ଭୁବନେଶ୍ୱର : ବରିଷ୍ଠ ଅାଇଏଏସ୍ ଅଧିକାରୀ ଅପରାଜିତା ଷଡ଼ଙ୍ଗୀ ସ୍ୱେଚ୍ଛାକୃତ ଅବସର ନେବା ସହ ରାଜନୀତିରେ ପ୍ରବେଶ ଖବରକୁ ନେଇ ରାଜ୍ୟରେ ଜୋରଦାର ଚର୍ଚ୍ଚା ହେଉଛି। ତାଙ୍କର ଏକ ଟୁଇଟ୍ ପରେ ଏହି ଚର୍ଚ୍ଚା ଜୋର୍ ଧରିଛି। ଦଳରେ ମିଶିବା ଲାଗି ଯଦି ଅପରାଜିତା ଅାବେଦନ କରନ୍ତି ତା ହେଲେ ବିଚାର କରାଯିବ ବୋଲି ବିଜେଡି ଉପସଭାପତି ଦେବୀପ୍ରସାଦ ମିଶ୍ର କହିଛନ୍ତି।
ଏହାସହ ସେ ଅାହୁରି କହିଛନ୍ତି ଯେ, ଦଳରେ ବହୁ ଲୋକ ଅାଗରୁ ମିଶିଛନ୍ତି ।ମିଶିବାକୁ ଅାବେଦନ କରିଛନ୍ତି। ସେହିଭଳି ଅପରାଜିତା ଚାହିଁଲେ ଦଳ ସୁପ୍ରିମୋ ନବୀନ ପଟ୍ଟନାୟକ ସେନେଇ ନିଷ୍ପତ୍ତି ନେବେ ବୋଲି ସେ କହିଛନ୍ତି। ବ୍ୟୁରୋକ୍ରାଟଙ୍କୁ ଦଳରେ ନେବା ଲାଗି ବିଜେଡି ଓ ବିଜେପି ମଧ୍ୟରେ ପ୍ରତିଯୋଗିତା ଲାଗିଛି ବୋଲି କଂଗ୍ରେସ ନେତା ତାରାପ୍ରସାଦ ବାହିନୀପତି କହିଛନ୍ତି।
ସେପଟେ ବିଜେପି ନେତା ପ୍ରଦୀପ ପୁରୋହିତ କହଛିନ୍ତି ଯେ, ବିଜେପି ପ୍ରତିଦ୍ୱନ୍ଦିତା କରୁନାହିଁ। ଅପରାଜିତା ଯଦି ଅାବେଦନ କରିବେ, ରାଜ୍ୟ ବିଜେପି ସ୍ୱାଗତ କରିବ।
https://youtu.be/pXE1p8JLJi4