ଗଞ୍ଜେଇ ଚୋରା ଚାଲାଣରେ ସଂପୃକ୍ତ ୪ ସାମ୍ବାଦିକ ଗିରଫ

ମାଲକାନଗିରି: ଗଞ୍ଜେଇ ଚୋରାଚାଲାଣରେ ସାମ୍ବାଦିକଙ୍କ ସଂପୃକ୍ତି ଅଭିଯୋଗ। ଏହି ଅଭିଯୋଗରେ ଧରାପଡ଼ିଛନ୍ତି ମାଲକାନଗିରି ଜିଲ୍ଲାର ୪ ଜଣ କର୍ତ୍ତବ୍ୟରତ ସାମ୍ବାଦିକ। ବାଲିମେଳା ପୋଲିସ ୪ଜଣ ସାମ୍ବାଦିକଙ୍କୁ ଗିରଫ କରିଛି। ଗିରଫ ସାମ୍ବାଦିକ ମାନେ ହେଲେ ଜିତେନ୍ଦ୍ର ରାଉତ, ନାରାୟଣ ଦାସ, ବିକାଶ ପାଢ଼ୀ ଏବଂ ସତ୍ୟ ପାଢ଼ୀ।

ଏମାନେ ଆନ୍ଧ୍ରରୁ ପଞ୍ଜାବକୁ ଗଞ୍ଜେଇ ବୋଝେଇ କଣ୍ଟେନରକୁ ସୀମାପାର୍ କରାଇବାର ଦାୟିତ୍ୱ ନେଇଥିଲେ ବୋଲି ଅଭିଯୋଗ ହୋଇଛି। ଯେଉଁ କଣ୍ଟେନର୍‌ରେ ଥିଲା ୧୦ କ୍ୱିଣ୍ଟାଲ୍ ଗଂଜେଇ। ଏହି ବାବଦକୁ ସେମାନେ ୬୦ ହଜାର ଟଙ୍କା ନେଇଥିଲେ ବୋଲି ସୂଚନା ମିଳିଛି। ତେବେ ଚାଲାଣ ସମୟରେ ପାଟ୍ରୋଲିଂ କରୁଥିବା ପୁଲିସ କଣ୍ଟେନରକୁ ଧରିବା ସହ ଡ୍ରାଇଭରକୁ ଗିରଫ କରିବା ପରେ ସାମ୍ବାଦିକଙ୍କ ସଂପୃକ୍ତି ଥିବା ଜଣାପଡ଼ିଥିଲା ବୋଲି ପୁଲିସ କହିଛି।

You might also like