ଯୌନ ପିପାସୁକୁ ରିମାଣ୍ଡରେ ନେବ ପୁଲିସ୍‌

ଭୁବନେଶ୍ୱର ଲକ୍ଷ୍ମୀସାଗର ଅଞ୍ଚଳରେ ନାବାଳିକା ଅସଦାଚରଣ ମାମଲା ; ଗତକାଲି ଅଭିଯୁକ୍ତକୁ ଖୋର୍ଦ୍ଧାରୁ ଗିରଫ କରିଥିଲା ପୁଲିସ୍‌

ଭୁବନେଶ୍ୱର  : ଭୁବନେଶ୍ୱର ଲକ୍ଷ୍ମୀସାଗର ଅଞ୍ଚଳରେ ଜଣେ ନାବାଳିକା ଅସଦାଚରଣରେ ଶିକାର ହୋଇଥିଲା। ସ୍କୁଟି ଚଳାଉଥିବା ଜଣେ ଅଭିଯୁକ୍ତ ସାଇକେଲରେ ଯାଉଥିବା ନାବାଳିକାକୁ ଅସଦାଚରଣ କରିଥିଲା। ଏହି ଘଟଣା ରାଜଧାନୀରେ ଚହଳ ପକାଇଥିଲା। ଏନେଇ ଅଭିଯୋଗ ହେବା ପରେ କମିଶରେଟ୍‌ ପୁଲିସ ଅଭିଯୁକ୍ତ ଯୌନ ପିପାସୁକୁ ଗତକାଲି ଗିରଫ କରିଥିଲା। ଆଜି ତାକୁ ନେଇ ସ୍ପଟ୍‌ ଆଇଡେଣ୍ଟିଫିକେସନ କରିଛି ପୁଲିସ। ଅଭିଯୁକ୍ତ କିଭଳି ନାବାଳିକାକୁ ପିଛା କରିଥିଲା ଓ କେଉଁଠି ଅସଦାଚରଣ କରିଥିଲା ସେହି ତଥ୍ୟ ସେ ପୁଲିସକୁ ଦେଇଛି। ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଅଭିଯୁକ୍ତର ରାଜନୈତିକ ଲିଙ୍କ ଥିବା ପୁଲିସ ଜାଣିବାକୁ ପାଇଛି।

ଗତକାଲି ଅଭିଯୁକ୍ତକୁ କମିଶନରେଟ୍ ପୁଲିସ ଖୋର୍ଦ୍ଧାରୁ ଗିରଫ କରିଥିଲା। ଟିଆଇ ପରେଡ୍‌ ପରେ ଅଭିଯୁକ୍ତର ନାଁ ପ୍ରକାଶ କରିବ ବୋଲି ପୁଲିସ କହିଥିଲା। ଅଭିଯୁକ୍ତକୁ ରିମାଣ୍ଡରେ ଆଣି ଅଧିକ ତଦନ୍ତ କରାଯିବ ବୋଲି ପୁଲିସ ସୂଚନା ଦେଇଛି। ଅଭିଯୁକ୍ତ ବିରୋଧରେ ଡିଜିଟାଲ ପ୍ରମାଣ ଯୋଗାଡ଼ ସହ ତୁରନ୍ତ ଚାର୍ଜସିଟ ପ୍ରସ୍ତୁତ କରିବାକୁ ପୁଲିସ ଚେଷ୍ଟା ଚଳାଇଛି। ଗିରଫ ଅଭିଯୁକ୍ତ ବିରୋଧରେ ପୂର୍ବରୁ ଶହୀଦ ନଗର ଥାନାରେ ମାମଲା ରହିଛି। ଅଭିଯୁକ୍ତର ରାଜନୈତିକ ଲିଙ୍କ ଥିବା ପୁଲିସ ଜାଣିବାକୁ ପାଇଛି।

ଗତ ୨୧ ତାରିଖରେ ଲକ୍ଷ୍ମୀସାଗର ଅଞ୍ଚଳରେ ଜଣେ ନାବାଳିକାକୁ ରାସ୍ତାରେ ଅସଦାଚରଣ କରିଥିଲା ଅଭିଯୁକ୍ତ। ନାବାଳିକା ଜଣକ ଟ୍ୟୁସନ ଯାଉଥିବା ବେଳେ ଅଭିଯୁକ୍ତ ତାକୁ ପିଛା କରିଥିଲା। ପରେ ରାସ୍ତାରେ ଅଟକାଇ ଅସଦାଚରଣ କରିଥିଲା। ଯାହା ସିସିଟିଭିରେ କଏଦ ହୋଇଥିଲା। ଏନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲା। ମାତ୍ର ପୁଲିସ ମାମଲା ରୁଜୁ କରି ଚୁପ୍‌ ବସିଥିଲା। ଏନେଇ ଖବର ଓଟିଭିରେ ପ୍ରକାଶ ପାଇବା ପରେ ପୁଲିସ ତତ୍ପର ହୋଇଥିଲା। ଗତକାଲି ଅଭିଯୁକ୍ତକୁ ଗିରଫ କରିଥିଲା।

ଆହୁରି ପଢ଼ନ୍ତୁ

ବିଜୁଳି ଦର ବୃଦ୍ଧି ପ୍ରତିବାଦ: ଆଜି ୧୫ ମିନିଟ୍‌ ପାଇଁ ଲାଇଟ୍‌ ବନ୍ଦ କରିବାକୁ ଆହ୍ୱାନ

କରୋନାରୁ ସୁସ୍ଥ ହେବାପରେ କ’ଣ କରିବେ?

୪୩.୫% କମିଛି ଦୁର୍ଘଟଣାଜନିତ ମୃତ୍ୟୁ ସଂଖ୍ୟା

ଆଜି ଅବପାତର ରୂପ ନେଇପାରେ ବଙ୍ଗୋପସାଗରରେ ସୃଷ୍ଟ ଲଘୁଚାପ

ଇଞ୍ଜିନିୟର ଏବେ ଦିନ ମଜୁରିଆ; କୋଦାଳ ଧରି ମାଟି ବୋହିଲେ

ଜେଲ୍ ଗଲେ ସହକାରୀ ନିର୍ବାହୀ ଯନ୍ତ୍ରୀ ରବୀନ୍ଦ୍ର ପ୍ରଧାନ; ଆୟର ୨୪୧% ଥିଲା ବେଆଇନ

କୋଭିଡ୍‌-୧୯ ସୁସ୍ଥ ହେବା ପରେ କ’ଣ କରିବେ, ପରାମର୍ଶ ଦେଲା ସ୍ୱାସ୍ଥ୍ୟ ବିଭାଗ

କରୋନାରୁ ସୁସ୍ଥ ହେଲେ ୨୭୧୬ ଜଣ ଆକ୍ରାନ୍ତ

ରକ୍ତମୁଖା ପଡ଼ୋଶୀର ବିଭତ୍ସ କାଣ୍ଡ; ରକ୍ତରେ ଭିଜିଲା ଘର ଓ ଜମି

ଆସନ୍ତାକାଲି ସନ୍ଧ୍ୟା ୬ଟାରୁ ୬ଟା ୧୫ ମିନିଟ୍‌ ଯାଏଁ ବିଜୁଳି ନଜାଳିବାକୁ ଆହ୍ୱାନ

ଭାଙ୍ଗିଯାଇଛି ପୋଲ, ସମସ୍ୟାରେ ୬ଟି ଗାଁ

ନିଲମ୍ବିତ ହେଲେ ଗୁଣପୁର ତହସିଲଦାର

You might also like