‘ଫୋନି’ ପରେ କ୍ଷତିଗ୍ରସ୍ତ ନିମେଇସାପୁର ଗାଁରେ ଅଧିକାରୀଙ୍କ ପାଦ ପଡ଼ିନି

କଟକ: ଘର ଉପରୁ ଉଡ଼ିଯାଇଛି ଚାଳ ଛପର। ଆଉ ଖୋଲା ଆକାଶ ତଳେ କଟୁଛି ଜୀବନ। ଖାଲି ଏତିକି ନୁହେଁ ଘରେ ଥିବା ଆସବାବପତ୍ର ସବୁ ନଷ୍ଟ ହୋଇଯାଇଥିବାରୁ ରାନ୍ଧିକି ଖାଇବା ବି କଷ୍ଟକର ହୋଇପଡ଼ୁଛି। କଟକ ସଦର ନିମେଇସାପୁର ଗାଁରେ ଏଭଳି କିଛି ଦୃଶ୍ୟ ଦେଖିବାକୁ ମିଳିଛି।

ସାମୁଦ୍ରିକ ଝଡ଼ ‘ଫୋନି’ ଯିବାର ସପ୍ତାହେ ବିତି ଯାଇଥିଲେ ସୁଦ୍ଧା ବାତ୍ୟା କ୍ଷତିଗ୍ରସ୍ତ ନିମେଇସାପୁର ଗାଁରେ ଏଯାଏ ପ୍ରଶାସନର ଦେଖାନାହିଁ। ନା ମିଳିଛି ରିଲିଫ ନା ହୋଇଛି କ୍ଷୟକ୍ଷତିର ଆକଳନ। ଏମିତିକି ବିପର୍ଯ୍ୟସ୍ତ ବିଦ୍ୟୁତ୍‌ ବ୍ୟବସ୍ଥାକୁ ସୁଧାରିବାକୁ ବି ଗାଁରେ କେହି ପହଞ୍ଚିନାହାନ୍ତି।

ଗାଁରେ ପ୍ରଶାସନ ପହଞ୍ଚିନଥିବା ବେଳେ ନିଜେ ନିଜ ଅବସ୍ଥା ସୁଧାରିବାରେ ଗ୍ରାମବାସୀମାନେ ଲାଗିପଡ଼ିଛନ୍ତି। ଭାଙ୍ଗି ପଡ଼ିଥିବା ବିଦ୍ୟୁତ୍‌ ଖୁଣ୍ଟକୁ ସଜାଡ଼ିବାରେ ଗାଁଲୋକେ ଲାଗି ପଡ଼ିଛନ୍ତି। କିଏ ଖୁଣ୍ଟ ଉପରେ ଚଢ଼ି ସଜାଡ଼ିବାରେ ଲାଗିଛି ତ ଆଉ କିଏ ତାର ଭିଡ଼ିବାରେ ବ୍ୟସ୍ତ। ରାତି ଦିନ ଏକ କରି ବିଦ୍ୟୁତ୍‌ ଖୁଣ୍ଟ ମରାମତି କାମରେ ଲାଗିଛନ୍ତି ଲୋକେ।

You might also like