। ତେବେ ଏହା ଭାଙ୍ଗିଯିବା ପରେ ପ୍ରଭାବିତ ହୋଇଛି ଦୁଇ ଜିଲ୍ଲାର ପୂରା ବିଜୁଳି ବ୍ୟବସ୍ଥା। କାନାଡାର ବୈଷୟିକ ଜ୍ଞାନ କୌଶଳରେ ନିର୍ମିତ ଜରୁରୀକାଳୀନ ଟାଓ୍ୱାରରେ ବିଜୁଳି ସଂଯୋଗ ପାଇଁ ରାତି ଦିନ ଏକ କରିଦେଇଛନ୍ତି ଆନ୍ଧ୍ରପ୍ରଦେଶରୁ ଆସିଥିବା କୁଶଳୀ ଶ୍ରମିକ ଓ କର୍ମଚାରୀ। ‘ଫୋନି’ର ୪ ଦିନ ପରେ ଆଜି ଏଠାରେ ସିଧା ହୋଇ ଠିଆ ହୋଇଛି ଅସ୍ଥାୟୀ ଟାଓ୍ୱାର। ଏଠାରୁ ଗୋଟିଏ କିଲୋମିଟିର ଦୂରରେ ଓଡିଶା ପାଓ୍ୱାର ଟ୍ରାନ୍ସମିଶନର କର୍ପୋରେସନର ୨୨୦ କେଭିର ଟାଓ୍ୱାର ମଧ୍ୟ ‘ଫୋନି’ର ତାଣ୍ଡବରେ ମାଟିରେ ମିଶିଯାଇଛି। ତେବେ ଏଠାରେ ମଧ୍ୟ ଯୁଦ୍ଧ କାଳୀନ ଭିତ୍ତରେ ଦୁଇଟି ଅସ୍ଥାୟୀ ଟାଓ୍ୱାର ଛିଡା କରିବା ପାଇଁ କାମ ଚାଲିଛି। ଖୁବଶୀଘ୍ର ମରାମତି କରି ଏଥିରେ ଭୁବନେଶ୍ୱର ପାଇଁ ଅଧିକ ୩୪୦ ମେଗାଓ୍ୱାଟ ବିଜୁଳି ଆଣିବାକୁ ଲକ୍ଷ୍ୟ ରଖିଛି ଓପିଟିସିସିଏଲ୍‌।

ଏପଟେ ଆବଶ୍ୟକତା ଅନୁସାରେ ଯଥେଷ୍ଟ କୁଶଳୀ ଶ୍ରମିକ ନଥିବାରୁ ରାଜଧାନୀର ଗଳି କନ୍ଦିରେ ଏବେ ମଧ୍ୟ ପଡ଼ିରହିଛି ଭଙ୍ଗା ଓ ନଇଁଯାଇଥିବା ବିଜୁଳି ଖୁଣ୍ଟ। ସହର ଉପକଣ୍ଠରେ ସ୍ଥିତି ଆହୁରି ସଂଗୀନ ରହିଛି। ଏ ପର୍ଯ୍ୟନ୍ତ କେହି ପହଁଞ୍ଚିନାହାଁନ୍ତି। ବିଜୁଳି ନଥିବାରୁ ଗରମ ଓ ଗୁଳୁଗୁଳିରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ଅସହ୍ୟ ଗରମ ଯୋଗୁ ଦିନରେ ଘରେ ରହିବା ମୁସ୍କିଲ୍ ହୋଇପଡ଼ିଛି।

ରାଜଧାନୀରେ ଜରୁରୀ ସେବା ଯୋଗାଉଥିବା ହସ୍ପିଟାଲ, ବିମାନ ବନ୍ଦର, ପାଣି ପମ୍ପ ହାଉସ ସମେତ କିଛି ଗୁରୁତ୍ୱପୂର୍ଣ ସ୍ଥାନକୁ  ବିଜୁଳି ସଂଯୋଗ ହୋଇଛି। ସେସୁ କହିଛି, ୩୩ କେଭି ଓ ୧୧ କେଭି ପୁନଃମରାମତି କରାଯାଇଥିଲେ ମଧ୍ୟ ଏଲ୍‌ଟି ଲାଇନ ମରାମତି ହୋଇ ନଥିବାରୁ ଉପଭୋକ୍ତା ବିଜୁଳି ପାଇବାରେ ଆଉ ତିନି ଚାରିଦିନ ବିଳମ୍ବ ହୋଇପାରେ। ଏପଟେ କଟକରେ ସ୍ଥିତି ଯାହାକୁ ସେଇଆ। ୨ ଟି ଗ୍ରୀଡ ଚାର୍ଜ ହୋଇଥିଲେ ମଧ୍ୟ ଉପଭୋକ୍ତାଙ୍କ ପାଖରେ ବିଜୁଳି ପହଁଞ୍ଚିନି। ସହରର ସାହି ବସ୍ତିରେ ପଡ଼ି ରହିଥିବା ବିଜୁଳି ଖୁଣ୍ଟିକୁ ସିଧା କରିବା କାମରେ ଲାଗିଛନ୍ତି କର୍ମଚାରୀ।

ଆହୁରି ପଢ଼ନ୍ତୁ

ଜିଓକୁ ପଛରେ ପକାଇଲା ଏୟାର୍‌ଟେଲ୍‌

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

You might also like