ଘରକୁ ଫେରୁଥିଲେ, ପଛପଟୁ ବାଜିଲା ଗୁଳି: ରାସ୍ତାରେ ଟଳି ପଡ଼ିଲେ ବ୍ୟବସାୟୀ

ଉମରକୋଟରେ ଟି. ସଂଜୀବ ସୁବୁଦ୍ଧି ନାମକ ଜଣେ ବ୍ୟବସାୟୀଙ୍କୁ ଗୁଳିମାଡ଼

ଉମରକୋଟ(କାର୍ତ୍ତିକ ମଲ୍ଲିକ):  ଉମରକୋଟରେ ବ୍ୟବସାୟୀଙ୍କୁ ଗୁଳିମାଡ଼ ଅଭିଯୋଗ । ଗୁଳିମାଡର ଶିକାର ହୋଇଥିବା ବ୍ୟବସାୟୀ ଜଣକ ହେଉଛନ୍ତି ଟି. ସଂଜୀବ ସୁବୁଦ୍ଧି। ତାଙ୍କ ଅଣ୍ଟାରେ ଗୁଳି ବାଜିଛି । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଗତକାଲି ସଂଜୀବ ପିଏନବି ଶାଖା ଆଗରେ ବାଇକ୍ ଧରି ଠିଆ ହୋଇଥିବା ବେଳେ ଗୁଳିମାଡ଼ ହୋଇଥିଲା । ୩ ଜଣ ଦୁର୍ବୃତ୍ତ ଫାୟାରିଂ କରି ଘଟଣାସ୍ଥଳରୁ ଚମ୍ପଟ ମାରିଥିଲେ । ଗୁଳିକାଣ୍ଡର କାରଣ ଜଣାପଡି ନଥିବା ବେଳେ ଉମରକୋଟ ପୋଲିସ ଘଟଣାର ତଦନ୍ତ ଚଳାଇଛି ।

ବ୍ୟବସାୟୀଙ୍କୁ ଗୁଳିମାଡ଼ ଅଭିଯୋଗ। ଗୁଳିମାଡର ଶିକାର ହୋଇଥିବା ବ୍ୟବସାୟୀ ଜଣକ ହେଉଛନ୍ତି ଟି. ସଂଜୀବ ସୁବୁଦ୍ଧି । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି #Umerkote #Odisha pic.twitter.com/ENToUgUPZE

— ଓଟିଭି (@otvkhabar) March 13, 2021

ସୂଚନାଯୋଗ୍ୟ ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ୩ ଜଣ ଦୁର୍ବୃତ୍ତ ପଛପଟୁ ଆକ୍ରମଣ କରିଥିଲେ ଓ  ଗୁଳି କରିଥିଲେ । ଘଟଣାସ୍ଥଳରେ ଟଳିପଡ଼ିଥିଲେ ଟି. ସଂଜୀବ ସୁବୁଦ୍ଧି । ପ୍ରାୟ ୯ ଟା ବେଳକୁ ବାଇକରେ ଝରିଗାଁ ରାସ୍ତାରେ ଫେରୁଥିବା ବେଳେ ଏପରି ଅଘଟଣ ଘଟିଥିଲା। ଗୁଳି ଫୁଟିବା ଶବ୍ଦ ଶୁଣି ସେଠାରେ ଥିବା କିଛି ଲୋକେ ତୁରନ୍ତ ତାଙ୍କୁ ଉଦ୍ଧାର କରି ପ୍ରଥମେ ଉମରକୋଟ ମେଡ଼ିକାଲ ପରେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ବ୍ୟବସାୟିକ ଶତ୍ରୁତାକୁ କେନ୍ଦ୍ର କରି ଏହି ଗୁଳିକାଣ୍ଡ ଘଟିଥିବା ସନ୍ଦେହ କରାଯାଉଛି। କାରଣ ୧୫ ଦିନ ପୂର୍ବରୁ ମଧ୍ୟ ସଂପୃକ୍ତ ବ୍ୟବସାୟୀଙ୍କୁ ମୁଖାପିନ୍ଧା କିଛି ଲୋକ ଅଟକାଇଥିଲେ। ତିନି ଜଣଙ୍କ ଉପରେ ସନ୍ଦେହ ହେଉଥିବା କହିଛନ୍ତି ବ୍ୟବସାୟୀ।