ଜାଲରେ ପଡ଼ିଲା ନାଗ

ଭଦ୍ରକ: ଦୁଇ ବର୍ଷ ତଳେ ଶହ ଶହ ସଂଖ୍ୟାର ନାଗ ସାପ ବାହାରିବା ନେଇ ଚର୍ଚ୍ଚାରେ ଥିବା ଭଦ୍ରକ ଜିଲ୍ଲାର ଧାମନଗର ପାଇକସାହି ଗାଁ, ଏବେ ପୁଣି ଚର୍ଚ୍ଚାରେ। ଗାଁରେ ପୁଣି ସାପ ଆତଙ୍କ ଦେଖା ଦେଇଛି। ସାପ କାମୁଡ଼ାରେ ଜଣେ ମହିଳାଙ୍କ ମୃତ୍ୟୁ ଓ ଘର ଭିତରେ ସାପ ରହୁଥିବା ଦେଖିବା ପରେ ଗାଁ ଲୋକେ ଭୟଭୀତ ହୋଇପଡ଼ିଛନ୍ତି।

ଗତ ୫ ତାରିଖରେ ସାପ କାମୁଡ଼ାରେ ଜଣେ ମହିଳାଙ୍କ ମୃତ୍ୟୁ ହୋଇଥିଲା। ଏହାପରେ ଗାଁର ପ୍ରାୟ ଲୋକେ ଘର ଭିତରେ ସାପ ରହୁଥିବା ଦେଖିବାକୁ ପାଇବା ପରେ ଆହୁରି ଭୟଭୀତ ହୋଇପଡ଼ିଛନ୍ତି ଲୋକେ। ସାପ ଧରିବା ପାଇଁ ଗାଁ ଲୋକଙ୍କ ଦ୍ୱାରା ବିଛା ଯାଇଥିବା ଜାଲରେ ୨ଟି ନାଗ-ନାଗୁଣୀ ଛନ୍ଦି ହୋଇପଡ଼ିଥିଲେ। କିନ୍ତୁ ଗୋଟିଏ ନାଗ ସାପ ଜାଲରେ ପଡ଼ିଥିବାବେଳେ ଆଉ ଗୋଟିଏ ନାଗ ସାପ ଖସି ପଳାଇଛି।

ଗାଁରେ ବନ ବିଭାଗ କର୍ମଚାରୀ ପହଞ୍ଚି ଅନ୍ୟ ଏକ ସାପକୁ ଧରିବା ପାଇଁ ଚେଷ୍ଟା କରୁଛନ୍ତି।

ସୂଚନାଥାଉ କି, ଦୁଇ ବର୍ଷ ତଳେ ପାଇକସାହି ଗାଁରେ ଶହ ଶହ ନାଗ ସାପ ବାହାରିଥିଲେ। ହଠାତ୍‌ ଏତେ ସଂଖ୍ୟକ ନାଗ ବାହାରିବା ପରେ ସେତେବେଳେ ରାଜ୍ୟରେ ଏହି ଘଟଣା ଚର୍ଚ୍ଚାର ବିଷୟ ପାଲଟିଥିଲା।

You might also like