ରାୟଗଡ଼ାରେ ଆହାର ଯୋଜନା ବାଟବଣା ହେଉଥିବା ଅଭିଯୋଗ

ରାୟଗଡ଼ା: ଗରିବ ନିରାଶ୍ରୟ ଲୋକଙ୍କୁ ରାତିରେ ଖାଦ୍ୟ ଯୋଗାଇବା ପାଇଁ ରାଜ୍ୟ ସରକାର ରାତିରେ ଆହାର ଯୋଜନା ଆରମ୍ଭ କରିଥିଲେ। ଆଉ ନିୟମ ଥିଲା ରାତି ୯ଟା ପର୍ଯ୍ୟନ୍ତ ଲୋକଙ୍କୁ ୫ଟଙ୍କାରେ ଖାଦ୍ୟ ମିଳିବ।

ତେବେ ରାୟଗଡ଼ାରେ ଏହି ଯୋଜନା ବାଟବଣା ହୋଇଥିବା ଦେଖିବାକୁ ମିଳିଛି। ରାତି ୯ଟା ବଦଳରେ ସନ୍ଧ୍ୟା ୮ଟାରୁ ଆହାର କେନ୍ଦ୍ର ବନ୍ଦ ହୋଇଯାଉଥିବା ଅଭିଯୋଗ ହୋଇଛି।

ରାୟଗଡ଼ା ସହର ଜିସିଡି ହାଇସ୍କୁଲ ନିକଟରେ ଥିବା ଆହାର କେନ୍ଦ୍ରରେ ରାଜ୍ୟ ସରକାରଙ୍କ ଘୋଷଣା ପରେ ରାତିରେ ଆହାର କେନ୍ଦ୍ର ଖୋଲାଯାଇଥିଲା। ହେଲେ ଆରମ୍ଭରୁ ଏଠାକାର ଅବସ୍ଥା କହିଲେ ନସରେ। ଜାନୁୟାରୀ ୧୦ତାରିଖ ରାତି ପ୍ରାୟ ୮ଟା ସମୟରେ କିଛି ଶ୍ରମିକ ରାତ୍ର ଭୋଜନ ପାଇଁ ଆହାର କେନ୍ଦ୍ରକୁ ଯାଇଥିଲେ। ତେବେ ୮ଟାରୁ ଆହାର କେନ୍ଦ୍ର ବନ୍ଦ ହୋଇଯାଇଥିବା ଅଭିଯୋଗ ହୋଇଛି। ଏମିତିକି ଶ୍ରମିକମାନେ ବାରମ୍ବାର ଡାକିଥିଲେ ମଧ୍ୟ କେହି ଶୁଣିନଥିବା ଅଭିଯୋଗ ହୋଇଛି।

ରାୟଗଡ଼ା ଆହାର କେନ୍ଦ୍ରରେ ପ୍ରତିଦିନ ଦିନରେ ୧୦୦୦ ଓ ରାତିରେ ୨୦୦ ଲୋକଙ୍କ ପାଇଁ ଭୋଜନ ବ୍ୟବସ୍ଥା କରାଯାଉଛି। ଦିନରେ ୧୧ଟାରୁ ୩ଟା ଓ ରାତିରେ ୭ଟାରୁ ୯ଟା ପର୍ଯ୍ୟନ୍ତ ଖାଦ୍ୟ ଦେବାର ନିୟମ ରହିଛି।  ହେଲେ ନିୟମ ସତ୍ତ୍ୱେ ୮ଟାରୁ କିଭଳି ତାଲା ପଡ଼ିଲା ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି।

ଏନେଇ ଆହାର କେନ୍ଦ୍ରର ମ୍ୟାନେଜରଙ୍କୁ ପଚାରିବାରୁ ଟାର୍ଗେଟ୍‌ ପୁରଣ ହୋଇଯାଇଥିବା ସେ କହିଛନ୍ତି।  ଅନ୍ୟପଟେ, ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ଆହାର କେନ୍ଦ୍ର ପରିଚାଳନା ଦାୟିତ୍ୱରେ ଥିବା ଅଧିକାରୀ କହିଛନ୍ତି।

 

ଆହୁରି ପଢ଼ନ୍ତୁ

ବାପାଙ୍କ ଶବକୁ କାନ୍ଧ ଦେଇ ମଶାଣି ନେଲେ ତିନି ଝିଅ , ଦେଲେ ମୁଖାଗ୍ନି

ସରକାରଙ୍କ ଠିକାଦାର ପ୍ରୀତିର ଗୁମର ଖୋଲିଲେ ଏଜି ; କାମ ନକରି ବି ମାଲେମାଲ୍ ଠିକାଦାର

ସାହାରା ଇଣ୍ଡିଆ କମ୍ପାନୀର ବ୍ରହ୍ମପୁର ଅଫିସରେ ତାଲା

ଖୋଲିବ ଛୋଟାର କଳା ସାମ୍ରାଜ୍ୟର ଗୁମର

ପାଟକୁରାରେ ବିଜେଡି ସୁପ୍ରିମୋଙ୍କ ମାରାଥନ ପ୍ରଚାର

କୁଳଭୂଷଣଙ୍କୁ ପାକିସ୍ତାନ ଦେଇଥିବା ମୃତ୍ୟୁ ଦଣ୍ଡାଦେଶକୁ ସ୍ଥଗିତ ରଖିଲେ ICJ

ବିଧାନସଭାରେ ଅନୁପସ୍ଥିତ, ପାଟକୁରାରେ ଉପସ୍ଥିତ

ଆଦର୍ଶ ପୋଖରୀ ଖୋଳାରେ ମହାଘୋଟାଲା ; ୧୦ ଲକ୍ଷ ଟଙ୍କା ଆତ୍ମସାତ୍‌ ଅଭିଯୋଗ

କିଓସ୍କ ବ୍ୟାଙ୍କିଙ୍ଗ୍ ନାଁରେ ବଡ଼ ଘୋଟାଲା : ଗ୍ରାହକ ସେବା କେନ୍ଦ୍ର ପରିଚାଳକ ଫେରାର

ନିଶା ଓ ପଥର ମାଫିଆ ଘର ଉପରେ ଚଢ଼ିଲା ବୁଲ୍‌ଡୋଜର

ବାହୁଡ଼ାରେ ଘୁଗୁନି ବିକିଲେ ପଦ୍ମଶ୍ରୀ ହଳଧର ନାଗ

ଅଧୁରା ରହିବ କି ୩ ଜିଲ୍ଲାର ମଡେଲ୍ ଡିଗ୍ରୀ କଲେଜ ସ୍ୱପ୍ନ ?

You might also like