ଯୁବତୀଙ୍କୁ ଗୁଳିମାଡ଼ ଘଟଣାର ହେଲା ଖୁଲାସା

ବନ୍ଧୁକରେ ଖେଳୁଥିଲେ, ଫୁଟିଲା ଗୁଳି

ଭୁବନେଶ୍ୱର : ଭୁବନେଶ୍ୱରରେ ଯୁବତୀଙ୍କୁ ଗୁଳି ଘଟଣାରେ ବଡ଼ ଟ୍ୱିଷ୍ଟ ଆସିଛି। ଗୁଳିମାଡ଼ ଘଟଣାର ଖୁଲାସା କଲେ ଡିସିପି ଅନୁପ ସାହୁ। ପୁରୁଷ ବନ୍ଧୁଙ୍କ ସହ ବନ୍ଧୁକରେ ଖେଳୁଥିଲା ବେଳେ ଅକସ୍ମାତ୍‌ ଫୁଟିଛି ଗୁଳି। ଜେରା ପରେ ଅଭିଯୁକ୍ତ ପୁରୁଷ ବନ୍ଧୁ ଆଶିଷ ନାୟକଙ୍କୁ ଗିରଫ କରାଯାଇଛି। ଶିଶୁ ବିହାର ଠାରେ ରହୁଥିବା ଯୁବତୀଙ୍କ ନିକଟକୁ ଆସିଥିଲା ଆଶିଷ। ଅଭିଯୁକ୍ତଙ୍କ ନାମରେ ଅପରାଧିକ ରେକର୍ଡ ଥିବା ଜଣାପଡ଼ିଛି। ବନ୍ଧୁକରେ ଉଭୟ ଖେଳୁଥିବା ବେଳେ ଗୁଳି ଫୁଟିଥିବା ଡିସିପି କରିଛନ୍ତି। ଗୋଟିଏ ଗୁଳି ଜଙ୍ଘରେ ପଶି ଆର ଗୋଡ଼ରେ ପଶିଯାଇଥିଲା।

ଅଭିଯୁକ୍ତ ପୁରୁଷ ବନ୍ଧୁର ପୂର୍ବରୁ ଅପରାଧିକ ରେକର୍ଡ ରହିଛି। ନୟାପଲ୍ଲୀ ବୋମାମାଡ଼ ଘଟଣାରେ ଆଶିଷ ଗିରଫ ହୋଇଥିଲେ। ଚନ୍ଦ୍ରଶେଖରପୁର ଥାନା ବଜରଙ୍ଗ ବିହାର ଅଞ୍ଚଳରେ ଘଟିଛି ଏହି ଘଟଣା। ଡିସିପିଙ୍କ ସୂଚନା ଅନୁସାରେ ଛାତ୍ରୀ ଜଣକ ଏଠି ରହୁଥିବା ଏକ ଘରେ ନିଜ ପୁରୁଷ ବନ୍ଧୁଙ୍କ ସହ ବନ୍ଧୁକରେ ଖେଳୁଥିଲା ବେଳେ ଫୁଟିଛି ଗୁଳି। ମିଳିଥିବା ସୂଚନା ମୁତାବକ, ଛାତ୍ରୀ ଜଣକ ଘରୋଇ ଇନ୍‌ଷ୍ଟିଚ୍ୟୁଟରେ ପଢ଼ୁଥିଲେ। ତେବେ ଆଶିଷ ଆଣିଥିବା ବନ୍ଧୁକ ଛାତ୍ରୀଙ୍କୁ ଦେଖାଇଥିଲା। ହେଲେ ସେ ସମୟରେ ଅକସ୍ମାତ ଗୁଳି ଫୁଟିଯିବାରୁ ଗୋଟିଏ ଗୁଳି ଛାତ୍ରୀଙ୍କ ଜଙ୍ଘରେ ପଶି ବାହାରି ଆର ଗୋଡ଼ରେ ପଶିଯାଇଥିଲା । ତେବେ ପ୍ରାଥମିକ ପର୍ଯ୍ୟାୟରେ ପ୍ରେମ ଜନିତ କାରଣକୁ ନେଇ ଗୁଳି ମାଡ଼ ହୋଇଥିବା ସନ୍ଦେହ କରାଯାଉଥିଲା। କମିଶନେରେଟ୍‌ ପୁଲିସ ସୋନାଲିଙ୍କ ଚିକିତ୍ସା ପାଇଁ ୨୫୦୦୦ ଟଙ୍କା ସହାୟତା ଦେଇଛି।

