ରାଜ୍ୟର ୬ ଅଗ୍ନିଶମ କର୍ମଚାରୀ ସସ୍‌ପେଣ୍ଡ

କର୍ତ୍ତବ୍ୟରେ ଅବହେଳା, ବିଶୃଙ୍ଖଳିତ ଅାଚରଣ ଅଭିଯୋଗ

ମୟୁରଭଞ୍ଜ  : କର୍ତ୍ତବ୍ୟରେ ଅବହେଳା ପ୍ରଦର୍ଶନ, ବିଶୃଙ୍ଖଳିତ ଅାଚରଣ ଏବଂ କର୍ତ୍ତବ୍ୟରୁ ଅନଧିକାର ଭାବେ ଓହରି ଯାଇଥିବା ଅଭିଯୋଗରେ ରାଜ୍ୟର ୬ ଅଗ୍ନିଶମ କର୍ମଚାରୀ ନିଲମ୍ବିତ । ମୟୁରଭଞ୍ଜ ଚିତ୍ରଡା ଦମକଳ କେନ୍ଦ୍ରର ୨, ନୟାଗଡ଼ ଦଶପଲ୍ଲାର ୨ ଏବଂ ବାଲିଅାପାଳର ୨ ଜଣ କର୍ମଚାରୀଙ୍କୁ ସସ୍‌ପେଣ୍ଡ କରାଯାଇଥିବା ଅାଜି କଟକ ସ୍ଥିତ କେନ୍ଦ୍ରୀୟ ରେଞ୍ଜ୍ ଫାୟାର ଅଫିସରଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଅାଯାଇଛି।

ଗତ ସୋମବାର ଠାରୁ ରାଜ୍ୟବ୍ୟାପୀ ଅଗ୍ନିଶମ କର୍ମଚାରୀ ସଂଘ ଅାନ୍ଦୋଳନକୁ ଓହ୍ଲାଇଛନ୍ତି। ତେବେ ଗତକାଲି ମୟୂରଭଞ୍ଜ ଜିଲ୍ଲା ଡାକୋଇ ଗାଁରେ ୩ ବର୍ଷର ଶିଶୁ କୂଅରେ ପଡ଼ିଯାଇଥିଲା ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ। ହେଲେ ଏମାନେ ଉଦ୍ଧାର ପାଇଁ ଯାଇନଥିଲେ।

ସେହିଭଳି ନୟାଗଡ଼ ଦଶପଲ୍ଲାରେ ୫ ବଖର ଘର ପୋଡ଼ି ପାଉଁଶ ହୋଇଯାଇଥିଲେ ବି ଦମକଳ ବାହିନୀ ଖବର ପାଇ ପହଞ୍ଚିନଥିଲା। ଫଳରେ ଉଭୟ ସ୍ଥାନରେ ଉଭୟ ଧନ ଓ ଜୀବନ ଯାଇଥିବା ଅଭିଯୋଗ ହୋଇଥିଲା।

You might also like