ଖେଳୁ ଖେଳୁ ୪ ବର୍ଷର ପିଲା ପାଟିରେ ପଶିଗଲା ଲୁହା ରଡ୍

ବ୍ରହ୍ମପୁର:  ଖେଳୁ ଖେଳୁ ଛୋଟ ପିଲାର ପାଟିରେ ପଶିଗଲା ରଡ୍‌। ଏଭଳି ଅଭାବନୀୟ ଘଟଣା ଘଟିଛି କେଶପୁର ନିକଟସ୍ଥ ଖଣ୍ଡଦେଉଳି ଗ୍ରାମରେ।

ଏହି ଗ୍ରାମର ଯଜ୍ଞସିନୀ ଗୌଡ଼ ନାମକ ଜଣେ ମହିଳାଙ୍କ ୪ ବର୍ଷର ପୁଅ ଖେଳୁଥିଲେ। ଖେଳୁଥିବା ସମୟରେ ଅସାବଧାନତା ବଶତଃ ପାଟିରେ ଲୁହା ରଡ୍ ପଶି ଯାଇଥିଲା।

ଗୁରୁତର ଅବସ୍ଥାରେ ତାଙ୍କୁ ଏମ୍‌କେସିଜି ମେଡିକାଲରେ ଭର୍ତ୍ତି କରାଯାଇଥିଲା। ବେକରେ ଲୁହା ରଡ୍ ପଶିଥିବା ଶିଶୁର ସରିଛି ଅପରେସନ୍। ବ୍ରହ୍ମପୁର ଏମକେସିଜି ହସ୍ପିଟାଲରେ ଶିଶୁର ଅପରେସନ୍ ସରିଛି। ଲୁହା ରଡ୍‌କୁ ଅତି ଯତ୍ନର ସହ ବେକରୁ ବାହାର କରାଯାଇଛି।

ହସ୍ପିଟାଲରେ ଶିଶୁ ବିଭାଗରେ ସର୍ଜରୀ କରାଯାଇଥିବା ଜଣାପଡ଼ିଛି। ହସ୍ପିଟାଲ୍‌ରେ ଶିଶୁ ବିଭାଗରେ ଘଣ୍ଟାଏ ଅପରେସନ୍ ହୋଇଥିଲା। ଏବେ ଶିଶୁଟି ସୁସ୍ଥ ଥିବା ସହ ତାଙ୍କୁ ଆଇସିୟୁରେ ଡାକ୍ତରୀ ଟିମ୍‌ର ନଜରରେ ରଖାଯାଇଛି।

You might also like