ବାଲେଶ୍ୱର: କରୋନା ଅକାଳରେ ଖାଲି ମୁଣ୍ଡ ନେଉନି ତ, ଉଜାଡ଼ି ଦେଉଛି ଗୋଟିଏ ଗୋଟିଏ ପରିବାର । କିଏ ସ୍ୱାମୀକୁ ହରାଉଛି, ତ କିଏ ସ୍ତ୍ରୀକୁ । କେଉଁଠି ଅବୋଧ ଶିଶୁ ବାପା ମାଆ ଛେଉଣ୍ଡ ହୋଇଯାଉଛି, ଆଉ କେଉଁଠି ନିଜ ସନ୍ତାନକୁ ହରାଇ ପାଗଳ ପ୍ରାୟ ହତଭାଗା ବାପା-ମାଆ ।

ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ୍ ନିମାତପୁର ଗାଁରୁ ଆସିଛି ସେମିତି ଏକ ଦୁଃଖଦ ଖବର । ଯେଉଁଠି ଏକ ଦଂପତି ଆରପାରିକୁ ଚାଲିଯାଇଛନ୍ତି । ଆଉ ଏପାରିରେ ଛାଡ଼ିଦେଇ ଯାଇଛନ୍ତି ନିଜ ୭ ବର୍ଷର ଝିଅ, ଆଉ ଦେଢ଼ ମାସର ପୁଅକୁ । ଯେଉଁ ବୟସରେ ନିଜେ ମାଆ କୋଳରେ ଗେଲା ହେବା କଥା । ସେଇ ବୟସରେ ନିଜ ସାନ ଭାଇ ପାଇଁ ମାଆ ପାଲଟିଯାଇଛି କ୍ରିଷ୍ଣା । ଦେଢ଼ ମାସର କଅଁଳା ଶିଶୁକୁ କେତେ ବେଳେ ଛାତିରେ ଜାବୁଡ଼ି ଧରି ବୋଧ କରାଉଛି, ତ କେତେବେଳେ ପୁଣି ଦୋଳି ଝୁଲାଇ ଶୁଆଇ ଦେଉଛି ।

Corona Affected Family Children

ଅକାଳ ଚଡ଼କର ଚିହ୍ନକୁ ଛାତିର କେଉଁ ଏକ କୋଣରେ ଚାପି ଦେଇ, ନିଜ ଭାଇକୁ ବଡ଼ କରିବାର ସ୍ୱପ୍ନ ଦେଖୁଛି ଏଇ କୁନି ଝିଅ । କ୍ରିଷ୍ଣାକୁ ଏବେ ମାତ୍ର ୭ ବର୍ଷ ହେଲେ, ତା ମୁଣ୍ଡ ଉପରୁ ବାପା-ମାଆଙ୍କ ହାତ ଛଡ଼ାଇ ନେଇଛି ନିଷ୍ଠୁର ନିୟତି । ଗତ ମାସରେ ମାଆ ଚାଲିଗଲା, ଆଉ ଏଇ କିଛି ଦିନ ତଳେ ବାପା । ମାଆ-ବାପା ଆଗପଛ ହୋଇ ଚାଲିଗଲେ ସିନା, ଛାଡ଼ି ଦେଇଗଲେ ଏଇ ଅବୋଧ ଶିଶୁକୁ । କ୍ରିଷ୍ଣା ଜାଣିଛି ତା ବାପା-ମାଆ ଆଉ କେବେ ଫେରିବେନି, ହେଲେ ନିଜେ ଧୈର୍ଯ୍ୟ ଧରି ଛୋଟ ଭାଇକୁ ଖୁଆଇ ଦେଉଛି, ଶୁଆଇ ଦେଉଛି, ଆଉ ତାର ସବୁ ଦେଖାଶୁଣା କରୁଛି ।

ବାଲେଶ୍ୱର ଜିଲ୍ଲା ଭୋଗରାଇ ନିମାତପୁର ଗାଁର କମଳେଶ ପଣ୍ଡାଙ୍କ ପରିବାର ୨ ମାସ ତଳେ ହସୁଥିଲା, ଖୁସିରେ ନାଚୁଥିଲା । ଘରକୁ ଆସିବାର ଥିଲା ନୂଆ ଅତିଥି । ୯ ମାସର ଗର୍ଭବତୀ ଥିଲେ କମଳେଶଙ୍କ ପତ୍ନୀ ସ୍ମିତା । କଟକ ଆଚାଯର୍ୟ ହରିହର କ୍ୟାନ୍ସର ହସ୍ପିଟାଲରେ ନର୍ସ ଥିଲେ ସ୍ମିତା । ଆଉ କମଳେଶ ଇଷ୍ଟକୋଷ୍ଟ ରେଲେଓ୍ୱ ମୁଖ୍ୟାଳୟରେ ଚାକିରି କରୁଥିଲେ । ହେଲେ ଗତ ଏପ୍ରିଲରେ କୋଭିଡ୍ ଆକ୍ରାନ୍ତ ହୋଇ ସ୍ମିତା ମେଡିକାଲ୍‌ରେ ଭର୍ତ୍ତି ହେଲେ ।

