କ୍ଷୟକ୍ଷତି ଆକଳନ ପାଇଁ ଆସିଥିବା ଆର୍‌ଆଇଙ୍କୁ ମାଡ଼ ଅଭିଯୋଗ

ଯାଜପୁର(ଗୁଲାମ୍‌ ଗସ୍‌): ଫୋନି କ୍ଷୟକ୍ଷତିର ଆକଳନ କରିବାକୁ ଆସିଥିବା ରାଜସ୍ୱ ନିରୀକ୍ଷକ(ଆର୍‌ଆଇ) ଓ ତାଙ୍କ ସହଯୋଗୀଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି।

ଯାଜପୁର ଜିଲ୍ଲାର ବିଂଝାରପୁର ତହସିଲର ପ୍ରୀତିପୁର ଗାଁକୁ ଫୋନି କ୍ଷୟକ୍ଷତିର ଆକଳନ କରିବାକୁ ଯାଇଥିବା ବେଳେ ରାଜସ୍ୱ ନିରୀକ୍ଷକଙ୍କୁ କିଛି ମହିଳା ଗାଳି ଗୁଲଜ କରିଥିବା ଅଭିଯୋଗ ହୋଇଛି। ଏଥିସହ ରାଜସ୍ୱ ନିରୀକ୍ଷକଙ୍କ ସହ ଯାଇଥିବା ଜଣେ କର୍ମଚାରୀଙ୍କୁ ଦୁର୍ବୃତ୍ତମାନେ ଆକ୍ରମଣ କରିବା ସହ ଗଛରେ ବାନ୍ଧି ଦେଇଥିଲେ।

ଏହି ଘଟଣା ସମ୍ପର୍କରେ ଆର୍‌ଆଇ ସଂଘ ପକ୍ଷରୁ ଯାଜପୁର ଜିଲ୍ଲାପାଳଙ୍କୁ ଭେଟି ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ପାଇଁ ଦାବି କରାଯାଇଛି।

ଅନ୍ୟପକ୍ଷେ, ‘ଫୋନି’ କ୍ଷୟକ୍ଷତିର ଆକଳନ ସମୟରେ ସୁରକ୍ଷା ଯୋଗାଇ ଦିଆଯିବ ସହ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି।

You might also like