ହିଡ଼ ହାଣୁଥିଲେ, ବାହାରିଲା ବିରଳ ମୂର୍ତ୍ତି

ଭଦ୍ରକ: ଚାଷ ଜମିରୁ ମିଳିଲା ବିରଳ ମୂର୍ତ୍ତି। ଭଦ୍ରକ ଜିଲ୍ଲା ଜଳଙ୍ଗା ଗାଁରୁ ଏକ କଳାମୁଗୁନି ପଥରର ବିରଳ ମୂର୍ତ୍ତି ମିଳିଛି।

ଗାଁର ରମେଶ ମଲ୍ଲିକ ଆଜି ଚାଷ ଜମିରେ ହିଡ଼ ପାଖ ହାଣୁଥିଲେ। ଏହି ସମୟରେ ତାଙ୍କ କୋଦାଳରେ ପଥର ବାଜିବାର ଶବ୍ଦ ହୋଇଥିଲା। ଏହାପରେ ରମେଶ ମାଟି ଭିତରୁ ଏକ କଳାମୁଗୁନି ପଥରର ମୂର୍ତ୍ତି ଦେଖିବାକୁ ପାଇଥିଲେ।

ମୂର୍ତ୍ତିରେ ଭଗବାନ ରାମଙ୍କ ଚିତ୍ର ଥିବା ଦେଖି ସେ ମୂର୍ତ୍ତିଟିକୁ ନେଇ ଗାଁକୁ ପଳେଇ ଆସିଥିଲେ। କଳା ମୁଗୁନି ପଥରର ଏହି ମୂର୍ତ୍ତିରେ ଭଗବାନ ରାମଙ୍କ ଚିତ୍ର ଖୋଦେଇ ହୋଇଥିବା ଜଣାପଡ଼ିଛି। ଏହି ବିରଳ ମୂର୍ତ୍ତି ବିଲରୁ ମିଳିବା ପରେ ଗାଁରେ ଏକ ପ୍ରକାର ଭକ୍ତିମୟ ପରିବେଶ ସୃଷ୍ଟି ହୋଇଛି।

You might also like