SCBରେ ଭର୍ତ୍ତି ହେଲେ ଇଟାଲି ଫେରନ୍ତା ଛାତ୍ର

କଟକ: ଇଟାଲିରୁ ଫେରିଥିବା ଜଣେ ଇଞ୍ଜିନିୟରିଂ ଛାତ୍ରଙ୍କୁ କରୋନା ସନ୍ଦେହରେ କଟକ ଏସ୍‌ସିବିରେ ଭର୍ତ୍ତି କରାଯାଇଛି। ଫଳରେ ଏବେ ଏସ୍‌ସିବିରେ ୨ କରୋନା ସନ୍ଦିଗ୍ଧଙ୍କ ଚିକିତ୍ସା ଜାରି ରହିଛି।

ପୂର୍ବରୁ ଜଣେ ସନ୍ଦିଗ୍ଧଙ୍କ ଚିକିତ୍ସା ଜାରି ରହିଥିବା ବେଳେ ଗତକାଲି ଇଟାଲି ଫେରନ୍ତା ଛାତ୍ର ଜଣକ ଏସ୍‌ସିବିରେ ଭର୍ତ୍ତି ହୋଇଛନ୍ତି। ଏକ ସ୍ୱତନ୍ତ୍ର ଡାକ୍ତରୀ ଟିମ୍ ସ୍ୱାସ୍ଥ୍ୟାବସ୍ଥା ଯାଞ୍ଚ କରୁଛନ୍ତି। ପୂର୍ବରୁ ଚିକିତ୍ସା ପରେ ୭ ସନ୍ଦିଗ୍ଧଙ୍କୁ ଏସ୍‌ସିବିରୁ ଡିସ୍‌ଚାର୍ଜ କରାଯାଇଥିଲା।

କରୋନା ବିଶ୍ୱ ମହାମାରୀ ରୂପ ନେଇ ସାରିଥିବା ବେଳେ ଏହାକୁ ନେଇ ବେଶ୍‌ ସତର୍କ ରହିଛନ୍ତି କଟକ SCB ମେଡିକାଲ କର୍ତ୍ତୃପକ୍ଷ। କରୋନା ମୁକାବିଲା ପାଇଁ ଏସ୍‌ସିବି ପୂରା ପ୍ରସ୍ତୁତ ରହିଛି ବୋଲି ଏହାର ଜରୁରୀକାଳୀନ ଅଧିକାରୀ ଭୁବନାନନ୍ଦ ମହାରଣା ଗତକାଲି ସୂଚନା ଦେଇଥିଲେ।

ସେ କହିଥିଲେ, ଏହି ଭୟାନକ ରୋଗର ମୁକାବିଲା ଲାଗି ବ୍ୟବସ୍ଥିତ ଢଙ୍ଗରେ ଚିକିତ୍ସା କରାଯିବା ଉପରେ ଗୁରୁତ୍ୱ ଦିଆଯାଇଛି। ସେଥିପାଇଁ ଆବଶ୍ୟକ ଷ୍ଟାଫ୍‌ଙ୍କୁ ନିୟୋଜିତ କରାଯାଇଛି। ଔଷଧ ଓ ମାସ୍କ ମହଜୁଦ ରହିଛି। ପରିସ୍ଥିତିକୁ ଦୃଷ୍ଟିରେ ରଖି ଏହାର ସଫଳ ମୁକାବିଲା ଲାଗି ଏସ୍‌ସିବିରେ ଅଧିକ ୪ଟି ଆଇସିୟୁ ସହ ନୂଆ ବିଲ୍ଡିଂରେ ୬୦ ବେଡ୍‌ର ବ୍ୟବସ୍ଥା ହେଉଛି।

You might also like