Corona Affected Family Children

୭ ଦିନ ପରେ ପ୍ରସବ ହେଲା ଈଶ୍ୱରଙ୍କ କୃପାରୁ ନବଜାତ ଯଦିଓ କୋଭିଡ୍ ନେଗେଟିଭ୍ ଥିଲା, ହେଲେ ବିଡ଼ମ୍ବନା ଯେ, ପ୍ରସବର ୭ ଦିନ ପରେ ସେ ନିଜେ ଚିରଦିନ ପାଇଁ ଆଖି ବୁଜିଦେଲେ । ପରେ ପରେ କମଳେଶ ବି ରୋଗାକ୍ରାନ୍ତ ହୋଇ ଭୁବନେଶ୍ୱରର ଏକ କୋଭିଡ୍ ହସ୍ପିଟାଲରେ ଗତ ୯ ତାରିଖରେ ଆଖି ବୁଜିଲେ । ଦିନ କେଇଟା ଭିତରେ ବାପା-ମାଆ ଛେଉଣ୍ଡ ହୋଇଗଲେ । ୭ ବର୍ଷର କ୍ରିଷ୍ଣା ଓ ଦେଢ଼ ମାସର ତା ନୟନ ପିତୁଳା ଏବେ ସେମାନେ ନିଜ ବଡ଼ ବାପାଙ୍କ ପାଖରେ ରହୁଛନ୍ତି ।

Other Stories

  • Delivery Boy
    Delivery Boy ପୋଲିସ୍ ସାଜିଲା ଡେଲିଭରି ବୟ

    ଆମେରିକାରେ ରହୁଥିବା ଜଣେ ମହିଳା ନିଜ ପାଇଁ ଅନ୍‌ଲାଇନ୍‌ରେ ଖାଦ୍ୟ ଅର୍ଡର କରିଥିଲେ। ଯେତେବେଳେ ସେ ଖାଦ୍ୟ ପାଇଁ ଅପେକ୍ଷା କରିଥିଲେ ସେତେବେଳେ ଜଣେ ପୋଲିସ ଅଧିକାରୀ ତାଙ୍କ ଘରର କବାଟ ବାଡେଇଥିଲେ ।

  • PMAY
    Odisha ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି !

    ଭୁବନେଶ୍ୱର: ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ଅଭିଯୋଗ ଆଣି ରାଜ୍ୟ ସରକାରଙ୍କୁ ବିଜେପିର ଟାର୍ଗେଟ୍ । ଏମିତିକି ଏହି ଦୁର୍ନୀତି ଓ ଅନିୟମିତତା ପ୍ରତିବାଦରେ ଆସନ୍ତା ୭ରୁ ୯ ଯାଏଁ ଆନ୍ଦୋଳନ କରିବାକୁ ଦଳ...

  • COWIN
    Co Win ୫୦ ଦେଶ କୋ-ୱିନ୍‌ ଆପ୍‌ ବ୍ୟବହାର କରିବାକୁ ଆଗ୍ରହୀ

    ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇରେ ମୁଖ୍ୟ ଅସ୍ତ୍ର ଟିକା । ଆଉ ଏହି ବିଶ୍ୱର ସର୍ବବୃହତ ଟିକାକରଣ ଅଭିଯାନର ମେରୁଦଣ୍ଡ କୋ-ଓ୍ୱିନ୍ ଟିକା । ଉପଲବ୍ଧତା ଯାଞ୍ଚ ହେଉ, ସ୍ଲଟ୍ ବୁକିଂ ଅବା ରେଜିଷ୍ଟ୍ରେନ୍ କିମ୍ବା...

  • Small-girl
    Odisha ମା‘ ଭାଇର ଜୀବନ ବଞ୍ଚେଇ ଦେଲା କୁନି ଝିଅ

    ମୁରାଦାବାଦ୍‌: ଯେଉଁ ବୟସରେ ଚାଲି ଶିଖିବା କଥା ସେ ବୟସରେ ସେ ମାଆ ପାଇଁ ସାହାରା ହେଲା । ଅଜଣା ରାସ୍ତାରେ ମାଆ, ଭାଇ ପାଇଁ ଖୋଜି ଆଣିଲା ଉଦ୍ଧାରକାରୀ ଟିମ୍ । ଷ୍ଟେସନ୍‌ରେ ଅଚେତ୍ ଅବସ୍ଥାରେ...