କଟକ ସହରରୁ ୧୧୯ କରୋନା ଆକ୍ରାନ୍ତ ଚିହ୍ନଟ

କଟକ: କଟକ ସହରରୁ ଆଜି ୧୧୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ୧୧୯ ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟିନରୁ ୮୨, ଲୋକାଲ୍ କଣ୍ଟାକ୍ଟ ୩୭ ରହିଛି। ଏନେଇ ଟ୍ୱିଟ୍ ଯୋଗେ ସୂଚନା ଦେଇଛି କଟକ ମହାନଗର ନିଗମ।

କଟକ ଜିଲ୍ଲାରୁ ୧୮୯ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏମାନଙ୍କ ମଧ୍ୟରୁ କେବଳ କଟକରେ ଆକ୍ରାନ୍ତଙ୍କ ସଂଖ୍ୟା ରହିଛି ୧୧୯। ନିମସାହିରୁ ୨୫, ସୂତାହାଟରୁ ୬, ରାଣୀହାଟରୁ ୬, ମଙ୍ଗଳାବାଗରୁ ୮, ବାମ୍ଫିସାହିରୁ ୪ ଓ ପ୍ରଫେସରପଡ଼ାରୁ ୪ ଚିହ୍ନଟ ହୋଇଛନ୍ତି। ସେହିପରି ସରକାରୀ କ୍ୱାରେଣ୍ଟିନରୁ ୭ କରୋନା ଯୋଦ୍ଧା ଆକ୍ରାନ୍ତ ହୋଇଛନ୍ତି। ଏସ୍‌ସିବି ଆଇସୋଲେସନ୍ ଓ୍ୱାର୍ଡର ୩ କରୋନା ଯୋଦ୍ଧା ଆକ୍ରାନ୍ତ ହୋଇଛନ୍ତି।


କଟକ ସହରରେ ମୋଟ ସଂକ୍ରମଣ ୨୨୭୦ ବୃଦ୍ଧି ପାଇଛି। ଆକ୍ଟିଭ କେସ୍ ୮୬୦ ରହିଥିବା ବେଳେ ୧୩୯୮ ସୁସ୍ଥ ହୋଇଛନ୍ତି। ୧୨ ଜଣଙ୍କ ମୃତ୍ୟୁ ହୋଇଛି।

You might also like