‘ଫୋନି’ ତାଣ୍ଡବରେ ଉଜୁଡ଼ିଗଲା ଗାଁର ସବୁଜିମା

ଭୁବନେଶ୍ୱର: ଚାଲି ଯାଇଛି ଝଡ଼, ହେଲେ ଛାଡ଼ି ଯାଇଛି ତାର କୋପ। ଝଡ଼ ମାଡ଼ରେ ଘାଇଲା ମଣିଷ ଖୋଜୁଛି ବଞ୍ଚିବାର ରାହା। ବାତ୍ୟା ‘ଫୋନି’ର ତାଣ୍ଡବରେ ଛିନଛତ୍ର ହୋଇଥିବା ଅନେକ ଗାଁରେ ଏବେ ଏଭଳି ଦଶା। କେଉଁଠି ସବୁ କିଛି ହରାଇଥିବା ବିପନ୍ନ ମୁଣ୍ଡ ଗୁଞ୍ଜିବାକୁ ସ୍ଥାନ ଖୋଜୁଛି, ତ ଆଉ କେଉଁଠି ଧ୍ୱଂସ ସ୍ତୁପ ତଳୁ ସ୍ମୃତି ସାଉଁଟୁଛି ବେସାହାରା ମଣିଷ।

ଜୀବନ ବଞ୍ଚି ଯିବା ପରେ ଏବେ ଖୋଜା ପଡ଼ିଛି କାଳେ ଭଙ୍ଗା ଘର ଭିତରୁ ମିଳିଯିବ କି ବଞ୍ଚିବାର ଆଉ କିଛି ରାହା। ପ୍ରଳୟର କରାଳ ରୂପ ଓ ତାର ନିର୍ଘାତ ପ୍ରହାରକୁ ଛାତି ପାତି ସହିଯାଇଥିଲେ ବି ଏବେ କିନ୍ତୁ ଜୀବନ ବେସାହାରା ହୋଇଯାଇଛି। କାରଣ ମୁଣ୍ଡ ଉପରେ ଛାତ ନାହିଁ, କି ଅଣ୍ଟା ସଳଖିବାକୁ ଆଉ କାନ୍ଥର ସାହାରା ନାହିଁ। ପୁରୀ ଜିଲ୍ଲା ନିମାପଡ଼ା ବ୍ଲକ୍ ଅନ୍ତର୍ଗତ ଚଅଁରପଦା ଗାଁରେ ଏଭଳି କିଛ ଦୃଶ୍ୟ ଦେଖିବାକୁ ମିଳିଛି। ଗାଁର ଯେଉଁ ଆଡ଼କୁ ଚାହିଁଲେ ପ୍ରକୃତିର କୋପରେ ବିଦିର୍ଣ୍ଣ ହୋଇପଡ଼ିଥିବା ବିକୃତ ଛବି ଆଖି ସାମ୍ନାକୁ ଆସୁଛି। ଅନୁରୂପ ଦଶା ହଂସପଡ଼ା ଗାଁର। ଏହି ଗାଁର ଶିରିକୁ ଯେମିତି ସମୂଳେ ପୋଛି ନେଇଛି ପ୍ରଳୟଙ୍କାରୀ ଫୋନି। ଗାଁକୁ ସବୁଜ ସୁନ୍ଦର କରି ରଖିଥିବା ବିଶାଳ ବୃକ୍ଷ ହେଉ କି ଲୋକଙ୍କ ଆର୍ଥିକ ସ୍ୱାବଲମ୍ବୀକୁ ମଜବୁତ କରୁଥିବା କଦଳୀ ଓ ନଡ଼ିଆ ଗଛ ହେଉ, ସବୁ ଯେମିତ ଫୋନି ମାଡ଼ରେ ଧରାଶାୟୀ।

ଖୋର୍ଦ୍ଧା ଜିଲ୍ଲା ଜଟଣୀ ବ୍ଲକ୍ ଅନ୍ତର୍ଗତ ବଡ଼ତୋଟା ଗାଁରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି। ବାତ୍ୟା ମାଡ଼ରେ ୫ ଦିନ ପରେ ବି ଏଯାଏ ଟିକେ ହେଲେ ବଦଳି ପାରିନି ଉଜୁଡ଼ା ଛବି। ବାତ୍ୟା ପରଠୁ ଗାଁ ଦାଣ୍ଡରେ ସେମିତି ପଡ଼ି ରହିଛି ବଡ଼ ବଡ଼ ଗଛ। ଘର ଆଗରୁ ବିଦ୍ୟୁତ ତାର କି ରାସ୍ତାରୁ ଅବରୋଧ ବି ହଟନି।  ପ୍ରଳୟର ପାଞ୍ଚ ଦିନ ପରେ ବି ଏ ଗାଁରେ ପ୍ରଶାସନର ପାଦ ପଡ଼ି ନ ଥିବାରୁ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି। ପାଣି, ବିଜୁଳି ତ ଦୂରର କଥା, ବିପନ୍ନଙ୍କ ପାଖରେ ଏଯାଏ ରିଲିଫ୍ ବି ପହଞ୍ଚି ପାରି ନଥିବାରୁ ଲୋକଙ୍କ ଭିତରେ ଅସନ୍ତୋଷ କୁହୁଳୁଛି।

ଝଡ଼ ପରର ନିରବତା ଭଳି ବାତ୍ୟା ବିଧ୍ୱସ୍ତ ସବୁ ଅଞ୍ଚଳରେ ଏବେ ଉଜୁଡ଼ା ପ୍ରକୃତିର ଦାରୁଣ ରୂପ ଦେଖିବାକୁ ମିଳୁଛି।

ଆହୁରି ପଢ଼ନ୍ତୁ

ଜିଓକୁ ପଛରେ ପକାଇଲା ଏୟାର୍‌ଟେଲ୍‌

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

You might also like