ମହିଳାଙ୍କୁ ଅପହରଣ ଉଦ୍ୟମ, କନଷ୍ଟେବଳଙ୍କ ସମେତ ୩ ଗିରଫ

ଭୁବନେଶ୍ୱର: ଥାନାକୁ ଅଭିଯୋଗ ଜଣାଇବାକୁ ଆସୁଥିବା ଜଣେ ମହିଳାଙ୍କୁ ଅପହରଣ ଉଦ୍ୟମ ଅଭିଯୋଗରେ ପୋଲିସ ଜଣେ କନଷ୍ଟେବଳଙ୍କ ସମେତ ୩ ଜଣଙ୍କୁ ଗିରଫ କରିଛି। ଘଟଣାଟି ଗତ କାଲି ରାତିରେ ରାଜଧାନୀର ସହିଦ ନଗର ଅଞ୍ଚଳରେ ଘଟିଛି। ଗିରଫ କନଷ୍ଟେବଳ ଜଣଙ୍କ ଓଡିଶା ଆର୍ମଡ ପୋଲିସରେ କାର୍ଯ୍ୟରତ ଅଛନ୍ତି।

ଖବର ଅନୁଯାୟୀ, ମହିଳା ଜଣଙ୍କ ଗତ କାଲି ରାତି ପ୍ରାୟ ସାଢ଼େ ୧୦ଟା ସମୟରେ  ଏକୁଟିଆ ଚାଲିଚାଲି ସହିଦ ନଗର ଥାନାକୁ ଏତଲା ଦେବା ପାଇଁ ଯାଉଥିଲେ। ଠିକ୍‌ ସେତିକିବେଳେ ଅଟୋରେ ଜଣେ କନଷ୍ଟେବଳଙ୍କ ସମେତ ୩ଜଣ ବ୍ୟକ୍ତି ମହିଳାଙ୍କ ପାଖରେ ପହଁଞ୍ଚିଥିଲେ। ସେମାନେ ମହିଳାଙ୍କ ସହ କଥା ହୋଇ ତାଙ୍କୁ ଥାନାରେ ପହଁଞ୍ଚାଇଦେବୁ ବୋଲି କହିଥିଲେ।

ଏହାପରେ ମହିଳା ଜଣଙ୍କ ଅଟୋରେ ବସିଥିଲେ। କିନ୍ତୁ ସେମାନେ ମହିଳାଙ୍କୁ ଥାନାକୁ ନେବା ପରିବର୍ତ୍ତେ ରାଜଧାନୀର ବିଭିନ୍ନ ଅଞ୍ଚଳରେ ବୁଲାଇଥିଲେ। ମହିଳାଙ୍କ ସହ ଅଟୋରେ ଅସଦାଚରଣ କରିଥିବା ମଧ୍ୟ ଅଭିଯୋଗ ହୋଇଛି।

ପରେ ମହିଳାଙ୍କୁ ନେଇ ସେମାନେ ସହିଦ ନଗର ଆସିଥିଲେ। ଗାଡିଟି ସହିଦ ନଗର ଥାନା ଦେଇ ଯାଉଥିବାବେଳେ ମହିଳା ଜଣଙ୍କ ଅଟୋରୁ ଡେଇଁ ପଡି ଚିତ୍କାର କରିଥିଲେ। ମହିଳାଙ୍କ ଚିତ୍କାର ଶୁଣି ପାଖରେ ଥିବା ଲୋକମାନେ ଦୌଡିଆସି କନଷ୍ଟେବଳଙ୍କ ସମେତ ୩ଜଣଙ୍କୁ କାବୁ କରି ମହିଳାଙ୍କୁ ଉଦ୍ଧାର କରିଥିଲେ। ପୋଲିସ ଘଟଣାରେ ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।

ତେବେ ଗିରଫ କନଷ୍ଟେବଳଙ୍କର ଗତକାଲି ଖଣ୍ଡଗିରି ଥାନାରେ ରାତି ସାଢ଼େ ନଅଟାରୁ ସକାଳ ସାଢ଼େ ସାତଟା ଯାଏଁ ଡ୍ୟୁଟି ରହିଥିଲା ବୋଲି ସୂଚନା ମିଳିଛି।

ଆହୁରି ପଢ଼ନ୍ତୁ

ଭୁବନେଶ୍ୱରରୁ ୩୧୭ ପଜିଟିଭ ଚିହ୍ନଟ, ୨୫୫ ଲୋକାଲ କେସ୍

ପୂରଣ ହେଲା ସ୍ୱାଭିମାନ ଅଞ୍ଚଳବାସୀଙ୍କ ଆଶା

ଆଜିଠୁ ଓଡ଼ିଶାର ଏହି ସହର ୭ ଦିନ ସଟ୍‌ଡାଉନ୍‌

ବିଶ୍ୱ ପର୍ଯ୍ୟଟନ ଦିବସରେ କୋଣାର୍କକୁ ଗଡ଼ିଲା ‘ମୋ ବସ୍’

ଓଡ଼ିଶାରେ କୋଭିଡ୍‌ ପରିଚାଳନାକୁ ନେଇ ପ୍ରଶ୍ନ ଉଠାଇଲେ ବିଜେଡି ବିଧାୟକ

ଦିନକରେ ଓଡ଼ିଶାରେ ୧୪ କରୋନା ଆକ୍ରାନ୍ତଙ୍କ ମୃତ୍ୟୁ

ଓଡ଼ିଶାରେ କରୋନା ସ୍ଥିତି: ୨୪ ଘଣ୍ଟାରେ ଚିହ୍ନଟ ହେଲେ ୩,୯୨୨ ପଜିଟିଭ୍‌

ଅକ୍ଟୋବରରୁ ଓଡ଼ିଶାର ସମସ୍ତ ପର୍ଯ୍ୟଟନସ୍ଥଳୀ ଖୋଲିବାକୁ ଯୋଜନା

ସମ୍ପର୍କୀୟଙ୍କ ସହ ମିଶି ପତ୍ନୀଙ୍କୁ ମାଡ଼ ମାରିଲେ ଡେପୁଟି କଲେକ୍ଟର

JEE Advanced 2020: କୋଭିଡ୍‌ ଗାଇଡ୍‌ଲାଇନ୍ସ ପାଳନ କରି ହେବ ପରୀକ୍ଷା

ଗ୍ୟାସ ସିଲିଣ୍ଡର ସଜାଡ଼ୁଥିବା ବେଳେ ହଠାତ୍ ଲାଗିଲା ନିଆଁ; ୬ ଗୁରୁତର

ବିଧାନସଭା ଅଧିବେଶନରେ ସରକାରଙ୍କୁ ଘେରିବାକୁ ବିଜେପିର ରଣନୀତି

You might also like