ଏପରିକି ଅଭିଯୁକ୍ତ ଆଶିଷ, ନୟାପଲ୍ଲୀ ବୋମାମାଡ଼ ଘଟଣାରେ ପୂର୍ବରୁ ଗିରଫ ହୋଇଥିଲା ବୋଲି କହିଛନ୍ତି ଡିସିପି । ତେବେ ଏଠି ପ୍ରଶ୍ନ ଆଶିଷ ପାଖରେ ବନ୍ଧୁକ ଆସିଲା କୁଆଡୁ ? ବନ୍ଧୁକ ବ୍ୟବହାର କରି ସେ ଆଗକୁ କିଛି ଅପରାଧ ଘଟାଇବା ଯୋଜନାରେ ଥିଲା କି ? ଏମିତିକି ଆଶିଷର ଅପରାଧିକ ପୃଷ୍ଠଭୂମି ନେଇ ଛାତ୍ରୀ ଜଣକ ପୂର୍ବରୁ ଅବଗତ ଥିଲେ ନା ନାହିଁ ? ତାକୁ ନେଇ ଉଠିଛି ପ୍ରଶ୍ନ।

ଆହୁରି ପଢ଼ନ୍ତୁ

ଘୁଞ୍ଚିଲା ଓଡ଼ିଶା ସିଭିଲ୍‌ ସର୍ଭିସ-୨୦୧୯ର ମୁଖ୍ୟ ଲିଖିତ ପରୀକ୍ଷା

ମାମୁଙ୍କୁ ହତ୍ୟା କରି ପୋଖରୀରେ ଫିଙ୍ଗି ଦେଲେ ଭଣଜା

କୂଅ ଭିତରୁ ମିଳିଲା ନିଖୋଜ ମା’ ଓ ପୁଅଙ୍କ ମୃତଦେହ

କେବେ ଖୋଲିବ ମନ୍ଦିର? ଦ୍ୱିତୀୟ ଥର ପାଇଁ ଘଣ୍ଟ ପିଟିଲେ ସେବାୟତ

୧୫ ହଜାର ଟଙ୍କାରେ ବିକ୍ରି ହେଲା ମାସେ ୭ ଦିନର ଶିଶୁକନ୍ୟା

ଖୋଲା ଜିପ୍‌ରେ ବସି ପ୍ରଚାର କଲେ ବେଣୁଧର

ଉପନିର୍ବାଚନ ସମୀକ୍ଷା କଲେ ମୁଖ୍ୟ ନିର୍ବାଚନ ଅଧିକାରୀ

ମଇଦାନକୁ ନଯାଇ ପ୍ରଚାର କଲେ ନବୀନ

ରାଜ୍ୟରେ ଆରୋଗ୍ୟ ସଂଖ୍ୟା ୨ ଲକ୍ଷ ୭୦, ୧୩୦କୁ ବୃଦ୍ଧି

ମୁଖ୍ୟମନ୍ତ୍ରୀଙ୍କୁ  ନିରଞ୍ଜନଙ୍କ ପ୍ରଶ୍ନ; ନିଜେ ସୁରକ୍ଷିତ ରହି ଲୋକଙ୍କୁ କାହିଁକି ବିପଦକୁ ଠେଲୁଛ ?

ଭୁବନେଶ୍ୱରରେ କମୁଛି କରୋନା ସଂକ୍ରମଣ; ଦିନକରେ ୧୧୦ ପଜିଟିଭ ଚିହ୍ନଟ

ତିର୍ତ୍ତୋଲ ପାଇଁ ଭର୍ଚୁଆଲ ପ୍ରଚାର କଲେ ମୁଖ୍ୟମନ୍ତ୍ରୀ

You might also like