ଓଡ଼ିଶାରେ ଜରିମାନା କୋହଳ କରିବାକୁ ଦାବି

ଭୁବନେଶ୍ୱର : ନୂଆ ଟ୍ରାଫିକ୍‌ ନିୟମରେ ଥିବା ଜରିମାନାକୁ ଗୁଜରାଟ ସରକାର କୋହଳ କରିବା ପରେ ଓଡିଶାରେ ମଧ୍ୟ ଏହାକୁ ଲାଗୁ କରିବାକୁ ଦାବି ଉଠିଛି। ବିରୋଧୀ ଦଳ ଉପନେତା ବିଷ୍ଣୁ ସେଠୀ କହିଛନ୍ତି ଓ଼ଡିଶାରେ ଜରିମାନାକୁ ୫୦ ପ୍ରତିଶତ କମାଯାଉ।

ସେହିପରି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି, ଜରିମାନା ଆଦାୟର ଦୋଷୀ ପରିବହନ ବିଭାଗ ନିଜ ମୁଣ୍ଡରେ ଦୋଷ ଛଡାଇ ବିଭାଗ ଏବେ ପୁଲିସ ମୁଣ୍ଡରେ ଅଠା ବୋଳୁଛି।  ତେବେ ପୂର୍ବତନ ପରିବହନ ମନ୍ତ୍ରୀ ଅରବିନ୍ଦ ଢାଲି କହିଛନ୍ତି ଲୋକଙ୍କୁ କଷ୍ଟ ହେଲେ ମଧ୍ୟ ବହୁତ ଲୋକ ଏହାକୁ ସମର୍ଥନ କରୁଛନ୍ତି।

ଟ୍ରାଫିକ୍‌ ବ୍ୟବସ୍ଥାରେ ସୁଧାର ଆସିଛି। ସେପଟେ ଗୁଜରାଟ ଶୈଳୀରେ ଜରିମାନା କମାଇବା ପ୍ରସଙ୍ଗରେ ପରିବହନ ସଚିବ ଜି. ଶ୍ରୀନିବାସ କହିଛନ୍ତି, ଜରିମାନା କିଭଳି କୋହଳ କରାଯାଇପାରିବ ସେନେଇ ତର୍ଜମା କରାଯିବ।

You might also like