ଭୁବନେଶ୍ୱରରୁ ସାଢ଼େ ୪ କିଲୋ ଧଳାଜହର ଜବତ

ଭୁବନେଶ୍ୱର: ରାଜଧାନୀରୁ ଜବତ ହେଲା ସାଢ଼େ ୪ କିଲୋ ବ୍ରାଉନସୁଗାର। ରସୁଲଗଡ଼ ଛକରୁ ଆଜି ଏତେ ପରିମାଣର ବ୍ରାଉନସୁଗାର ଜବତ କରିଛି ଏସଟିଏଫ୍। ଯାହାକି ଏସଟିଏଫ୍ ପାଇଁ ବଡ଼ ସଫଳତା ବୋଲି ପୋଲିସ ଡିଜି କହିଛନ୍ତି।

ସେପଟେ ଗତ ୬ ମାସ ଭିତରେ ରାଜ୍ୟରୁ ମୋଟ ୧୨ କିଲୋ ବ୍ରାଉନସୁଗାର ଜବତ ହୋଇଛି, ଯାହା ଓଡ଼ିଶା ପୋଲିସ ୨୦୧୬ରୁ ୨୦୧୯ ୩ ବର୍ଷ ମଧ୍ୟରେ ଜବତ କରିଥିବା ବ୍ରାଉନସୁଗାର ପରିମାଣ ସହ ଏହା ସମାନ ବୋଲି କହିଛନ୍ତି ଡିଜି।

ଏପଟେ ଆଜି ରାଜଧାନୀ ଉପକଣ୍ଠ ବଡ଼ରଘୁନାଥପୁରରୁ ବି ୭୦୬ ଗ୍ରାମର ବ୍ରାଉନ୍ ସୁଗାର ଜବତ କରିଛି କମିଶନରେଟ୍ ପୋଲିସ। ଏ ମାମଲାରେ ୨ ଜଣଙ୍କୁ ଗିରଫ ସହ ଏକ ଦାମୀ କାର, ସ୍କୁଟି ଓ ୩ ମୋବାଇଲ ବି ଜବତ କରିଛି। ଏମାନେ ଜଳେଶ୍ୱରରୁ ବ୍ରାଉନସୁଗାର ଆଣି ଭୁବନେଶ୍ୱରରେ ବିକ୍ରି କରୁଥିବା ବେଳେ ଜଟଣୀ ପୋଲିସ ଓ କ୍ୟୁଏଟି ବିଶ୍ୱସ୍ତ ସୂତ୍ରରୁ ଖବର ପାଇ ଚଢାଉ କରିଥିଲା।

You might also like