• translate
Pramod Behera

ଦେଶରେ ପ୍ରାୟ ସେପ୍ଟେମ୍ବର ପର୍ଯ୍ୟନ୍ତ ବର୍ଷା ଲାଗି ରହିଥାଏ। କିନ୍ତୁ ଏମିତି କିଛି ଅଞ୍ଚଳ ଅଛି ଯେଉଁଠି ପ୍ରବଳ ବର୍ଷା ହୋଇଥାଏ। କିଛି ଦିନ ପୂର୍ବରୁ ଦିଲ୍ଲୀ ସହିତ କେରଳ, ମଧ୍ୟପ୍ରଦେଶ, ବିହାର ଏବଂ ଉତ୍ତରପ୍ରଦେଶରେ ପ୍ରବଳ ବର୍ଷା ହୋଇଥିଲା। ଏହି କାରଣରୁ ଅନେକ ସ୍ଥାନରେ ଜନଜୀବନ ସହିତ ସମ୍ପତ୍ତି ନଷ୍ଟ ହୋଇଥିବା ସୂଚନା ମିଳିଛି। ଗତ ଦିନରେ ଉତ୍ତରପ୍ରଦେଶରେ ପ୍ରବଳ ବର୍ଷା ହେତୁ ୪୬ ଜଣଙ୍କର ମୃତ୍ୟୁ ହୋଇଥିବାବେଳେ ୧୧ ଜଣ ନିଖୋଜ ଅଛନ୍ତି। ଉତ୍ତରରୁ ଦକ୍ଷିଣ ପର୍ଯ୍ୟନ୍ତ ଦେଶରେ ଏଭଳି ବର୍ଷା ପାଇଁ ଅନେକ କାରଣ ଥିବା ବିଶେଷଜ୍ଞମାନେ କହିଛନ୍ତି। ମୌସୁମୀର ବିଳମ୍ବ ପ୍ରତ୍ୟାବର୍ତ୍ତନ ଓ ଅନେକ ସ୍ଥାନରେ ଲଘୁଚାପ ସୃଷ୍ଟି ହେତୁ ଏଭଳି ବର୍ଷା ହୋଇଥାଏ ବୋଲି ସେମାନେ ମତ ଦିଅନ୍ତି।

Flood in Madhya Pradesh Due to heavy rain ମଧ୍ୟପ୍ରଦେଶରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି

ମୌସୁମୀ ସାଧାରଣତଃ ସେପ୍ଟେମ୍ବର ସୁଦ୍ଧା ଫେରିଥାଏ। ଅକ୍ଟୋବର ହେଉଛି ଜଳବାୟୁ ପରିବର୍ତ୍ତନର ମାସ। ଏହି ସମୟରେ ଦକ୍ଷିଣ-ପଶ୍ଚିମ ମୌସୁମୀ ଫେରିଥାଏ। ଅନ୍ୟପକ୍ଷରେ, ପଶ୍ଚିମୀ ଜଳବାୟୁ ଏହି ସମୟରେ ଦେଶର ଉତ୍ତର ଭାଗରେ ସ୍ଥାନୀୟ ପାଣିପାଗ ଉପରେ ପ୍ରଭାବ ପକାଇବା ଆରମ୍ଭ କରିଥାଏ। ଏନେଇ ଏହିସବୁ ଅଞ୍ଚଳରେ ବର୍ଷା କିମ୍ବା ତୁଷାରପାତ ହୋଇଥାଏ। ଏହି କାରଣରୁ, ଗତ ଏକ ସପ୍ତାହ ମଧ୍ୟରେ ଲଦାଖ ଏବଂ କାଶ୍ମୀରରେ ତୁଷାରପାତ ହୋଇଛି।

ବିଶେଷଜ୍ଞଙ୍କ ଅନୁଯାୟୀ, ଗତ ସପ୍ତାହରେ ଦୁଇଟି ଲଘୁଚାପ କ୍ଷେତ୍ର, ଗୋଟିଏ ଆରବ ସାଗରରେ ଏବଂ ଅନ୍ୟଟି ବଙ୍ଗୋପସାଗରରେ ଏକକାଳୀନ ସୃଷ୍ଟି ହୋଇଥିଲା। ଏହି କାରଣରୁ କେରଳ, ତାମିଲନାଡୁ, ଆନ୍ଧ୍ରପ୍ରଦେଶ, ତେଲେଙ୍ଗାନା, ଦିଲ୍ଲୀ, ମଧ୍ୟପ୍ରଦେଶ, ଉତ୍ତରପ୍ରଦେଶ, ଓଡିଶା ଏବଂ ପଶ୍ଚିମବଙ୍ଗରେ ପ୍ରବଳ ବର୍ଷା ହୋଇଥିଲା।

