କଟକ ସହରରୁ ୧୨୫ କରୋନା ଆକ୍ରାନ୍ତ ଚିହ୍ନଟ, ଚିନ୍ତା ବଢ଼ାଇଲା କୁମ୍ଭାରସାହି !

କଟକ: କଟକ ସହରରୁ ଚିହ୍ନଟ ହେଲେ ୧୨୫ କରୋନା ଆକ୍ରାନ୍ତ। ସେଥିରୁ ୨୪ ସରକାରୀ କ୍ୱାରେଣ୍ଟାଇନ୍‌ରୁ, ୩୩ ହୋମ୍‌ କ୍ୱାରେଣ୍ଟାଇନ୍‌ରୁ ଓ ୩୪ ଲୋକାଲ୍‌ କେସ୍‌ ଅଛନ୍ତି। ଏନେଇ ଟ୍ୱିଟ୍ ଯୋଗେ ସୂଚନା ଦେଇଛି  କଟକ ମହାନଗର ନିଗମ(ସିଏମ୍‌ସି)।

କଟକ କୁମ୍ଭାରସାହି ମାଇକ୍ରୋ କଣ୍ଟେନମେଣ୍ଟ ଜୋନରୁ ୩୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି SCB ମେଡିକାଲ ଆଇସୋଲେସନ ୱାର୍ଡରୁ ୧୬, ତେଲେଙ୍ଗାପେଣ୍ଠରୁ ୬, ଦରଘା ବଜାରରୁ ୫, ବକ୍ସିବଜାରରୁ ୪, ବାଲ୍ମିକୀ ନଗର ଓ ସିଡିଏ-୬ରୁ ୩ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛି। ଏହାଛଡ଼ା ଡଗରପଡ଼ାରୁ ୩, ଜଗତପୁର ଓ ମଠସାହିରୁ ୨ ଲେଖାଏଁ ଲୋକାଲ କେସ ଚିହ୍ନଟ ହୋଇଛନ୍ତି।

ଆଜି ସୁଦ୍ଧା ସିଏମ୍‌ସି ଅଞ୍ଚଳରୁ ୩୬୫୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିରୁ ୨୧ ଜଣଙ୍କ ମୃତ୍ୟୁ ଘଟିଥିବା ବେଳେ ୨୨୦୪ ଜଣ ଆରୋଗ୍ୟ ହୋଇ ଘରକୁ ଫେରିଛନ୍ତି। ଏବେ ୧୪୨୮ ଜଣ ବିଭିନ୍ନ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସିତ ହେଉଛନ୍ତି।

You might also like