ଭୁବନେଶ୍ୱର: ଓଡିଶାରୁ ଉତ୍ତରପ୍ରଦେଶ ଆଗ୍ରାକୁ ଯାଉଥିବା ଏକ କାର୍ରୁ ଗତ କାଲି ପ୍ରାୟ ୧୧କୋଟି ଟଙ୍କା ଜବତ ହୋଇଛି । ଛତିଶଗଡ଼ ମହାସମୁନ୍ଦଠାରେ ଉକ୍ତ ଗାଡ଼ିକୁ ଅଟକ ରଖାଯାଇ ଚଢାଉ କରାଯିବା ପରେ ଏହି ଘଟଣା ଜଣା ପଡିଛି । ହେଲେ ନିର୍ବାଚନ ପାଖେଇ ଆସୁଥିବା ବେଳେ ଏତେ ଟଙ୍କା କିଏ ଆଉ କେଉଁଠିକୁ ପଠାଉଥିଲା ତାହା ଖୋଳତା଼ଡ଼ କରିବ କ୍ରାଇମବ୍ରାଞ୍ଚ ଇଓଡବ୍ଲ୍ୟୁ । ଏ ନେଇ ସୂଚନା ଦେଇଛନ୍ତି ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା ।
ଛତିଶଗଡରୁ ଜବତ ହୋଇଥିବା ପ୍ରାୟ ୧୧କୋଟି ଟଙ୍କା ମଧ୍ୟରେ ୨ହଜାର, ୫ଶହ, ୨ଶହ ଓ ଶହେ ଟଙ୍କିଆ ବିଡା ବିଡ଼ା ନୋଟ୍ ରହିଛି । ଏହି ଘଟଣାରେ ମହାସମୁନ୍ଦ ପୋଲିସ ୪ଜଣଙ୍କୁ ଗିରଫ କରିଛି । ପଚରାଉଚରା ବେଳେ ସେମାନେ ଟଙ୍କା କେଉଁଠୁ ଆସୁଥିଲା ସେ ସମ୍ପର୍କରେ ସଠିକ ତଥ୍ୟ ଦେଇପାରି ନାହାନ୍ତି। ଫଳରେ ଏହି ଘଟଣା ନେଇ ସନ୍ଦେହ ବଢିବାରେ ଲାଗିଛି।