ହୋଟେଲ୍‌ରେ ନିଆଁ ଲାଗି ୭ ଗୁରୁତର

ରାଉରକେଲା: ରାଉରକେଲାର ଏକ ହୋଟେଲରେ ଅଗ୍ନିକାଣ୍ଡ ଘଟି ୭ ଜଣ ଗୁରୁତର ଆହତ ହୋଇଛନ୍ତି। ପାନପୋଷ ଛକ ସ୍ଥିତ ପଞ୍ଚମ ହୋଟେଲରେ ଆଜି ସକାଳେ ଏହି ଅଗ୍ନିକାଣ୍ଡ ଘଟିଛି। ପ୍ରଥମେ ଆହତଙ୍କୁ ରାଉରକେଲା ସରକାରୀ ହସ୍ପିଟାଲ୍‌କୁ ଅଣାଯାଇଥିଲା। ପରେ ଅବସ୍ଥା ଗୁରୁତର ହେବାରୁ ରାଉରକେଲା ଆଇଜିଏଚ୍‌କୁ ସ୍ଥାନାନ୍ତର କରାଯାଇଛି।

ଗ୍ୟାସ୍‌ ସିଲିଣ୍ଡର କିମ୍ବା ଗ୍ୟାସ୍‌ ପାଇପ୍‌ରୁ ଗ୍ୟାସ୍‌ ଲିକେଜ୍‌ ହୋଇ ନିଆଁ ଲାଗି ଯାଇଥିବା ସନ୍ଦେହ କରାଯାଉଛି। ଘଟଣାସ୍ଥଳରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ।

ସୂଚନା ଅନୁସାରେ, ହୋଟେଲ୍‌ର ରୋଷେଇ ଘରେ ରୋଷେଇ କାର୍ଯ୍ୟ ଚାଲିଥିବା ବେଳେ ଏହି ଅଗ୍ନିକାଣ୍ଡ ଘଟିଥିଲା। ପରେ ନିଆଁ ସାରା ହୋଟେଲ୍‌କୁ ବ୍ୟାପି ଯାଇଥିଲା।

You might also like