Cause of heavy rained washed away a bridge in Keralaବର୍ଷା କାରଣରୁ କେରଳରେ ଭୁଷୁଡି ପଡିଛି ଏକ ପୋଲ

ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ରିପୋର୍ଟ ଅନୁଯାୟୀ, ଚାରିମାସ ଧରି ସକ୍ରିୟ ଥିବା ଦକ୍ଷିଣ-ପଶ୍ଚିମ ମୌସୁମୀ ଅକ୍ଟୋବର ଆରମ୍ଭରେ ପ୍ରତ୍ୟାବର୍ତ୍ତନ କରେ। ଏହି ସମୟରେ, ଏହା ବଜ୍ରପାତ ଓ ଝିପିଝିପି ବର୍ଷା ସୃଷ୍ଟିକରେ।

ଏହି ସୂଚନା ଅନୁଯାୟୀ, ଚଳିତ ବର୍ଷ ମୌସୁମୀ ପ୍ରତ୍ୟାବର୍ତ୍ତନ ସମୟ ଅକ୍ଟୋବର ୬ରୁ ଆରମ୍ଭ ହୋଇଥିଲା। କିନ୍ତୁ ସାଧାରଣତଃ ଏହା ସେପ୍ଟେମ୍ବର ୧୭ରୁ ଆରମ୍ଭ ହୋଇଥାଏ। ଏହି କାରଣରୁ ଅନ୍ୟ ବର୍ଷଗୁଡ଼ିକରେ ସେପ୍ଟେମ୍ବର ଶେଷ ଆଡକୁ କେତେକ ସ୍ଥାନରେ ଝିପିଝିପି ବର୍ଷା ହୋଇଥାଏ। କିନ୍ତୁ ବର୍ତ୍ତମାନ ପଶ୍ଚିମ, ଉତ୍ତର, ମଧ୍ୟ ଏବଂ ପୂର୍ବ ଭାରତରୁ ମୌସୁମୀ ସମ୍ପୂର୍ଣ୍ଣ ରୂପେ ଫେରିଯାଇଛି, ଯଦିଓ ଏହା ଦକ୍ଷିଣ ଉପଦ୍ୱୀପରେ ସକ୍ରିୟ ଅଛି। ଏହି କାରଣରୁ ଗତ ୧୦ଦିନ ମଧ୍ୟରେ କେରଳ, ତାମିଲନାଡୁ, ତେଲେଙ୍ଗାନା, କର୍ଣ୍ଣାଟକ ଏବଂ ଆନ୍ଧ୍ରପ୍ରଦେଶରେ ପ୍ରବଳ ବର୍ଷା ହୋଇଛି।

Due to heavy rain float away Auto Rickshawଉତ୍ତର ପ୍ରଦେଶରେ ବର୍ଷାରେ ଭାସିଗଲା ଅଟୋ

ଭାରତୀୟ ପାଣିପାଗ ବିଭାଗ (ଆଇଏମ୍‌ଡି) ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ ଦକ୍ଷିଣ-ପଶ୍ଚିମ ମୌସୁମୀ ଫେରିବାରେ ବିଳମ୍ବ ହେତୁ ଓଡିଶା, ଉତ୍ତର ପୂର୍ବ ଏବଂ ଦକ୍ଷିଣ ଭାରତରେ ବର୍ଷା ହେଉଛି। ସାଧାରଣତଃ ଅକ୍ଟୋବର ମଧ୍ୟଭାଗରେ ମୌସୁମୀ ଏହାର ଦିଗ ପରିବର୍ତ୍ତନ କରିଥାଏ। ପାଣିପାଗ ବିଶେଷଜ୍ଞମାନେ କହିଛନ୍ତି ଯେ ଚଳିତ ବର୍ଷ ଉତ୍ତର ପୂର୍ବ ମୌସୁମୀର ପ୍ରତ୍ୟାବର୍ତ୍ତନ ଅକ୍ଟୋବର ୨୫ରୁ ଆରମ୍ଭ ହେବାକୁ ଯାଉଛି।

