ଆଜିଠୁ ୪ ଦିନ ପର୍ଯ୍ୟନ୍ତ ବନ୍ଦ ରହିବ ବ୍ୟାଙ୍କ : ୧୫ ଓ ୧୬ ତାରିଖ ୨ ଦିନ ସର୍ବଭାରତୀୟ ବ୍ୟାଙ୍କ ଧର୍ମଘଟ

୪ ଦିନ ପର୍ଯ୍ୟନ୍ତ ବନ୍ଦ ରହିବ ବ୍ୟାଙ୍କ
ଆଜି ସେକେଣ୍ଡ ସଟର ଡେ, ଆସନ୍ତାକାଲି ରବିବାର ଛୁଟି
୧୫ ଓ ୧୬ ତାରିଖ ୨ ଦିନ ସର୍ବଭାରତୀୟ ବ୍ୟାଙ୍କ ଧର୍ମଘଟ

ଆଜିଠାରୁ ୪ ଦିନ ପର୍ଯ୍ୟନ୍ତ ବନ୍ଦ ରହିବ ବ୍ୟାଙ୍କ। ଆଜି ସେକେଣ୍ଡ ସଟର ଡେ ଛୁଟି ହୋଇଥିବା ବେଳେ ଆସନ୍ତାକାଲି ରବିବାର ଆଉ ତାପରଦିନ ଅର୍ଥାତ ମାର୍ଚ୍ଚ ୧୫ ଓ ୧୬ ତାରିଖ ୨ଦିନ ସର୍ବଭାରତୀୟ ବ୍ୟାଙ୍କ ଧର୍ମଘଟ । ଫଳରେ ମାର୍ଚ୍ଚ ୧୩ ରୁ ମାର୍ଚ୍ଚ ୧୬ ପର୍ଯ୍ୟନ୍ତ ବ୍ୟାଙ୍କ ଗୁଡିକରେ କାର୍ଯ୍ୟ ବନ୍ଦ ରହିବ । ଏସବୁ ଦିନରେ ବ୍ୟାଙ୍କ ବନ୍ଦ ରହୁଥିବାରୁ ହନ୍ତସନ୍ତ ହୋଇପାରନ୍ତି ଗ୍ରାହକ । କେନ୍ଦ୍ର ସରକାରଙ୍କ ବ୍ୟାଙ୍କ ଘରୋଇକରଣ ନିଷ୍ପତ୍ତି ବିରୋଧରେ ଆସନ୍ତା ସୋମବାର ଏବଂ ମଙ୍ଗଳବାର ଧର୍ମଘଟ ଡାକରା ଦେଇଛି ୟୁନାଇଟେଡ ଫୋରମ ଅଫ ବ୍ୟାଙ୍କ ୟୁନିଅନସ ।

ଧର୍ମଘଟରେ ସାମିଲ ହେବେ ଓଡ଼ିଶାର ୫ହଜାର ୫୦୦ ବ୍ୟାଙ୍କ ଶାଖାର ପ୍ରାୟ ୩୦ ହଜାର କର୍ମଚାରୀ ଓ ଅଧିକାରୀ । ଏପରି ହେଲେ ଆଗାମୀ ସପ୍ତାହରେ ମାତ୍ର ୪ ଦିନ ପାଇଁ ବ୍ୟାଙ୍କ ଖୋଲା ରହିବ। ତେବେ ବ୍ୟାଙ୍କ ବନ୍ଦ ଥିଲେ ସୁଦ୍ଧା କ୍ୟାସ କାରବାର ପାଇଁ ଗ୍ରାହକଙ୍କୁ ଚିନ୍ତା କରିବାକୁ ପଡିବ ନାହିଁ । କାରଣ ଏଟିଏମରେ କ୍ୟାସ ଉପଲବ୍ଧ ରହିବ। ଗ୍ରାହକ ଯେପରି କ୍ୟାସ ପାଇଁ ଅସୁବିଧାରେ ନପଡ଼ନ୍ତି ସେଥିପ୍ରତି ବିଶେଷ ଧ୍ୟାନ ଦିଆଯିବ ବୋଲି ସୂଚନା ମିଳିଛି।

 

ଦୁଇଟି ସାର୍ବଜନୀନ କ୍ଷେତ୍ର ବ୍ୟାଙ୍କର ପ୍ରସ୍ତାବିତ ଘରୋଇକରଣକୁ ବିରୋଧ କରିବାକୁ ଫୋରମ୍ ଏହି ଧର୍ମଘଟକୁ ଡାକିଛି । ଅଲ ଇଣ୍ଡିଆ କର୍ମଚାରୀ ସଂଘ, ଅଲ ଇଣ୍ଡିଆ ବ୍ୟାଙ୍କ ଅଫିସର୍ସ କନଫେଡେରେସନ୍, ନ୍ୟାସନାଲ କନଫେଡେରେସନ୍ ଅଫ୍ ବ୍ୟାଙ୍କ କର୍ମଚାରୀ, ଅଲ ଇଣ୍ଡିଆ ବ୍ୟାଙ୍କ ଅଫିସର୍ସ ଆସୋସିଏସନ୍, ବ୍ୟାଙ୍କ କର୍ମଚାରୀ କର୍ମଚାରୀ କନଫେଡେରେସନ୍ ସହିତ UFBU ର 9 କର୍ମଚାରୀ ୟୁନିଅନ୍ ଏହି ଧର୍ମଘଟରେ ସାମିଲ ହେବେ । ଚଳିତ ବର୍ଷ ବଜେଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଦୁଇଟି ସରକାରୀ କ୍ଷେତ୍ର ବ୍ୟାଙ୍କର ଘରୋଇକରଣ ଘୋଷଣା କରିଛନ୍ତି। ୨୦୧୯ ରେ କେନ୍ଦ୍ର ସରକାର LIC ରେ IDBI ବ୍ୟାଙ୍କର ଅଧିକାଂଶ ଅଂଶଧନ ବିକ୍ରି କରିଦେଇଛନ୍ତି। ଅନ୍ୟପଟେ ବିଗତ ୪ ବର୍ଷ  ମଧ୍ୟରେ ୧୪ଟି ରାଷ୍ଟ୍ରାୟତ୍ତ ବ୍ୟାଙ୍କର ମିଶ୍ରଣ ହୋଇସାରିଛି।

 

 

 

 

 

 

 

You might also like