ଉଲ୍ଲେଖଥାଉ କି, ଯେଉଁ ଲଘୁଚାପ କ୍ଷେତ୍ର କାରଣରୁ କେରଳରେ ପ୍ରବଳ ବର୍ଷା ହୋଇଥିଲା ତାହା ବର୍ତ୍ତମାନ ଦୁର୍ବଳ ହୋଇଛି। କିନ୍ତୁ ଏଭଳି କ୍ଷେତ୍ର ଏବେ ମଧ୍ୟ କେନ୍ଦ୍ରୀୟ ଭାରତରେ ରହିଛି। ଏହି କାରଣରୁ, ଏହି ସପ୍ତାହରେ ଉତ୍ତର ଭାରତରେ ଭଲ ବର୍ଷା ହୋଇପାରେ। ଭାରତ ପାଣିପାଗ ବିଭାଗ ଅନୁଯାୟୀ, ଏହି କାରଣରୁ ପଶ୍ଚିମ ଉତ୍ତରପ୍ରଦେଶ, ଉତ୍ତରପ୍ରଦେଶ ଏବଂ ହିମାଚଳ ପ୍ରଦେଶରେ ଭଲ ବର୍ଷା ହୋଇପାରେ। ଏହି କ୍ଷେତ୍ରଗୁଡିକ ପାଇଁ ଆଇଏମ୍‌ଡି ଏକ ରେଡ୍ ଆଲର୍ଟ ଜାରିକରିଛି।

Other Stories

  • covid-19
    COVID-19 ଋଷରେ ଅଲୋଡା ରେକର୍ଡ ; ଦିନକରେ ୧,୦୧୫ କରୋନା ମୃତ୍ୟୁ

    ଋଷରେ କାୟା ବିସ୍ତାର କରୁଛି କରୋନା । ଦିନକୁ ଦିନ ବଢିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ଏହାକୁ ଆଖିରେ ରଖି ମସ୍କୋରେ କୋଭିଡ କଟକଣାକୁ କଡାକଡି ଭାବେ ଲାଗୁ କରାଯାଇଛି । ସୂଚନା ଅନୁଯାୟୀ ଋଷରେ...

  • Govinda Sahu
    Crime ଗୋବିନ୍ଦଙ୍କୁ ୫ ଦିନିଆ ରିମାଣ୍ଡରେ ନେବ ପୋଲିସ

    ୫ ଦିନିଆ ରିମାଣ୍ଡରେ ଯିବ ଗୋବିନ୍ଦ ସାହୁ । ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାରେ ଅଭିଯୁକ୍ତ ଗୋବିନ୍ଦ ସାହୁଙ୍କୁ ୫ ଦିନ ପାଇଁ ରିମାଣ୍ଡରେ ନେବାକୁ କୋର୍ଟ ମଂଜୁର କରିଛନ୍ତି ।

  • The sun never sets in these places
    Miscellaneous ଏମିତି ଜାଗା, ଏଠି ଅସ୍ତ ହୁଅନ୍ତି ନି ସୂର୍ଯ୍ୟ

    ଦିନ ପରେ ରାତି ଓ ରାତି ପରେ ଦିନ ହେବା, ଏହା ହିଁ ପ୍ରକୃତିର ନିୟମ। ଏ କଥା ସମସ୍ତେ ଜାଣନ୍ତି। କିନ୍ତୁ ବହୁତ କମ ଲୋକେ ଜାଣନ୍ତି ଯେ ଏ ଦୁନିଆରେ ଏମିତି ଅନେକ ସ୍ଥାନ...

  • Aryan Khan
    National ଆର୍ୟନଙ୍କୁ ମିଳିଲାନି ଜାମିନ

    ଆର୍ୟନ ଖାନ୍‌ଙ୍କ ଜାମିନ ଆବେଦନକୁ ଖାରଜ କଲା ମୁମ୍ବାଇ ଏନ୍‌ଡିପିଏସ କୋର୍ଟ । କ୍ରୁଜ୍ ଡ୍ରଗ୍ସ ମାମଲାରେ ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ ଆବେଦନକୁ ମୁମ୍ବାଇର ଏନଡିପିଏସ କୋର୍ଟ ପ୍ରତ୍ୟାଖ୍ୟାନ କରିଛନ୍ତି ।...